इफिसियों 1:5 - राना थारु नयाँ नियम

⁵ परमेश्वरको प्रेमके कारणसे बा निर्णय लइ, कि बा येशू ख्रीष्टके द्वारा हमके अपनो सन्तान होनके ताहीं चुनैगो। परमेश्वर अपनो खुसी और आनन्द अनुसार अइसो करीहए।

परमेस्वर को सच्चो वचन

⁵ प्रेम के बजह से और अपनी मरजी से, अच्छे मन से हमैं अपने ताहीं पहलिये से बनाई कि ईसु मसीह के जरिया हम बाके गोद लै भै बालका होमैं, जहे बाकी खुसी और मरजी रहै।

इफिसियों 1:5 Σταυροειδείς Αναφορές

मत्ती 1:25

मरियम लौंणा नाए जन्मान तक योसेफ कोइ शारीरिक सम्बन्ध नाए रक्खी और योसेफ बच्चाको नाउँ येशू धरी।

मत्ती 11:26

हाँ दौवा, काहेकी तुमके जहे ठिक लागो।”

लूका 10:21

बहेबेरा येशू पबित्र आत्मामे हुइके आनन्दसे भरीगओ, और कही, “हे दौवा, बादर और पृथ्वीके परमप्रभु, मए तुमके धन्यबाद चढात हओं, काहेकी तुम जा बात बुद्धिमान और समझदारसे लुकाएके धरे, और बालकाके प्रकट करे। काहेकी, दौवा तुमके जहे ठिक लागो।

लूका 11:32

निनवेके आदमी न्यायमे जा पिढीके सँग ठाणके जाके दोषी ठहिरामंगे, काहेकी बे योनाको परचारमे पश्‍चात्ताप करत हएं। और देखओ, हियाँ एक आदमी हए, जो योनासे महान हए।

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

यूहन्ना 11:52

पर उनके ताहीं इकल्लो नाए हुइके, बा परमेश्वरके सन्ताननके ताहीं फिर मरैगो, जौन जा संसारमे तितरबितर हएं, ताकी बिनके एक ठाउँमे जमा करो जाए सकए।

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

1 कोरिन्थी 1:1

मए, पावल जा चिट्ठीके लिखरहो हओं। मए चुनो भओ चेला होनके ताहीं परमेश्वरको इच्छासे ख्रीष्ट येशू द्वारा बुलाओ गओ हओं। मए हियाँ हमरे सँगी बिश्वासी सोस्थेनेसके सँग हओं, जौन मोके मदत करत हए।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

इफिसियों 1:11

परमेश्वर हम यहूदीनके फिर ख्रीष्टके सँगए जोडके अपने आदमी होनके ताहीं चुनलै काहेकी सुरुसे बाकी जहे योजना रहए। बा सब अपनी योजनाके अनुसार करत हए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।

कलस्सी 1:19

काहेकी दौवा परमेश्वरको खुसी जहेमे हए, कि परमेश्वरको पुरो सृष्टि ख्रीष्टमे बास करए।

2 थेसलोनिकी 1:11

जहेमारे लगातार हम, तुम सबके ताहीं प्राथना फिर करत हएं, ताकी हमर परमेश्वर तुमके बहे करनके लायक बनाबए जो करनके ताहीं बा तुमके बुलाइ हए। और परमेश्वर अपनो शक्तिके द्वारा सब काममे मदत करए ताकी तुमर सब भले इच्छा पुरा होएं और जो कुछ फिर तुम बिश्वाससे कर रहेहओ, बो पुरा होबए।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

प्रकाश 21:7

जौन आदमी बुराइके हराए देतहए, बो मोसे जे आशिष पामंगे, और मए बिनको परमेश्वर होमंगो, और बे मिर लौंणा होमंगे।