प्रेरित 2:32 - राना थारु नयाँ नियम

³² जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

परमेस्वर को सच्चो वचन

³² जहे ईसु कै परमेस्वर मौत से उठाई है, और हम सबै जौ बात के गभा हैं।

प्रेरित 2:32 Σταυροειδείς Αναφορές

यूहन्ना 15:27

और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रेरित 13:30

पर परमेश्वर येशूके मरो भओ मैसे जिन्दा करी।

प्रेरित 13:33

कि परमेश्वर, येशू ख्रीष्टके मृत्युसे जिन्दा करके, बहे प्रतिज्ञा हमरे सन्तानके ताहीं पुरा करी; जैसे भजनसँग्रहमे परमेश्वर ख्रीष्टके बारेमे बताइ हए, ‘तए मिर लौंणा हए; और मए तेरो दौवा बनीगओ हओं।’

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रेरित 3:26

परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

प्रेरित 4:10

तुम सबए और सारा इस्राएल देशके आदमीनके पता होए, कि जा नासरत गाउँमे रहान बारो येशू ख्रीष्टके नाउँमे करोगओ हए। बहे येशू ख्रीष्टके तुम क्रूसमे टाँग दएरहओ, पर परमेश्वर बोके मरे मैसे फिरके जिन्दा करी। आज बाके नाउँके द्वारा जा आदमी तुमर अग्गु अच्छो हुइके ठाणो हए।

प्रेरित 4:33

बे चुनेभए चेला बडो शक्तिसे ‘प्रभु येशू मरके जिन्दा भओ’ कहिके गवाही देतरहे, और बिनके सबके उपर बडो अनुग्रह रहए।

प्रेरित 5:30

हमरे दौवा-पुर्खाको परमेश्वर येशूके मरो भओ मैसे जिन्दा करी, जौनके तुम क्रूसमे टाँगके मारडारे रहओ।

1 कोरिन्थी 15:15

जासे जद्धी हम परमेश्वरके बारेमे ठगन बारे ठहिरत हएं। काहेकी परमेश्वर, ख्रीष्टके मरो मैसे जिन्दा करी कहिके हमीं साक्षी दए हएं। पर अगर मरे मैसे जिन्दा नाए हुइते कहेसे परमेश्वर बाके फिर मरे मैसे जिन्दा नाए करतो।

1 कोरिन्थी 6:14

जाके अलाबा, हमर शरीर महत्त्वपूर्ण हए, काहेकी जैसे परमेश्वर प्रभु येशूके मरो मैसे जिन्दा करनके ताहीं अपनी शक्तिके इस्तमाल करी रहए। जहेमारे परमेश्वर हमके फिर मरे भए मैसे जिन्दा करैगो।

2 कोरिन्थी 4:14

काहेकी हम जानत हएं, कि प्रभु येशूके मृत्युसे जिन्दा करबान बारो हमके फिर येशू सँग जिन्दा करैगो और येशू ख्रीष्टए हमके तुमर सँग परमेश्वरके अग्गु ठाणके लैजाबैगो।

गलातियों 1:1

मए पावल, तुमके जा चिट्ठी लिखरहो हओं, और मोके चुनो भओ चेला होनके ताहीं आदमीनको कोइ फिर समुह या कोइ फिर आदमीसे नाए चुनो गओ हओं। पर येशू ख्रीष्टसे और दौवा परमेश्वरसे चुनो गओ हओं जौन येशूके मृत्युसे जिन्दा करी।

इफिसियों 1:20

जौन ख्रीष्टके मरे भएन मैसे उठाइ और बाके स्वर्गमे परमेश्वरको दाहिना हातमे सम्मानको ठाउँमे बैठिगओ।

कलस्सी 2:12

जब तुमके बप्तिस्मा दओगओ तओ बो जा दिखात हए, कि तुमर पापी स्वभाबके दफ्नाओ गओ हए। अइसीयए जैसे ख्रीष्ट दफ्नाओ गओ रहए। और तुमके एक नयाँ स्वभाबके सँग जिन्दा कराओगओ जैसे ख्रीष्टके जिन्दा बनाओगओ रहए। अइसे जा कारणसे भओ रहए, काहेकी तुम बिश्वास करओ, कि परमेश्वर अपन शक्तिसे ख्रीष्टके मरे मैसे फिरसे जिइबाए दइ।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।