इफिसियों 1:20 - राना थारु नयाँ नियम

²⁰ जौन ख्रीष्टके मरे भएन मैसे उठाइ और बाके स्वर्गमे परमेश्वरको दाहिना हातमे सम्मानको ठाउँमे बैठिगओ।

परमेस्वर को सच्चो वचन

²⁰ जोकै जरिये बौ मसीह कै मौत से जिंदो करी और बाकै स्वर्गिय जघा मैं अपने दहने और बैठारी।

इफिसियों 1:20 Σταυροειδείς Αναφορές

मत्ती 26:64

येशू बोसे कही, “तुम अपनए कहीदए: तहुँफिर मए तुमसे कहात हओं, पर अबसे तुम आदमीको लौंणाके सर्बशक्तिमानके दहिना हात घेन बैठो, और बादरके बद्रिमे आत देखैगे।”

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

मर्कूस 14:62

येशू कही, “हाँ मए हओं, और तुम मए, आदमीको लौंणाके परमेश्वरको महान शक्तिको दहिने बाहुलीमे बैठो और तुम मोके फिरसे स्वर्गसे बादरके बद्रिके सँग आत देखैगे जहाँ परमेश्वर बैठतहए।”

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

यूहन्ना 10:18

कोइ मिर ज्यान मोसे नाए लैपाबैगो। पर मए अपन इच्छासे अप्नो ज्यान देत हओं, अपन ज्यान देनको अधिकार मिर ठिन हए और फिरसे लेनको अधिकार फिर मेरी ठिन हए। काहेकी जा बहे आज्ञा हए, जौन मए मिर दौवासे पाओ हओं।”

यूहन्ना 10:30

दौवा और मए एक हएं।”

प्रेरित 10:40

पर तिसरे दिनमे परमेश्वर बाके मरो भओ मैसे जिन्दा करी और बा आदमीनके बीचमे प्रकट करबाइ।

प्रेरित 26:8

परमेश्वर मरे भए आदमीनके जिन्दा बनात हए कहिके तुम बिश्वास करत हओ, तहुँफिर तुम काहे कोइ फिर परमेश्वर, येशूके मरे मैसे जिन्दा करी हए कहिके बिश्वास नाए करत हओ?

प्रेरित 4:10

तुम सबए और सारा इस्राएल देशके आदमीनके पता होए, कि जा नासरत गाउँमे रहान बारो येशू ख्रीष्टके नाउँमे करोगओ हए। बहे येशू ख्रीष्टके तुम क्रूसमे टाँग दएरहओ, पर परमेश्वर बोके मरे मैसे फिरके जिन्दा करी। आज बाके नाउँके द्वारा जा आदमी तुमर अग्गु अच्छो हुइके ठाणो हए।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

इफिसियों 1:3

हमर प्रभु येशू ख्रीष्टको और दौवा परमेश्वरको प्रसंसा होबए, काहेकी ख्रीष्टके एकतामे होनके कारणसे परमेश्वर हमके ख्रीष्टके द्वारा स्वर्गको हर मेलके आत्मिक आशिषनसे आशिषित करी हए।

फिलिप्पी 3:10

मए जा चाँहत हओं, कि ख्रीष्टके जानलेमओं। बाको मरके जिन्दा बनान बारो शक्तिके जान पामओं, और बाको मृत्युमे बाके हानी हुइके बाको दु:खमे सामिल हुइपामओं।

कलस्सी 1:16

काहेकी जा ख्रीष्ट रहए, जौन सब चीज परमेश्वरके सँग मिलके सृष्टि करी रहए, बादर होए या पृथ्वी, देखन बारी होए या नाए देखन बारी, चहुँ सिंहासन होए या राजा, चहुँ प्रधानता होए या अधिकार जे सब ख्रीष्टद्वारा और ख्रीष्टके आदर देनके ताहीं बनाए गए हएं।

कलस्सी 3:1

जब परमेश्वर ख्रीष्टके मरो मैसे जिन्दा करी, तओ तुम फिर पापी स्वभाबमे मरके जिन्दा भए हओं। तुम बो चीजमे मन लगाओ, जौन चीज परमेश्वर तुमर ताहीं स्वर्गमे धरेपणे हए। जहाँ परमेश्वरके ठिन, ख्रीष्ट सबसे सम्मानित ठाउँमे बैठो।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 10:12

पर ख्रीष्ट अपनो शरीर आदमीनको पाप उठाए लैजानके ताहीं एकए चोटी बलि भओ, जो सदामानके ताहीं प्रभावशाली हए। जा काम निभटके पिच्छु बा परमेश्वरको दहिना हात घेन उँचो सम्मानके ठाउँमे बैठो।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 2:9

पर सच्चाई जा हए, कि कुछ समयके ताहीं, येशू स्वर्गदूतसे कुछ छोटो करोगओ। परमेश्वरको अनुग्रहसे येशू संसारके सब आदमीनके ताहीं कष्ट भोगी और मरो। जहेमारे परमेश्वर येशूके महिमा और आदर दइ।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

प्रकाश 1:17

जब मए बाके देखो, तओ तुरन्तए मए बाके पाँओँमे पणिगओ। मए एक मरो भओ आदमी कता हुइगओ। पर बा अपनो दहिना हात अइसे कहिके मिर उपर धरी, “मत डराए, महीँ हओं, जौन सब चिजनको सुरुवात करो। और महीँ हओं, जो सब चिजनके खतम करंगो।”