प्रेरित 9:23 - राना थारु नयाँ नियम

²³ जब शाऊलके दमस्कस सहरमे रहे बहुत दिन हुइगओ रहए, तओ यहूदी मिलके बोके मारडारन्के षड़यन्त्र बनाइं।

परमेस्वर को सच्चो वचन

²³ जब निरे दिन गुजर गै, तौ यहूदिया के मिलकै साऊल कै खतम करन की साजिस बनाईं,

प्रेरित 9:23 Σταυροειδείς Αναφορές

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

प्रेरित 14:2

पर बिश्वास नाए करन बारे यहूदी, गैर-यहूदी आदमीनके प्रभुमे बिश्वास करन बारे बिश्वासी ददाभइयनको बिरोधमे भणकाइं।

प्रेरित 15:26

पावल और बारनाबास अइसे हएं, जो हमर प्रभु येशू ख्रीष्टके ताहीं अपनो ज्यान समेत आफतमे डारीं।

प्रेरित 20:3

हुवाँ बे तीन महिना बिताइं। तओ पिच्छु पावल पानीजहाजसे सिरिया परदेशमे जानके बिचार करी। पर बे सिरिया परदेश हुइके पानीजहाजमे जान पेती बो सुनी कि कोइ-कोइ यहूदी दलके नेता बोके पानीजहाजमे मारन योजना बनात रहएं। जहेमारे पावल माकेडोनिया परदेश हुइके सिरिया परदेश जानके निर्णय करी।

प्रेरित 23:12

जब सबेरे उजियारो भओ तओ कुछ यहूदी आदमी एकठिन जमा हुइके पावलके नाए मारे बिना कुछु नाए खामंगे और कुछु नाए पिमंगे कहिके कसम खाइं।

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

प्रेरित 9:22

पर शाऊल और जद्धा शक्तिशाली होत परचार करन सुरु करदइ। और येशूए ख्रीष्ट हए कहिके पक्का प्रमाण दइ कि दमस्कस सहरमे रहान बारे यहूदी कुछु फिर जबाफ नाए दइ पाइं।

2 कोरिन्थी 11:26

मिर घरिघरि करोभओ यात्रामे मए नदीयाके जोखिममे पणो, डाँकुनके जोखिममे, अपनुवए जातिके आदमीनके जोखिममे, गैर-यहूदीनके जोखिममे, सहरके जोखिममे, जंगली इलाकाको जोखिममे, समुन्दरको जोखिममे, झुठे बिश्वासी ददाभइयनसे आन बारो जोखिममे।