2 पतरस 1:8 - राना थारु नयाँ नियम

⁸ अगर जे सब बात तुममे हएं औ बढरहे हएं कहेसे, जे बातसे हमर प्रभु येशू ख्रीष्टको ज्ञानमे तुमके काम लागन बारो और फलदायी होनके मदत करैगो।

परमेस्वर को सच्चो वचन

⁸ जे बे गुन हैं जोकी तुम्हैं जरूरत है, और अगर तुम्हारे पास जाधे मैं है, तौ प्रभु ईसु मसीह हमरे ग्यान मैं तुम्हैं निकम्मो और निस्फल न होन देगो।

2 पतरस 1:8 Σταυροειδείς Αναφορές

मत्ती 13:22

काँटोमे बुए भए बिज बेही हएं, जौन बचन सुनत हएं, पर जीबनको आवश्यकताके चिन्ता करत हएं, धनी बननके ताहीं और दुस्रो चीज पानके लालचमे बे मुरख बन्जात हएं तभीमारे परमेश्वरको बचन बे भुल जात हएं और अपन जीबन उइसे नाए जीइत हएं जैसे परमेश्वर चाँहत हए।

मत्ती 20:3

फिर सुबेरे नौ बजे घेन बाहिर निकरो, तओ औरनके फिर बाहिर बिनाकामके ठाणे देखी,

मत्ती 20:6

और लगभग पाँच बजे घेन निकरके दुस्रेनके फिर ठाणो पाइ, और बिनसे कही “तुम काहे दिनभर बिना कामके ठाणे हओ?”

मत्ती 25:26

बोको मालिक बोके जबाफ दइ, ‘ए दुष्ट, और अल्छी नोकर: जब तए जा जानत रहए, कि मए एक अइसो मालिक हओं जौन बीज नाए बोत हओं पर फसल इकट्ठा करनके आसरा करत हओं।

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 5:42

पर तुम अपने मनसे परमेश्वरके प्रेम नाए करत हओ।

रोमियों 12:11

कडी मेहेनत करओ और अल्छी मतबनओ, पुरे दिलसे परमेश्वरको सेवा करओ।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 कोरिन्थी 13:5

तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

2 कोरिन्थी 8:2

जब बे बहुत कष्ट द्वारा परीक्षामे पणे, तओ बे बहुत आनन्दित भए और बे बहुतए गरीब होएसे फिर बे दुस्रे बिश्वासीनके मन खोलके मदत करन दान दइं।

2 कोरिन्थी 8:7

पर जैसी सब बातमे तुम बढके गए हओ, अर्थात् बिश्वासमे, परचार करन या शिक्षा देनमे, ज्ञानमे, सबए जोसमे और हमर घेनको तुमर प्रेममे, उइसीयए गरीब बिश्वासीनके दान देनो जा काममे फिर बढतए जाओ।

2 कोरिन्थी 9:14

बे तुमर ताहीं परमेश्वरसे प्राथना करंगे। बे तुमके प्रेम करत हएं काहेकी बे जानत हएं, कि परमेश्वर तुमर उपर अनुग्रह करीहए।

फिलिप्पी 1:9

और मए जा प्राथना करत हओं, कि ज्ञान और बिबेकसँग तुम एक-दुस्रे प्रति तुमर प्रेम बढतए जाए।

फिलिप्पी 2:5

जैसे येशू ख्रीष्टको स्वाभाव रहए उइसीयए तुमर स्वाभाव होबए।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

कलस्सी 2:7

ख्रीष्टमे तुमर बिश्वास एक रुखा कता होन पणत हए, जोको जर बहुत गहिरो तक अँदो होत हए। याफिर एक अइसो घर कता होए, जौन एक मजबुत जगमे बनोगओ रहात हए। अपन बिश्वासमे मजबुत बने रहाबओ जैसो तुमके सिखाओ गओ रहए, और रोजदिन धन्यबाद देतए रहाओ।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

1 थेसलोनिकी 3:12

और हम प्राथना करत हएं, कि प्रभु येशू एकदुस्रेसे प्रेम करनमे तुमके मदत करए, जैसे हम तुमके प्रेम करत हएं उइसी प्रभुमे तुम एकदुस्रे सँग, और सब आदमीनके सँग प्रेम बढए। और प्रभु तुमर प्रेमके बढाबए, उत्नो बढाए देबए, कि जैसी हमर प्रेम तुमरमे हए।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

1 तिमोथी 5:13

और जाके सँगए-सँग बे घर-घर घुमके अल्छी होन सिखत हएं, और अल्छी इकल्लो नाए, बल्कि दुस्रेनके बारेमे चुग्ली करत हएं और दुस्रेनके काममे बाधा लात हएं और अइसे बात बत्कात हएं जो बात बिनके नाए कहानके हए।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

फिलेमोन 1:6

मए प्राथना करत हओं, कि बिश्वासीन सँगको तिर संगती बढतए जाबए, ताकी तए बे सब अच्छी चीजके बुझ पाबए, जौन चीज परमेश्वर हमके दइ हए। और जाको नतिजा जा होबए, कि आदमी ख्रीष्टके महिमा करएं।

2 पतरस 1:2

मए प्राथना करत हओं, कि परमेश्वर और येशू हमर प्रभुको ज्ञानमे तुम बढतए जात पेती परमेश्वर तुमके बहुतसे बहुत अनुग्रह और शान्ति देबए।

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

2 पतरस 2:20

येशू ख्रीष्टके, अपनो प्रभु और मुक्तिदाता कहिके चिनहएं तओ आदमी संसारको दुष्टतासे भागंगे। पर अब बे फिरसे गलत काम करनमे सामिल हुइगए हएं, और बे गलत बात अब बिनके अधिनमे करलै हए, तभीमारे अब बे ख्रीष्टके अस्वीकार करदेनके बाद उनको अन्तिम अवस्था, उनको बिश्वासी बननसे पहिलेको अवस्थासे फिर बुरो हुइगओ हए।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।