Biblia Todo Logo
Διαδικτυακή Βίβλος

- Διαφημίσεις -




इफिसियों 2:10 - राना थारु नयाँ नियम

10 काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

Δείτε το κεφάλαιο αντίγραφο

परमेस्वर को सच्चो वचन

10 परमेस्वर हमकै बौ बनाई है जो हम हैं, और मसीह ईसु के संग हमरे मिलन से बौ हमकै अच्छे करमन की जिंदगी के ताहीं बनाई है, जो बौ हमकै करन के ताहीं पहलिये से समारी।

Δείτε το κεφάλαιο αντίγραφο




इफिसियों 2:10
58 Σταυροειδείς Αναφορές  

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”


पर जौन सच्चाईमे चलत हएं, बे उजियारोके ढिँगै आत हएं, ताकी परमेश्वर बिनको करो भओ कामके देख पाबए, जो परमेश्वर चाँहत हए।”


अइसियए सारा यहूदिया परदेश, गालील परदेश और सामरियामे मण्डलीनके पबित्र आत्मा द्वारा उत्सहा मिलतए गओ। और प्रभुको डरमे नेँगतए और पबित्र आत्मासे शान्ति मिलके बे बहुत आदमी प्रभु येशूमे बिश्वास करीं।


योप्पा गाउँमे तबिता नाउँकी एक बिश्वासी लौंणीया रहए। ग्रीक भाषामे बोको नाउँ डोरकास हए, जौनको अर्थ हरिणी हए। बो हर समय औरेन्को भलाइ करत रहए और गरीबनके मदत करत रहए।


जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।


काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।


काहेकी हम परमेश्वरको सेवामे मदत करन बारे आदमी हएं; और तुम कोरिन्थीके बिश्वासी एक खेत कता हओ, जो परमेश्वरको हए। और मए तुमर तुलना एक घरसे कर सकत हओं, जोके परमेश्वर बनाए रहो हए।


जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।


अब हमके नयाँ शरीरके ताहीं तयार करन बारो परमेश्वरए हए, जौन पक्का करनके ताहीं हमके बैनाके रुपमे पबित्र आत्मा दइ हए।


परमेश्वर तुमर जरुरतसे जद्धा आशिष देन सिकत हए, ताकी तुमरसँग रोजए दिन सबए बातको आशिष प्रशस्त होए, और तुम सब असल कामके ताहीं प्रशस्त करके दइ पाबओ।


काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”


मए पावल, जा चिट्ठीके लिखरहो हओं। परमेश्वर चाँहत हए, कि मए ख्रीष्ट येशूको चुनो भओ चेला बनओं। मए जा चिट्ठी एफिसस सहरमे रहान बारेनके ताहीं लिखरहो हओं, जो परमेश्वरके पबित्र आदमी हएं।


संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।


एक समय रहए, जब तुम परमेश्वरसे दुर रहओ, पर परमेश्वर बो खुनके माध्यम द्वारा तुमके अपने ढिँगै लाइ हए जो येशू ख्रीष्ट तुमर ताहीं बहाइ।


अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।


बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।


काहेकी बा हमके ख्रीष्ट येशूके सँग मरेभएन् मैसे जिन्दा करी और हम स्वर्गमे ख्रीष्ट येशूके सँग राज्य करनके लायक बनाइ।


जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।


और बा तुमके एक नयाँ आदमी बनाइ हए। जा नयाँ आदमीके परमेश्वर कता होनके ताहीं बनाओ गओ हए, अर्थात् बोके नेहात्तओकमे धर्मी और पबित्र होनके ताहीं बनाओ गओ हए।


मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।


काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।


हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।


तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।


मए प्राथना करत हओं, के बे तुमर मनके उत्सहासे भरएं, और जो अच्छो हए, बोके हमेसा करतए रहानके ताहीं तुमके मजबुत करएं।


पर जाके अलाबा, उनके दुस्रे आदमीनके ताहीं अच्छे काम करके अपनएके सुथ्री बनानके घेन लगन पणत हए। काहेकी परमेश्वरको भक्ति करन बारी बैयरके ताहीं जहे अच्छो हए।


और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।


उइसीयए, जब आदमी अच्छे काम करत हएं, तओ दुस्रे बिश्वासीनके जे स्पष्ट रुपसे देखा पणत हएं। और अगर दुस्रे बिश्वासी उनको काम स्पष्ट रुपसे नाए देखेसे फिर पच्छुजाएके बे उनको कामके पता पाए डारंगे।


और बे भलो काम करएं, भलो काममे धनी बनएं, खुल्ला मनको होमएं, और औरेन्के देन तयार होमएं।


अइसियए, जो बिश्वासी अपनएके बे सब खराब कामके अलग करैगो, तओ बाको जीबन पबित्र रहबैगो और बो मूल्यवान भाणा-बर्तन कता होबैगो जो खास अबसरके ताहीं इस्तमाल करोजात हए, और जहेमारे बो अपनो मालिकके ताहीं उपयोगी होबैगो।


ताकी परमेश्वरको सेवा करन बारो आदमी सब मेलके भले काम करनके ताहीं तयार और सक्षम होबए जैसेकी पबित्र-शास्त्रमे लिखो हए।


येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।


तोके हर बातमे उदाहरणके रुपके अच्छो काम करन चाहो, जो देखके दुस्रे आदमी हमेसा पालन करपामएं; जब तए बिश्वासीनके परमेश्वरके बारेमे सिखात हए, तओ तोके अच्छे उदेश्यके साथ सिखान पणो, और अइसे करके सिखा, कि आदमी तोके आदर करएं।


बिश्वासीनके याद करबा, कि हाकिम और अधिकारीके आदर करएं, और उनकी आज्ञा मानएं, और सब जनै एकदुस्रेके ताहीं अच्छे काम करनके ताहीं तयार रहाएं।


सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।


जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।


हम एकदुस्रेनके प्रेम और भलाइ करनकी बातमे एकदुस्रेके उत्सहा करे रहामएं।


कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।


बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।


परमेश्वरमे हओं, कहान बारो आदमी ख्रीष्ट जैसो जीबन जीइनके पणत हए।


Ακολουθησε μας:

Διαφημίσεις


Διαφημίσεις