प्रेरित 9:27 - राना थारु नयाँ नियम

²⁷ पर बारनाबास शाऊलके अपने सँग चुनेभए चेलनके ठिन लैगओ। शाऊल, डगरमे प्रभुके देखो भओ और प्रभु बोसे बातचित करो भओ और दमस्कस सहरमे येशूको नाउँमे सहाससे परचार करो भओ, सब बात बारनाबास बिना डराएके उनके बताए दइ।

परमेस्वर को सच्चो वचन

²⁷ तौ बरनबास बाकी मदत के ताहीं आओ और बाकै प्रेरितन के झोने लैगौ। बौ उनकै समझाई कि कैसे साऊल सड़क मैं प्रभु कै देखी रहै और प्रभु बासे बात करी रहै। बौ जौ भी बताई रहै कि दमिस्क मैं ईसु के नाओं मैं साऊल कितनी हिम्मत से प्रचार करी रहै।

प्रेरित 9:27 Σταυροειδείς Αναφορές

प्रेरित 11:22

जब जा खबर यरूशलेम सहरको मण्डलीमे पुगो, तओ मण्डलीके अगुवा बारनाबासके सिरिया परदेशको एन्टिओखिया सहरमे पठाए दइं।

प्रेरित 11:25

तओ फिर बारनाबास शाऊलके ढुँणन एन्टिओखिया सहर छोडके टार्सस गाउँमे गओ।

प्रेरित 12:25

यहूदिया परदेशमे यहूदी बिश्वासीन्के मदत करनके ताहीं रुपैया देनके बाद, बारनाबास और शाऊल यरूशलेम सहरसे एन्टिओखिया सहरमे लौटीगए। मर्कूस कहान बारो यूहन्ना फिर उनके सँग रहए।

प्रेरित 13:2

जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

प्रेरित 15:2

अइसो मेलको शिक्षा सुनके पावल और बारनाबास उनके सँग बहुत तर्क करीं। जहेमारे हुनाके भइया पावल, बारनाबास और औ जनैके जा प्रश्नको फैसलाके ताहीं चुनेभए चेला और मण्डलीको अगुवा ठिन यरूशलेम सहरमे पठानके निर्णय करीं। बे, यरूशलेम सहरमे रहान बारे चुनेभए चेला और मण्डलीके औ अगुवनके सँग बात करके बोके बारेमे फैसला करन आदेश पाइं।

प्रेरित 4:13

जब बे पत्रुस और यूहन्नाको हिम्मत देखीं और जे, अनपड और साधारण आदमी हएं करके पता पाइं, तओ बे अचम्मो मानिगए। तओ पत्रुस और यूहन्ना फिर येशूके सँगमे रहात रहएं करके बे पता पाइं।

प्रेरित 4:29

अब हे प्रभु बिनको धम्कीके सुनओ और तुमर सन्देशके सहाससे परचार करन अपने सेवकनके शक्ति देओ।

प्रेरित 4:36

योसेफ नाउँ भओ एक आदमी रहए। बो लेबी घरानाको रहए और साइप्रसके टापूसे रहए। चुनेभए चेला बोसे बारनाबास कहिके बुलात रहएं, जौनको अर्थ हए, एक अइसो आदमी जो दुस्रेनके उत्साहित करत हए।

प्रेरित 9:17

तओ हननिया बो घरमे आओ जहाँ शाऊल रहए, और बोके उपर अपन हात धरके कही, “भइया शाऊल, जौन प्रभु येशू, तए आओ भओ डगरमे तोके दिखानो रहए, बहे प्रभुके तए देखन बारो हुइपाबए और तए पबित्र आत्मासे भर जाबए, कहिके मोके पठाइ हए।”

प्रेरित 9:29

शाऊल ग्रीक भाषा मस्कन बारे यहूदी आदमीनके सँग बातचित और बादबिबाद करत रहए। पर बे शाऊलके मार डारनके ढुँणन लागे।

1 कोरिन्थी 15:8

और अन्तमे बा मिर ठिन फिर देखा पणो, और मए आसरा नाए करो समयमे इक्बरी प्रभु येशूको चुनो भओ चेला बनिगओ।

1 कोरिन्थी 9:6

मोके और बारनाबासके फिर अन्य येशूसे चुनेभए चेला कता आर्थिक मदत प्राप्त करनको अधिकार हए और अपनुवए मदतके ताहीं काम करनके जरुरी नाए हए।

गलातियों 2:13

और बोके सँग एन्टिओखिया सहरके कुछ यहूदी बिश्वासी फिर कपटीको काम करीं, हियाँतककी बारनाबास फिर उनसे डरात रहए, और गैर-यहूदी समुहके सँग मोल-तोल करन बन्द करदइ।

गलातियों 2:9

और जे आदमी मण्डलीके खास अगुवा सम्झे जात रहएं, अर्थात् याकूब, पत्रुस (केफास) और यूहन्ना, बे कृपाको बो बरदानके पहिचानी जो मोके मिलो हए। बे मोके और बारनाबासके अपनो सहयोगी समझके हमके सहभागिताको दहिना हात दइं। बे जा बातके ताहीं सहमत भए, कि हम गैर-यहूदीके और खतना करेभए यहूदीनके बीचमे अच्छो समाचारके परचार करएं।