2 पतरस 1:3 - राना थारु नयाँ नियम

³ परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

परमेस्वर को सच्चो वचन

³ परमेस्वर की ईस्वरीय सामर्थ्य हमैं बौ सब कुछ दई है जोकी हमैं बाकई मैं धार्मिकता की जिंदगी जीन के ताहीं जरूरत होथै जौ जिंदगी हम बाके ग्यान के ताहीं जी सकथैं जो हमैं अपनी महिमा और अच्छाई मैं साझा करन के ताहीं बुलाई है।

2 पतरस 1:3 Σταυροειδείς Αναφορές

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

रोमियों 8:32

परमेश्वर अपने लौंणाके अपने ताहीं फिर नाए धरी, पर बाके हमर ताहीं अपने दुस्मनन्के सौँपदइ। बा हमएं बे सब चीजमे फिर अनुग्रह करैगो जो बा हमसे प्रतिज्ञा करी रहए।

रोमियों 9:24

हम, जौनके यहूदीनसे इकल्लो नाए, पर गैर-यहूदीनसे फिर मोके छानी हए कहेसे, का भओ तओ?

1 कोरिन्थी 1:9

परमेश्वर तुमके अपनो लौंणा, हमर प्रभु येशू ख्रीष्टके सँग एकजुट होनके ताहीं छानी हए, और परमेश्वर अपनो प्रतिज्ञा बिश्वाससे पुरा करत हए। तब्ही इकल्लो तुम पक्का हुइपाबैगे, कि परमेश्वर जे सब तुमर ताहीं करैगो।

2 कोरिन्थी 12:9

तओ मोसे परमेश्वर कही, “मिर अनुग्रह तिर ताहीं प्रशस्त हए, काहेकी मिर शक्ति कमजोरमे सिद्ध होत हए।” जहेमारे ख्रीष्टको शक्ति मोएमे बास करए कहिके मए बरु मिर कमजोरीनमे जद्धा खुसीसाथ गर्ब करंगो।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 4:4

हम सबए बिश्वासी एकए शरीरके अंग कता हएं, और हम सबके एकए पबित्र आत्मा मिलो हए; जैसे तुमके एक आसरा दओगओ रहए, जब तुमके परमेश्वरके आदमी होनके ताहीं बुलाओ गओ।

फिलिप्पी 3:8

पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

कलस्सी 1:16

काहेकी जा ख्रीष्ट रहए, जौन सब चीज परमेश्वरके सँग मिलके सृष्टि करी रहए, बादर होए या पृथ्वी, देखन बारी होए या नाए देखन बारी, चहुँ सिंहासन होए या राजा, चहुँ प्रधानता होए या अधिकार जे सब ख्रीष्टद्वारा और ख्रीष्टके आदर देनके ताहीं बनाए गए हएं।

1 थेसलोनिकी 2:12

कि अइसो जीबन जिइयओ, जो परमेश्वरके खुसी करत हए, जो तुमके अपने राज्य और महिमामे बुलातहए।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

2 थेसलोनिकी 2:14

परमेश्वर बहे अच्छो समाचारके प्रयोग करी, जौनको हम तुमके बचानके बुलाओट देनके ताहीं तुमर बीचमे परचार करे, ताकी तुम हमरे प्रभु येशू ख्रीष्टको महिमामे सहभागी हुइ पाबओ।

1 तिमोथी 4:8

काहेकी शरीरको तालिमसे थोरी दिनके ताहीं फाइदा होत हए, पर भक्तिपूर्ण जीबन सब बातके ताहीं फाइदा होत हए, काहेकी जा जीबनमे और आन बारो जीबनमे तए बहे जीबनके पाबैगो, जोको वादा परमेश्वर करीहए।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

1 पतरस 1:15

तुमर करन बारे सब बातमे अपनएके गलत चीजसे अलग करओ, काहेकी परमेश्वर, जौन तुमके चुनी हए, बा पबित्र हए।

1 पतरस 1:5

परमेश्वर अपनो बडो शक्ति द्वारा तुमके सुरक्षित रक्खैगो काहेकी तुम येशूमे बिश्वास करत हओ। बा तुमके अनन्त दिनतक सुरक्षित रक्खैगो, जब ख्रीष्ट लौटके आबैगो। तओ तुमके पता चलैगो, कि परमेश्वर तुमके पुरा रुपसे पाप और मृत्युसे बचाइ हए।

1 पतरस 2:21

परमेश्वर तुमके बुलानको एक कारण जा हए, कि तुम बाके ताहीं कष्ट उठाबओ। ख्रीष्ट, जौन तुमर ताहीं कष्ट उठाइ, बा तुमर उदाहरण हए। बहेमारे तुमके बाको दिखाओ भओ डगरमे नेँगन पणैगो।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

2 पतरस 1:10

जहेमारे बिश्वासी ददाभइया, अपनएके और दुस्रे आदमीनके जा दिखान औ जद्धा असल ब्यबहार करनके कोसिस करओ, कि परमेश्वर तुमके अपनो आदमी होन चुनीहए और बुलाइ हए। अगर तुम उइसे करैगे कहेसे, तुम नेहात्तओ फिर परमेश्वरसे कभी अलग नाए होबैगे।

2 पतरस 1:2

मए प्राथना करत हओं, कि परमेश्वर और येशू हमर प्रभुको ज्ञानमे तुम बढतए जात पेती परमेश्वर तुमके बहुतसे बहुत अनुग्रह और शान्ति देबए।

2 पतरस 1:5

काहेकी तुम परमेश्वरको स्वभाबमे सहभागी होन बनाए गए हओ, तुम ख्रीष्टमे बिश्वास करन इकल्लो नाए, बल्कि तुम दुस्रेनके ताहीं रोज अच्छो काम करनके कोसिस फिर करन पणत हए। तुम असल काम करन बारे इकल्लो नाए, पर तुम बुद्धिमान तरिकासे ब्यबहार करन बारे आदमी बनन पणत हए,

2 पतरस 1:6

तुमके जहे इकल्लो जाननके नाए कि, समझदारीसे कैसे ब्यबहार करनके हए, बल्कि तुम बे बुरे कामनके फिर नाए करनके हए जो तुम करन चाँहत हओ। तुमके अच्छे कामनमे इकल्लो नाए, बल्कि तुमके कठिनाइमे फिर स्थिर होन पणो। तुमके स्थिर इकल्लो नाए होन हए, बल्कि तुमके अइसे जीइनके हए जोके द्वारा परमेश्वरको प्रसंसा होबए।

2 पतरस 1:8

अगर जे सब बात तुममे हएं औ बढरहे हएं कहेसे, जे बातसे हमर प्रभु येशू ख्रीष्टको ज्ञानमे तुमके काम लागन बारो और फलदायी होनके मदत करैगो।

2 पतरस 2:20

येशू ख्रीष्टके, अपनो प्रभु और मुक्तिदाता कहिके चिनहएं तओ आदमी संसारको दुष्टतासे भागंगे। पर अब बे फिरसे गलत काम करनमे सामिल हुइगए हएं, और बे गलत बात अब बिनके अधिनमे करलै हए, तभीमारे अब बे ख्रीष्टके अस्वीकार करदेनके बाद उनको अन्तिम अवस्था, उनको बिश्वासी बननसे पहिलेको अवस्थासे फिर बुरो हुइगओ हए।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।