प्रेरित 5:12 - राना थारु नयाँ नियम

¹² अब चुनेभए चेलनके द्वारा बहुत चिन्हा और चमत्कारको काम जन्तनके बीचमे दिखाए जात रहएं, और ख्रीष्टमे बिश्वास करन बारे सबए एक मनके हुइके सोलोमनके बरन्डामे जमा होत रहएं।

परमेस्वर को सच्चो वचन

¹² प्रेरितन के हात से निरे चिन्ह और अनोखे काम आदमिन के बीच मैं दिखाए जात रहैं, और बे सब एक मन हुईकै सुलैमान की डेहरी मैं जुरात रहैं।

प्रेरित 5:12 Σταυροειδείς Αναφορές

मर्कूस 16:20

और चेला सब ठिहामे गए और जाएके आदमीनके बीच अच्छो समाचारको परचार करीं। प्रभु बिनके मदत करी और जा शक्तिशाली चमत्कारके दिखाइ, कि बाको बचन सच्चो रहए। आमेन।

यूहन्ना 10:23

येशू यरूशलेमको मन्दिरको सोलोमन कहान बारो पखाहोमे फिरत रहए।

यूहन्ना 4:48

येशू बोसे कही, “जब तक तुम शक्तिशाली चमत्कार और अचम्मोके काम नाए देखैगे, तबतक कदापी मोके ख्रीष्टके रुपमे कोइ बिश्वास नाए करैगे।”

प्रेरित 1:14

जे सब और हुवाँ औ बैयर रहएं जौन येशूके मदत करी रहएं, और येशूकी अइया मरियम और बाके भइया सँग, मनमे एकए उदेश्यके साथ एकजुट हुइके प्राथना करत रहएं।

प्रेरित 14:3

तहुँफिर पावल और बारनाबास बो सहरमे बहुत दिनतक बैठे। और प्रभुके भरोसामे सहासके साथ बात करत रहएं: और बा उनके हातसे करेभए चिन्हा और चमत्कारको काम कर्बाएके बे साबित करीं, कि जा अनुग्रहके बारेमे उनको सन्देश सच्चो रहए।

प्रेरित 16:18

बहुत दिनतक बो लौंणीया उइसीयए कहिके चिल्लातए रही। आखिरमे अइसे चिल्लात, नाए सहिपाएके पावल बो लौंणीया घेन घुमके भुतसे कही, “मए येशू ख्रीष्टके नाउँमे तोके आज्ञा देत हओं, तए जा लौंणीयासे निकारके जा।” पावल अइसे कहातएखीना दुष्ट आत्मा बो लौंणीयासे निकरके गओ।

प्रेरित 19:11

और परमेश्वर पावलके द्वारा शक्तिशालीके और चमत्कारको काम करी।

प्रेरित 2:46

बे एक मनके हुइके मन्दिरमे एकए सँग उपस्थिति होत रहएं। और प्रभुभोजके ताहीं एक-दुस्रेके घरमे जमा होत रहएं। और बे खुसीसे शुद्ध मन हुइके खानु खात रहएं।

प्रेरित 28:9

अइसे अच्छो भओ पता पाएके बो टापूमे भए सबए बिमारी पावलके ठिन आए और पावल उनके अच्छो करी।

प्रेरित 3:11

बो अच्छो भओ आदमी सोलोमन कहान बारो पखाहोमे पत्रुस और यूहन्नाके पिच्छुपिच्छु लागो देखके सबए आदमी अचम्मो मानके दौरके आए।

प्रेरित 4:30

और अच्छो करनके ताहीं अपनो हात बढाओ ताकी चमत्कारी चिन्हा और चमत्कारको काम तुमर पबित्र सेवक येशूके द्वारा करे जाएं।”

प्रेरित 9:33

हुवाँ एनियास नाउँको कोइ एक आदमीके भेँटी, जो आठ बर्षसे पक्षाघातको रोगसे खटियामे पणो रहए।

प्रेरित 9:40

तओ पत्रुस सबके बाहिर निकर दइ, और घुँटो टेकके प्राथना करी, और बो लहास घेन देखके कही, “तबिता, उठ!” और बो आँखी उघारी, और पत्रुसके देखके उठके बैठीगइ।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

2 कोरिन्थी 12:12

नेहात्तओ सच्चे येशूसे चुनेभए चेलाके लक्षण पुरा धैर्यसे, चिन्हा चमत्कार और शक्तिशाली काम द्वारा तुमर बीचमे प्रकट करेगए रहएं।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।