प्रेरित 9:16 - राना थारु नयाँ नियम

¹⁶ और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

परमेस्वर को सच्चो वचन

¹⁶ और मैं खुद बाकै बौ सब दिखांगो, जो बाकै मेरे नाओं खातिर भुकतने होगो।”

प्रेरित 9:16 Σταυροειδείς Αναφορές

मत्ती 24:9

तओ बे आदमी जौन तुमर बिरोध करत हएं, तुमके संकटके ताहीं सौपदेहएं, और तुमके मरेहएं, काहेकी तुम मोएमे बिश्वास करत हओ और सारा जाति-जातिके आदमी तुमके हेला करंगे।

मत्ती 5:11

धन्य हओ तुम, जब आदमी तुमके सतात हएं, बेज्जत करत हएं, और झुठ बोलके तुमर बिरुद्धमे सब किसिमको खराब बात कहात हएं। काहेकी तुम मिर चेला हओ।

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 21:11

बो हमरे ठिन आएके पावलको फेँटा लैके अपन हात-टाँग बाँधके कहीं, “पबित्र आत्मा अइसे कहात हए, जा फेँटा जौन आदमीको हए, बोके यरूशलेम सहरमे यहूदी समुहके आदमी अइसियए करके बाँधंगे और गैर-यहूदीनके हातमे सौपदेहएं।”

प्रेरित 21:13

पर पावल जबाफ दइ, “तुम काहे अइसे रोएके मिर मनके कमजोर करत हओ? मए यरूशलेम सहरमे बंधन इकल्लो नाए, पर मए प्रभु येशू ख्रीष्टके ताहीं मरनके फिर तयार हओं।”

प्रेरित 21:4

चेलनके ढुणके बिनके सँग हम सात दिन हुवाँ बैठे। पावल यरूशलेम सहरमे नाए जाए करके, बे पबित्र आत्माको अगुवाइसे बिन्ती करीं।

प्रेरित 9:14

और हियाँ फिर जाके मुखिया यहूदी पुजारीनसे अधिकार मिलो हए, कि जो आदमी तुममे बिश्वास करत हएं, बे सबके पकड लेबए।”

प्रेरित 9:6

पर अब उठके सहरमे जा, और तोके करन बारो काम हुवाँ तोके बताओ जाबैगो।”

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

1 थेसलोनिकी 3:3

ताकी कोइ जे दु:खके कारण डगमगाए नाए जाए। काहेकी तुम जानत रहओ, कि हमके दुख उठान पणैगो।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 3:11

आदमी मोके सताइं, जौनको कारण मए बहुत पिर सहो, और तए अइसे भयानक चीजके बारेमे जानत हए, जो आदमी मेरे सँग पिसिदिया परदेशको एन्टिओखिया सहरमे, आइकोनियन सहरमे और लुस्त्रा सहरमे सताइं और कैसे मए हुवाँ सतावटके सहो, और बे सबसे प्रभु मोके बचाइ।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।