2 कोरिन्थी 8:21 - राना थारु नयाँ नियम

²¹ काहेकी हम प्रभुको दृष्टिमे इकल्लो नाए, पर आदमीके दृष्टिमे फिर बो कामके असल तरिकासे करनके ताहीं अपनो ध्यान देत हएं।

परमेस्वर को सच्चो वचन

²¹ हमरो लक्छ खाली बहे है, जो ना खाली प्रभु की नजर मैं, बल्किन दुसरेन की नजरौं मैं सई है।

2 कोरिन्थी 8:21 Σταυροειδείς Αναφορές

मत्ती 23:5

बे अपन सब काम आदमीनके दिखानके ताहीं करत हएं, काहेकी बे अपन माथो और हातमे मोशाको नियम कानुन लिखो पट्टी बाँधत हएं, और अपन लत्तामे लम्बो झालर बनात हएं।

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

मत्ती 6:1

होसियार रहियओ! तुम आदमीनके दिखानके ताहीं भले काम मत् करओ। नत स्वर्गमे होन बारो तुमर दौवासे तुम कुछु इनाम नाए पएहओ।

मत्ती 6:4

तुमर दान गुप्तमे होबए, और गुप्तमे देखन बारो तुमर दौवा तुमके इनाम देहए।

रोमियों 12:17

कोइके खराबीको बदला खराब मत् करओ। जौन बात सब आदमीनको नजरमे ठिक हए, बिनमे ध्यान देओ।

रोमियों 14:18

जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 8:20

राजीखुसीसे दओ भओ जा दान प्रयोग करत पेती बोके बारेमे कोइ हमके दोष नाए लगाए कहिके हम तीतसके सँग बो बिश्वासी भइया पठाए रहे हएं।

2 कोरिन्थी 8:22

और तीतसके सँग हम दुस्रो बिश्वासी भइयाके पठाए रहे हएं, जौनके हम बहुत चोटी जाँचके बहुत बातमे जोसिलो पाए हएं। तुमर घेन भओ बोको बडो भरोसाके कारण बो औ जद्धा जोसिलो भओ हए।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

1 थेसलोनिकी 5:22

सब मेलके खराबीसे दुर रहाओ।

1 तिमोथी 3:7

मण्डलीको रेखदेख करन बारे मण्डलीसे इकल्लो नाए, बल्कि मण्डलीसे बाहेर फिर आदर पाओभओ होन पणत हए। अइसो हुइहए कहेसे आदमीनके अग्गु बोको बेज्जत नाए हुइहए, और शैतानको फन्दामे नाए पणैगो।

1 तिमोथी 5:14

जहेमारे मए जा चाँहत हओं, कि जवान बिधुवा बेहा करएं; और बालका जन्मामएं और घरबार सम्हारएं, और कोइ बिरोधीके बदनाम करनको मौका नाए देएं।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।