प्रेरित 6:11 - राना थारु नयाँ नियम

¹¹ जहेमारे दासत्व-मुक्त आदमी कुछ लोग आदमीनके, स्तिफनसके बारेमे झुट बोलनके ताहीं उस्काएके, “हम जा आदमीके मोशा और परमेश्वरके बदनाम करत सुनेहएं” कहिके कहानके लगाइं।

परमेस्वर को सच्चो वचन

¹¹ तौ बे कई लोगन कै घूस दईं जो कहेन लगे, “हम जाकै मूसा और परमेस्वर के खिलाप बुरो-भलो कहत सुने हैं।”

प्रेरित 6:11 Σταυροειδείς Αναφορές

यूहन्ना 1:17

काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

यूहन्ना 16:3

और अइसे बे जाकेमारे करंगे, कि बे नए दौवाके जानी हएं नए मोके जानत हएं।

यूहन्ना 9:29

हमके पता हए मोशासे परमेश्वर बोली रहए, पर हमके पता नाए हए, कि बा आदमी कहाँसे आओ हए।”

प्रेरित 15:21

काहेकी पहिलेको पुस्तासे गाउँ-गाउँमे मोशाको नियम कानुनको परचार करन बारे आए हएं। काहेकी जा हर यहूदीको यहूदी सभाघरमे हर पबित्र दिनमे पढो जात हए।”

प्रेरित 18:6

तओ जब यहूदी पावलको बिरोध करके बोको बदनाम करीं तओ पावल बिनके चेतावनी दइके अपनो लत्तासे धुधर झरात कही, “परमेश्वरको सन्देशके अस्वीकार करनके कारणसे तुम अपनए बो खुनको जिम्मेदार हओ, जो तुमके परमेश्वरके घेनसे मिलैगो। अबसे मए गैर-यहूदीनके ठिन जाएके परमेश्वरको बचन परचार करंगो।”

प्रेरित 21:28

“बे अइसे कहातए चिल्लान लागे इस्राएल देशके आदमीयओ मदत करओ! आदमीनके जेहाँ-तेहाँ, हमर जाति, हमर मोशाको नियम कानुन और जा ठाउँको बिरुद्धमे शिक्षा दइके नेँगन बारो आदमी जहेहए। इतका इकल्लो नाए, जा गैर-यहूदीनके फिर मन्दिर भितर लाएके जा पबित्र ठाउँके अशुद्ध बनाए दइ हए।”

प्रेरित 25:3

और बे पावलके डगरएमे मार डारनके षड्यन्त्र बनाएके बडो हाकिम फेस्तससे बिन्ती करीं, कि कृपया करके पावलके यरूशलेम सहरमे पठाए देओ।

प्रेरित 25:7

जब पावल आओ तओ यरूशलेम सहरसे आएके यहूदी अगुवा बोके आसपिस ठाणीगए, और पावलके बिरुद्धमे इतएउतएको दोष लगाइं। पर बे कोइ फिर दोषको प्रमाण नाए दइ पाइं।

प्रेरित 26:11

और बहुत चोटी यहूदी सभाघरमे, बिनके सजाए देन लग्बात रहओं और बिनके ख्रीष्टको बदनाम करन बारे, बनानके कोसिस करत रहओं। मए बिनसे इत्नो गुस्सानो रहओं, कि मए और दुस्रे देशके सहरमे जाएके फिर बिनके सतान लग्गओ रहओं।”

प्रेरित 6:10

तओ बो जो कुछ फिर कही, बे बोको कुछ जबाफ नाए दइ पाइं। काहेकी पबित्र आत्मा बोके बहुत बुद्धिमानीसे मस्कनमे मदत करी।

प्रेरित 6:12

बे स्तिफनसके बिरुद्ध करनके ताहीं जनता, यहूदी अगुवनको समुह और मोशाको नियम कानुन सिखान बारेनके उस्काइं और बे आएके स्तिफनसके पकणीं और बोके यहूदी सभाघरके अग्गु लैगए।

प्रेरित 6:13

हुवाँ बे झुठी गवाही देन बारोके ल्याइं, जौन स्तिफानस उपर जा आरोप लगाइ रहएं, और कहीं कि, “जा आदमी, पबित्रस्‍थान और मोशाको नियम कानुनके बिरुद्धमे बदनाम करन नाए छोडत हए।

रोमियों 3:8

कुछ आदमी जा कहिके हाम्रे उपर दोष लगान सिकत हएं, “आओ हम बुरे काम करएं, ताकी जासे अच्छाइ निक्रए।” जो आदमी मेरे बारेमे अइसियए बात कहात हएं, बे दण्ड पानके लायक हएं।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।