प्रेरित 16:25 - राना थारु नयाँ नियम

²⁵ तओ आधीरातमे पावल और सिलास प्राथना करतए परमेश्वरको भजन गात रहएं, और औ कैदी सो सुनत रहएं।

परमेस्वर को सच्चो वचन

²⁵ करीबन आधी रात कै पौलुस और सीलास प्रार्थना करत भै परमेस्वर के भजन संहिता गात रहैं और दुसरे कैदी उनकी बातैं सुनत रहैं।

प्रेरित 16:25 Σταυροειδείς Αναφορές

लूका 22:44

और एकदमए संकटके समयमे बा औ जद्धा प्राथना करन लागो, और बाको पसिना खुनको बडो-बडो बुन्दा हानी जमिनमे गिरत रहएं।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 16:19

अब मालिकके, बो लौंणीयासे रुपैया कमानको आसरा बन्द हुइगओ। तओ जा बात पता पाएके बे पावल और सिलासके पकणके सहरको चौरहामे भओ न्याय करन बारो ठाउँमे लैगए।

प्रेरित 16:33

तओ फिर तुरन्तए हाकिम, पावल और सिलासके लैजाएके रातए उनको दुखौनो धोए दइ। तओ बो और बोको घराना बप्तिस्मा लैं।

प्रेरित 5:41

तओ येशूके खातिर अपमान सहानके लायक ठहिरे करके आनन्द मनात बे यहूदी सभाघर मैसे निकरके गए।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

रोमियों 5:3

इतकए इकल्लो नाए हए, पर जब हम परेसानीमे होत हएं तहुँफिर आनन्दित होत हएं। काहेकी हमके पातहए, कि हम समस्यामे होत पेती, हम सहनसील होन सिखत हएं।

2 कोरिन्थी 6:10

हमके बहुत दुख होएसे फिर रोज खुसी हएं। हम गरीब होएसे फिर बहुतनके आत्मिक धनी बनात हएं। कुछु नाए होएसे फिर हमर ठिन सब कुछ हए।

इफिसियों 5:19

अगर तुम पबित्र आत्माके नियंत्रणमे हओ कहेसे तुम अइसे करैगे: जब तुम इकट्ठा होइगे, तओ तुम भजन, स्तुतिगान और अन्य गीत गाबैगे जो पबित्र आत्मा हमके देतहए।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

हिब्रू 5:7

येशू अपनो शारीरिक जीबनमे होत पेती अपनएके, मरे भए मैसे बचान बारो परमेश्वरसे जोडसे रोतए आँसु बहात बिन्ती और प्राथना चढाइ। बाको नम्रता और भक्तिके कारण परमेश्वर बाको प्राथना सुनी।

याकूब 1:2

हे मेरे बिश्वासी ददाभइयओ, जब तुममे बहुत किसिमके परीक्षा आमंगे, तओ जाके बडो खुसीको बात समझीयओ।

याकूब 5:13

अगर तुममे कोइ दु:खी हए, तओ प्राथना करए; अगर कोइ खुसी हए, कहेसे बो प्रसंसाको भजन गए।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।