प्रेरित 5:33 - राना थारु नयाँ नियम

³³ तओ जब सभाके सदस्य जा सुनीं तओ बे बहुत दिक्काइगए और चुनेभए चेलनके मारन चाही।

परमेस्वर को सच्चो वचन

³³ जब पंचायत के सदस्य जौ सुनीं, तौ बे इतने गुस्सा मैं रहैं कि बे चहात रहैं कि प्रेरितन कै मौत के घाट उतार दौ जाबै।

प्रेरित 5:33 Σταυροειδείς Αναφορές

मत्ती 1:19

मरियमको लोगा योसेफ एक अच्छो आदमी रहए, और बोके समाजमे बदनाम नाए करन चाँहत रहए, जहेमारे बोके चुप्पएसे अपनी मंगनी तोणनके फैसला करी (काहेकी बो बेहा होनसे पहिली गरबबती हुइगै रहए, जौन ब्यवस्थाके बिरुद्ध रहए)।

मत्ती 10:21

भइया अप्नो भइयाके मारनके ताहीं पकणए देहएं, और अइयादौवा लौंणालौंणीयाके, और लौंणालौंणीया अइयादौवाके बिरुद्धमे उठंगे, और बिनके मारन लगए हएं।

मत्ती 10:25

चेला अपन गुरु जैसो होन जरुरी हए। और कमैया अपन मालिक जैसो होन जरुरी हए। अगर बे मालिकके सँग खराब ब्यबहार करके ‘शैतानको राजा’ कहात हएं, तओ बे मालिकके कमैयनके सँग फिर खराब ब्यबहार करंगे।”

मत्ती 24:9

तओ बे आदमी जौन तुमर बिरोध करत हएं, तुमके संकटके ताहीं सौपदेहएं, और तुमके मरेहएं, काहेकी तुम मोएमे बिश्वास करत हओ और सारा जाति-जातिके आदमी तुमके हेला करंगे।

लूका 20:19

तओ मोशाको नियम कानुन सिखान बारे और मुखिया यहूदी पुजारी बहेबेरा येशूके पकणनके ढुँणन लागे। बिनके पता रहए, कि जा कहानी बिनके बिरुद्धमे रहए पर बे आदमीनसे डरात रहएं।

लूका 6:11

पर बे दिक्कके मरे चूर हुइगए, और येशूके का करएं, कहिके एक-दुस्रेसे सल्लाह करन लागे।

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

यूहन्ना 16:2

बे तुमके यहूदी सभाघरसे निकार देहएं। पर अइसो समय फिर आबैगो, कि जो कोइ तुमके मार डारैगो बो जा सम्झैगो, कि मए परमेश्वरको सेवा करत हओं।

प्रेरित 2:37

जब आदमी जा बात सुनीं, तओ बे अपनएके बहुत दोषी महसुस करीं, तओ पत्रुस और चुनेभए चेलासे बे पुँछीं, “हे, बिश्वासी ददाभइया, हम का करएं?”

प्रेरित 22:22

आदमी पावलकी बात हियाँतक सुनीं, और अइसे कहात बे जोडसे चिल्लान लागे, “जा आदमीके मार डराओ। काहेकी जा जिन्दा रहनको लायकको नाए हए।”

प्रेरित 7:54

जब यहूदी अगुवा जा बात सुनीं तओ बे दिक्काएके चूर हुइगए। और बे स्तिफनसके देखके दाँत किटकिटन लागे।

प्रेरित 9:23

जब शाऊलके दमस्कस सहरमे रहे बहुत दिन हुइगओ रहए, तओ यहूदी मिलके बोके मारडारन्के षड़यन्त्र बनाइं।