प्रेरित 5:30 - राना थारु नयाँ नियम

³⁰ हमरे दौवा-पुर्खाको परमेश्वर येशूके मरो भओ मैसे जिन्दा करी, जौनके तुम क्रूसमे टाँगके मारडारे रहओ।

परमेस्वर को सच्चो वचन

³⁰ हमरे परखन को परमेस्वर ईसु कै जिंदो करी, जोकै तुम क्रूस मैं टँगाए कै मार डारे रहौ।

प्रेरित 5:30 Σταυροειδείς Αναφορές

लूका 1:55

बा अब्राहामके और बोके सारे पिढीके हमेसाके ताहीं दया दिखानके ताहीं याद करीहए।”

लूका 1:72

बा हमर पुर्खान्के दया दिखानके, और अपनो पबित्र करार याद करनके ताहीं आओ हए।

प्रेरित 10:39

बा यहूदिया परदेशमे और यरूशलेम सहरमे करेभए सब बातकी हम साक्षी हएं। यरूशलेम सहरमे यहूदी अगुवा बाके क्रूसमे टंगलाएके मारीं।

प्रेरित 13:33

कि परमेश्वर, येशू ख्रीष्टके मृत्युसे जिन्दा करके, बहे प्रतिज्ञा हमरे सन्तानके ताहीं पुरा करी; जैसे भजनसँग्रहमे परमेश्वर ख्रीष्टके बारेमे बताइ हए, ‘तए मिर लौंणा हए; और मए तेरो दौवा बनीगओ हओं।’

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 22:14

तओ बो कही, ‘हमर दौवा-पुर्खाको परमेश्वर, तोके बाको इच्छा जाननके ताहीं, और धर्मी सेवक येशूके देखन ताहीं और बाको अबाज सुननके ताहीं तोके नियुक्त करीहए।

प्रेरित 3:26

परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।