प्रेरित 20:30 - राना थारु नयाँ नियम

³⁰ हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

परमेस्वर को सच्चो वचन

³⁰ बौ समय आगो जब तुमरे खुद के झुंड के आदमी चेलन कै अपने पच्छू लान ताहीं झूठ कहमंगे।

प्रेरित 20:30 Σταυροειδείς Αναφορές

मत्ती 23:15

हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम एक जनैके अप्नो धर्ममे लानके ताहीं हर ठाउँ घुमत हओ और जब बो तुमर सिखाओ भओ बातमे बिश्वास करत हए, तओ जैसे तुम अपना हओ अइसीयए बोके फिर दुई गुणा जद्धा नरकमे जान योग्य बनाए देत हओ।

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 21:38

का तए बहे मिश्रदेशमे रहान बारे नाए हए, जौन भरखर सरकारको बिद्रोहो मचाएके चार हजार बिद्रोहीनके जंगली इलाकामे लैगओ रहए?”

2 कोरिन्थी 11:13

काहेकी अइसे आदमी सच्चे चुनेभए चेला नाए हएं पर बे छल काम करन बारे हएं, और ख्रीष्ट येशूसे चुनेभए चेलानके भेष लैके नेँगन बारे इकल्ले हएं।

1 तिमोथी 5:13

और जाके सँगए-सँग बे घर-घर घुमके अल्छी होन सिखत हएं, और अल्छी इकल्लो नाए, बल्कि दुस्रेनके बारेमे चुग्ली करत हएं और दुस्रेनके काममे बाधा लात हएं और अइसे बात बत्कात हएं जो बात बिनके नाए कहानके हए।

1 तिमोथी 6:5

और एकदुस्रेके सँग खतम नाए होन बारो लडाइसे उनको दिमाग खराब हुइगओ हए। और बे नाए समझ पातहएं, कि सच्चो का हए। बे सोचत हएं, कि परमेश्वरको सेवा करन धनी होनको तरिका हए।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

प्रकाश 2:6

पर एक अच्छी बात हए जो तए करत हए। बो जा हए, कि तए निकोलाइटसके द्वारा सिखाओ भओ दुष्ट कामनसे घृणा करत हए, ठिक उइसीयए जैसे मए घृणा करत हओं।