प्रेरित 27:12 - राना थारु नयाँ नियम

¹² जाडोको समय बितानके बो बन्दरगाह अच्छो फिर नाए रहए। जहेमारे बहुत जैसे आदमी कोइ हालतमे फिर हुवाँसे जाएके फोनिक्स सहरमे पुगनके कोसिसमे रहएं। क्रेट टापूमे भओ बो फोनिक्स सहरमे दक्खिन-पछार और सिरे-पछार घेन घुमो भओ बन्दरगाह रहए।

परमेस्वर को सच्चो वचन

¹² बन्दरगाह जाड़ो काटन ताहीं अच्छो ना रहे; जहेमारे लमसम सबै लोग समुंदर से बहार निकरन और फीनिक्स मैं पुगन की कोसिस करत रहैं, अगर हुई सकै, तौ सर्दियन कै बीतन के ताहीं। फीनिक्स क्रेते को एक बन्दरगाह है जो तरिहाँए-पछार और सीरे-पछार को सामना करथै।

प्रेरित 27:12 Σταυροειδείς Αναφορές

प्रेरित 2:11

क्रेट टापूके आदमी और अरब देशके आदमी फिर हएं। हम चहुँ यहूदी होएं चहुँ यहूदी धर्म लएभए औरे जातके आदमी हएं, जे परमेश्वरको करन बारो शक्तिशाली चमत्कारके बारेमे बोलो भओ अपनो-अपनो भाषामे सुनरहे हएं।”

प्रेरित 27:13

दक्खिन घेनसे धिरे-धिरे हबा चलन लागो। सबए आदमी सोचीं, कि योजना अनुसार बे फोनिक्स बन्दरगाह पुगेहएं, जहेमारे लंगार निकारीं और पानीजहाजके क्रेट टापूके किनारे-किनारे हुइके लैगए।

प्रेरित 27:21

आदमी खानु नाखाए बहुत दिन हुइगओ रहए। पावल सबके अग्गु ठाणके कही, “ददाभइयओ, तुमके मिर बात सुन्देनके रहए और क्रेट टापूसे अग्गु बढनके नाए रहए। बो बेला मिर कहीभइ बात सुन्दित्ते कहेसे नए त अइसो दुख पैते नए त कोइ चीजको नाशए हुत्तो।

प्रेरित 27:7

हबा अग्गुसे चलनके कारणसे बहुत दिनतक धीरे-धीरे जाएके लदबद क्नीडस सहर ढिँगै आएपुगे। जब हम हुवाँ पुगे, तओ हबा हमके अग्गु जानए नाए दइ। बहेमारे हम क्रेट टापूको आड लैके सालमोने कहान बारो ठाउँके किनारे हुइके चलेगए।

प्रेरित 27:8

बहुत आफतसे टापूके किनारे-किनारे हम लासिया सहरके ढिँगै भओ सुन्दर बन्दरगाह कहान बारो ठाउँमे आएपुगे।

तीतुस 1:12

क्रेट टापूको एक जनै आदमीके, जोके टापूके आदमी बोके बुद्धिमान मानत हएं और बो कही हए, “क्रेट टापूके आदमी हमेसा ठगत हएं। बे जंगली जानबरके हानी ब्यबहार करत हएं। बे अल्छी हएं और हमेसा बहुत जद्धा खानु खात हएं।”

तीतुस 1:5

मए जाकेमारे तोके क्रेट टापूमे छोडके आओ, ताकी तए हुवाँ हमरे काम पुरा करपाबए, और क्रेट टापूके हर सहरमे मण्डलीको अगुवाके नियुक्त करए, जैसे मए तोके करनके निर्देश दओ हओं।