प्रेरित 18:5 - राना थारु नयाँ नियम

⁵ सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

परमेस्वर को सच्चो वचन

⁵ जब सीलास और तीमुथियुस मकिदुनिया से आए, तौ पौलुस अपनो पूरो समय संदेस प्रचार करन के ताहीं दई, यहूदिन कै गभाई देत भइ कि ईसु ही मसीह है।

प्रेरित 18:5 Σταυροειδείς Αναφορές

लूका 12:50

मिर अग्गु भयानक पिणाको बप्तिस्मा हए, जो मोके लेनके हए। बो चीज पुरा नाए होनतक मए बहुत व्याकुल हओं।

लूका 16:28

काहेकी मिर पाँच भइया हएं, लाजरसके जान देओ और बो बिनके चेतावनी दइदेबए, कहुँ अइसो नाए होए, कि बिनके फिर जा कष्टके ठिहामे आनके पणए।’

यूहन्ना 1:41

बो पहिले अप्नो खास भइया सिमोनसे भेँटी और बोसे कही, “हम ख्रीष्टके (मसीह) पाइगए हएं।”

यूहन्ना 10:24

यहूदी समुहके अगुवा बाके चारऔ तरफ बैठके पुछन लागे, “तुम हमके बहुत समय तक दोधारमे धरे हओ। अब हमके स्पष्ट रुपसे बताए देओ। का तुम ख्रीष्ट हओ?”

यूहन्ना 15:27

और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

यूहन्ना 3:28

तुम अपनए मोसे कहात सुने हओ, कि मए का कहो रहओं, ‘मए ख्रीष्ट नाए हओं, पर मए बासे अग्गु पठाओ गओ हओं।’

प्रेरित 10:42

और बा हमके आज्ञा दइ हए, कि सब आदमीनके परचार करओ और गवाही देओ, कि जा येशू बहे हए जौनके परमेश्वर जिन्दा भएनको और मरेभएनको न्याय करन खटाइ हए।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 16:1

पावल और सिलास डर्बी सहर हुइके लुस्त्रा सहरमे आएपुगो। लुस्त्रा सहरमे तिमोथी नाउँ भओ प्रभुमे बिश्वास करन बारो एक चेला बैठत रहए। बोकी अइया फिर प्रभुमे बिश्वास करन बारी यहूदी रहए पर बोको दौवा ग्रीक देशमे बैठन बारो रहए।

प्रेरित 16:12

और हुवाँसे हम फिलिप्पी सहरमे आएपुगे, जो माकेडोनिया परदेशको इलाकाको मुख्य गाउँ रहए, बो सहर रोमीको अधिनमे रहए। हुवाँ हम कुछ दिनतक रहे।

प्रेरित 16:9

बहे रात पावल सपनामे प्रभुसे दर्शन पाइ। बो माकेडोनिया इलाकामे रहान बारो एक आदमी ठाणके अइसे बिन्ती करत देखी, “दया करके समुन्दर पार माकेडोनिया परदेशके इलाकामे आएदेओ और हमके मदत करओ।”

प्रेरित 17:3

पावल पबित्र-शास्त्रसे प्रमाण दइके बिनके अइसे सम्खाइ, “मुक्ति देन बारो राजा ख्रीष्ट दु:ख उठाएके मरनके रहए, और मरके जिन्दा होनके फिर रहए, और मए जौनके बारेमे तुमके सुनात हओं बहे येशू मुक्ति देन बारो ख्रीष्ट हए।”

प्रेरित 18:28

काहेकी बो पबित्र-शास्त्रको बचनसे, येशूए ख्रीष्ट हए कहान बारी बात साबित करके यहूदी दलके नेतनके, सबके अग्गु बिरकुल बिना जबाफको बनाए दइ।

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

प्रेरित 20:23

इतकए इकल्लो जानत हओं, कि हरेक सहरमे कैद और कष्ट मिर उपर आत हए करके पबित्र आत्मा मोके गवाही देतहए।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 4:20

काहेकी हम त अपन आँखीसे देखी और कानसे सुनी बात कहे बिना हम चुप नाए बैठंगे।”

प्रेरित 9:22

पर शाऊल और जद्धा शक्तिशाली होत परचार करन सुरु करदइ। और येशूए ख्रीष्ट हए कहिके पक्का प्रमाण दइ कि दमस्कस सहरमे रहान बारे यहूदी कुछु फिर जबाफ नाए दइ पाइं।

2 कोरिन्थी 1:19

काहेकी सिलास, तिमोथी और मए तुमर बीचमे परचार करोभओ परमेश्वरको लौंणा येशू ख्रीष्ट झुठो नाए हए। पर बामे रोज सच्चाई इकल्लो हए।

2 कोरिन्थी 11:9

तुमर सँग रहत पेती जब मोके रुपैयाको अभाव पणो रहए मए कोइको बोझ नाए भओ, काहेकी माकेडोनिया परदेशसे आएभए बिश्वासी ददाभइया मिर अभाव पुरा करदइं। तभीमारे कोइ किसिमसे तुमर उपर बोझ पणहए कि कहिके मए अपनएके रोको, और पिच्छु आन बारो दिनमे फिर रोकंगो।

2 कोरिन्थी 5:14

ख्रीष्टको प्रेम हमके मजबुर बनातहए, काहेकी हमके जा निश्चय हए, कि सबए आदमीनके ताहीं एक जनै मरोके कारणसे सबए आदमी मरे।

फिलिप्पी 1:23

काहेकी मोके जे दुई मैसे कौनछो छानन पणैगो बो मए नाए जानतहओं। मन त लगत हए, कि मरके ख्रीष्टके ठिन जाओं काहेकी जा बहुत अच्छो हए।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

1 थेसलोनिकी 3:6

पर हबए तिमोथी जो तुमर ठिनसे हमरे हियाँ आएके तुमर बिश्वास और प्रेमको अच्छो समाचारको परचार करी। और जा बातके फिर सुनाइ, कि तुम रोज प्रेमसे हमके याद करत हओ, और हमके भेँटनके इच्छा करत हओ, जैसे हम फिर तुमके देखनकी इच्छा करे।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।