कलस्सी 3:10 - राना थारु नयाँ नियम

¹⁰ तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

परमेस्वर को सच्चो वचन

¹⁰ और नये चाल-चलन कै पहन लै हौ। जौ बौ नया अस्तित्व है जोकै परमेस्वर, बाकै बनानबारो, अपनी छाप मैं लगातार नवीन कर रौ है, ताकी तुमकै खुद के पूरे ग्यान मैं लाओ जाए सकै।

कलस्सी 3:10 Σταυροειδείς Αναφορές

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

रोमियों 13:12

जा खराब संसारमे रहानके हमर समय लगभग खतम हुइगओ हए, एक रातके कता, जो लगभग खतम हुइगइ हए, और बो समय फिर ढिँगै हए जब ख्रीष्ट लौटके आबैगो; जहेमारे हमके बे चीजके बन्द करदेनके चाहो जो अंधियारोसे सम्बन्धित हएं। हमके बो हथियारको इस्तमाल करनके चाहो जोके उजियारोमे इस्तमाल करोजात हए।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

2 कोरिन्थी 4:16

जहेमारे हम हरेस नाए खात हएं। हमर बाहिरी मनुष्यत्व नाश होतए जातहए, तहुँफिर हमर आत्मा दिनए-दिन नयाँ होत जातहए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

गलातियों 3:27

और बे सब जो बप्तिस्मा लैडारी हएं, येशू ख्रीष्टके सँग एकतामे हएं, तुम नयाँ ख्रीष्टको जीबनके पैंधलए हओ, जैसे एक आदमी लत्ताके पैंधलेत हए।

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 2:15

अपनी मृत्युके द्वारा, बा मोशाको नियम कानुनके जाको सब नियम और बिधिन्के साथ खतम करदइ, ताकी बा यहूदीनको समुह और गैर-यहूदीनको समुहके बीच शान्ति करपाबए और अइसियए एक नयाँ समुह बनाए पाबए।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

कलस्सी 3:14

और जे सबसे जरुरी काम जो तुमके करन चाहो बो जा हए, कि एक-दुस्रेसे प्रेम करओ।

फिलेमोन 1:6

मए प्राथना करत हओं, कि बिश्वासीन सँगको तिर संगती बढतए जाबए, ताकी तए बे सब अच्छी चीजके बुझ पाबए, जौन चीज परमेश्वर हमके दइ हए। और जाको नतिजा जा होबए, कि आदमी ख्रीष्टके महिमा करएं।

हिब्रू 6:6

बिनके फिरसे फिर्ता लानके कोइ तरिका नाए हए। काहेकी बे अपनए परमेश्वरको लौंणाके फिरसे क्रूसमे टाँगत हएं और बाको लाज करत हएं। औरे दुस्रे आदमी ख्रीष्टके बेकार हएं कहिके सोँचत हएं।

1 यूहन्ना 2:3

अगर हम परमेश्वरको आज्ञाके मानंगे, तओ जासे हम जानलेमंगे, कि परमेश्वरके सँग हमर संगती हए।

1 यूहन्ना 2:5

पर जोकोइ परमेश्वरको बचन मानत हए, कहेसे बो नेहात्तओ परमेश्वरके प्रेम करत हए। हमके जहेसे पता चलत हए, कि हम बामे हएं।

प्रकाश 21:5

सिंहासनमे बिराजमान होन बारो मोसे कही, “देख, मए सब बात नयाँ बनामंगो।” बा अइसेफिर कही, “जा लिख, जो मए कहात हओं बोमे तए बिश्वास कर सकत हए। जे बात सत्य हएं और नेहात्तओ होमंगी।”