कलस्सी 1:5 - राना थारु नयाँ नियम

⁵ तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

परमेस्वर को सच्चो वचन

⁵ जब सच्चो संदेस, सुसमाचार, पहली बार तुमरे झोने आओ, तौ तुम बौ आसा के बारे मैं सुने जो जौ प्रदान करथै। तौ तुम्हारो बिस्वास और प्रेम बाके ऊपर आधारित है जोकी तुम आसा करथौ, जो तुम्हारे ताहीं स्वर्ग मैं सुरक्छित रखो जाथै।

कलस्सी 1:5 Σταυροειδείς Αναφορές

लूका 12:33

तुम सम्पति बेँचके दान देबओ। अपन ताहीं स्वर्गमे धन जमा करओ, जो कभी नाश नाएहोए। हुवाँ नए चुट्टा आत हएं और नए किरा लगत हएं।

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 13:26

हे बिश्वासी ददाभइया, चहुँ हम अब्राहामके सन्तान होएं चहुँ हम परमेश्वरसे डरान बारे गैर-यहूदी होएं, परमेश्वर तुमर ठिन येशूके बारेमे जा सन्देश पठाइ हए जो आदमीनके बचात हए।

प्रेरित 23:6

पर जा यहूदी सभाघरमे कुछ सदुकीनको समुह और कुछ फरिसीनको समुहके हएं, कहिके पता पाएके पावल जोणसे कही, “ददाभइयओ, मए फरीसी समुहको आदमी हओं और फरिसीनको समुहके सन्तान हओं। मिर मुद्दा चलरहो हए, काहेकी मए आसरा करत हओं कि परमेश्वर मेरे आदमीनके फिर जिन्दा करैगो।”

प्रेरित 24:15

मए परमेश्वरमे आसरा करत हओं, कि धर्मी और अधर्मी दुनौके, मरे भए मैसे परमेश्वर फिरसे जिइ उठात हए कहान बारी बात जे अपनए स्वीकार करत हएं।

रोमियों 10:8

जा का कहात हए? तुम जा सन्देश तुमर मुँहुँसे स्वीकार और तुमर मनमे ग्रहण करसकत हओ, जा बो सन्देश हए जौन परमेश्वरमे बिश्वास करन सिखात हए, जो हम परचार करत हएं।

1 कोरिन्थी 13:13

जहेमारे अब, जे तीन परकारके कामके हमएं करन चाहो: परमेश्वरमे बिश्वास कर्नो, परमेश्वरके बाचामे आसरा कर्नो, और दुस्रेनके प्रेम कर्नो। पर जे तीन मैसे एक सबसे बडो हए: बो हए, दुस्रे जनैनके प्रेम कर्नो।

1 कोरिन्थी 15:19

अगर ख्रीष्टमे हमर आसरा सिर्फ जहे जीबनके ताहीं हए, तओ हमर उपर संसारमे कोइ औको तुलनामे सबसे जद्धा दया दिखाओ जान चाहो।

2 कोरिन्थी 5:19

अर्थात् ख्रीष्टको करोभओ सब काम द्वारा परमेश्वर संसारको सबए आदमीनके मेलमिलापमे लानके ताहीं एक डगर बनान डटो रहए और आदमीनको पापको लेखा नाए लैके मेलमिलाप करनके बारेमे बाको सन्देशके परचार करनके ताहीं हमके सौँपदइ हए।

2 कोरिन्थी 6:7

बाको सत्य बचनमे और परमेश्वरको शक्तिमे, हम धार्मिकताके हथियार दाहिना हातमे आक्रमणके ताहीं और दिब्रा हातमे रक्षाके ताहीं प्रयोग करत हएं,

गलातियों 2:14

पर जब मए देखो, कि बे जो करत रहएं, बो अच्छो समाचारको सच्चाईके सँग अन्तर बिरोधमे रहए तओ मए सार्बजनिक रुपसे केफाससे कहो, “तुम एक यहूदी समुह हुइके फिर गैर-यहूदी समुहनको रिति-रिवाजको पालन करत हओ। और यहूदी समुहनको रिति-रिवाजको पालन नाए करत हओ। पर अगर तुम, जोकी एक यहूदी हओ, अइसो करैगे, तओ फिर तुम गैर-यहूदी समुहनके हम यहूदी समुहनको रिति-रिबाजके पालन करनके ताहीं दबाब काहे डारत हओ?”

गलातियों 2:5

उनके अधीनमे होनके हम अस्वीकार करदए। जहेमारे कि तुम अच्छो समाचारको सच्चाईमे लगातार बने रहाबओ।

गलातियों 5:5

मए अइसे कहे सकत हओं, काहेकी हमके पबित्र आत्माके घेनसे पुरा आसरा हए, कि परमेश्वर हमके धर्मीके रुपमे स्वीकार करैगो, काहेकी हम ख्रीष्टमे भरोसा करत हएं।

इफिसियों 1:13

और तुमरसँग फिर जहे भओ हए। तुम बहे सच्चो सन्देश और मुक्तिको अच्छो समाचारके सुने हओ, जो जाके बारेमे बतात हए, कि परमेश्वर तुमके बचाए सकत हए। जब तुम ख्रीष्टमे बिश्वास करे, तओ परमेश्वर अपनो प्रतिज्ञा करोभओ पबित्र आत्मा तुमके दइ, जा दिखानके ताहीं कि तुम परमेश्वरके हओ।

इफिसियों 4:21

जो कुछ तुम येशू ख्रीष्टके बारेमे सुने हओ और कुछ तुमर गुरु तुमके सिखाइ हएं, बो नेहात्तओ बोको सच्चो शिक्षा हए।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

1 तिमोथी 1:15

जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

2 तिमोथी 4:8

अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

हिब्रू 7:19

काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

1 पतरस 3:15

बरु तुम ख्रीष्टके अपनो जीबनको प्रभुके रुपमे आराधना करओ। और हम सबए बिश्वासी साझेदार होन आसराके बारेमे कोइ पुछीं कहेसे, बोके व्याख्या करनके रोजए तयार रहाओ।

2 पतरस 1:12

मए तुमके जे बातके बारेमे घरी-घरी सम्झातए रहानके कोसिस करत हओं, होन त तुमके बे बातके बारेमे पहिलीए पता हए और तुम पक्का हओ, कि बे बात सच्चे हएं।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।