2 कोरिन्थी 6:7 - राना थारु नयाँ नियम

⁷ बाको सत्य बचनमे और परमेश्वरको शक्तिमे, हम धार्मिकताके हथियार दाहिना हातमे आक्रमणके ताहीं और दिब्रा हातमे रक्षाके ताहीं प्रयोग करत हएं,

परमेस्वर को सच्चो वचन

⁷ सच्चाई के बचन से, परमेस्वर की सामर्थ्य से, धार्मिकता के हथियारन से जो दाँए-बाँए हातन मैं है,

2 कोरिन्थी 6:7 Σταυροειδείς Αναφορές

मर्कूस 16:20

और चेला सब ठिहामे गए और जाएके आदमीनके बीच अच्छो समाचारको परचार करीं। प्रभु बिनके मदत करी और जा शक्तिशाली चमत्कारके दिखाइ, कि बाको बचन सच्चो रहए। आमेन।

प्रेरित 11:21

और प्रभुको सामर्थ उनके उपर रहए, और बहुत गैर-यहूदी आदमी उनको सन्देशमे बिश्वास करीं और प्रभु येशूमे बिश्वास करनके सुरु करीं।

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

2 कोरिन्थी 13:4

काहेकी कमजोरीमे ख्रीष्ट क्रूसमे टंगोगओ, पर परमेश्वरको शक्तिमे बा जिन्दा हए। अइसियए ख्रीष्ट कमजोरीमे भओ कता हम फिर कमजोर हएं, पर तुमर सँगको हमर ब्यबहार करनके परमेश्वरको शक्ति द्वारा हम ख्रीष्टएके सँग जिइमंगे।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 7:14

मए तीतसके सँग तुमर बारेमे घमण्ड करो और तुम मोके निरास नाए बनाए। पर जैसे हम जब्हीफिर तुमसे सच्चो बात कहे हएं, उइसीयए करके हम तीतस सँग जो गर्व करे रहएं बो सत्य ठहिरिगओ हए।

इफिसियों 1:13

और तुमरसँग फिर जहे भओ हए। तुम बहे सच्चो सन्देश और मुक्तिको अच्छो समाचारके सुने हओ, जो जाके बारेमे बतात हए, कि परमेश्वर तुमके बचाए सकत हए। जब तुम ख्रीष्टमे बिश्वास करे, तओ परमेश्वर अपनो प्रतिज्ञा करोभओ पबित्र आत्मा तुमके दइ, जा दिखानके ताहीं कि तुम परमेश्वरके हओ।

इफिसियों 3:20

अब मए प्राथना करत हओं, कि परमेश्वर सक्षम हए। और बो हमर ताहीं बासे मागन या सोंचनसे फिर जद्धा काम कर सकत हए, बाको शक्तिके कारण जो हमर भितर काम करत हए।

इफिसियों 4:21

जो कुछ तुम येशू ख्रीष्टके बारेमे सुने हओ और कुछ तुमर गुरु तुमके सिखाइ हएं, बो नेहात्तओ बोको सच्चो शिक्षा हए।

कलस्सी 1:5

तुमर बिश्वास और प्रेम तुमर आसरामे अधारित हए, जो तुमर ताहीं स्वर्गमे धरो हए, जौनको बारेमे तुम पहिलीयए सुनडारे हओ, जब आदमी सुरुमे तुमर ठिन आए, और तुमके येशूके बारेमे अच्छो समाचार सुनाइं, जोकी परमेश्वरको सच्चो सन्देश हए।

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

2 तिमोथी 2:15

कडी मेहेनत कर, ताकी तए अपनएके परमेश्वरके अग्गु अइसो आदमीके रुपमे दिखाए पाबए, जोसे बे ग्रहण करपामएं। एक अइसो कामदार हानी बन, जो अच्छेसे काम करत हए, और जोके अपनो कामके कारण सर्मान नाए पणत हए, और जो सत्यको बचनके सही रितिसे काममे लात हए।

2 तिमोथी 4:7

जैसे एक अच्छो सिपाही युद्धमे कभी फिर हार नाए मानत हए उइसीयए मए फिर ख्रीष्टके ताहीं कर्रो मेहेनत करनके कभु नाए छोडो, मए सब काम पुरा करडारो हओं जौन काम करनके ताहीं येशू ख्रीष्ट मोके दइ रहए। ख्रीष्ट उपरको मिर बिश्वास कभु फिर नाए बदलैगो।

हिब्रू 2:4

और परमेश्वर अपनो इच्छा अनुसार जा सन्देशके चिन्हा और अचम्‍मको कामसे और बहुत किसिमको शक्तिशाली काम करके और पबित्र आत्माको बरदान दइके सत्य साबित करिहए।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।