2 कोरिन्थी 6:5 - राना थारु नयाँ नियम

⁵ कुटाइ-चुटाइमे, कैदमे, हुलदङमे, मेहेनतमे, निँधानोमे, भुँखेमे,

परमेस्वर को सच्चो वचन

⁵ कोड़ा खान से, कैद होन से, दंगा से, मेहनत से, जगत रहन से, बर्त रखन से।

2 कोरिन्थी 6:5 Σταυροειδείς Αναφορές

मत्ती 14:10

और बो जेलमे बप्तिस्मा देन बारो यूहन्नाको मुण काटनके लगाइ।

मत्ती 14:3

काहेकी राजा हेरोद अपन भइया, फिलिपकी बैयर हेरोदियासके मारे बप्तिस्मा देन बारो यूहन्नाके पकणके बाँधके जेलमे डारदइ रहए।

मत्ती 9:15

येशू फरिसीनको समुहसे कही, “का बिबाह भोजमे दुलहा बिनके सँग होतहोत बरैतिया उपवास बैठत हएं? पर बे दिन आमंगे, जब दुलहा बिनसे अलग हुइहए, तओ बो समयमे बे उपवास बैठंगे।

प्रेरित 13:3

बे फिरसे उपवास बैठे और प्राथना करतए बे दुई जनैके उपर अपने हात धरीं और बिनके परमेश्वरको काम करनके ताहीं पठाइं।

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

प्रेरित 14:23

और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

प्रेरित 17:5

पर औरे यहूदी उनसे गुस्सा करीं और गल्लीके गुण्डन्के जम्मा करके अपने सँगमे लैं, और भिड लगाएके गाउँमे हुलदंगा मचान लागे, और बे यासोनको घरमे हमला करीं। और पावल और सिलासके, जनताके अग्गु लानके ढुणत रहएं।

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

प्रेरित 23:10

जब हुवाँ गजब हुलदङ्गा भओ तओ बिनके हातसे पावल नोचाखोची करैगो करके डरसे सेनापति सिपाहीसे तरे जाएके सभाके आदमीनके बीचसे पावलके जबरजत्तीसे ल्याएके चौकी भितर लैजानके आज्ञा दइ।

प्रेरित 23:35

तओ बडो हाकिम कही, “उइसो हए कहेसे, तिर बिरुद्धमे दोष लगान बारे आदमी आमंगे तओ तिर बात सुनंगो।” तओपिच्छु बडो हाकिम, पावलके राजा हेरोदको बनाओ भओ दरबारमे लैजाएके धरओ कहिके हुकुम दइ।

प्रेरित 24:27

अइसीयए दुई बर्ष बितिगओ, तओपिच्छु फेलिक्सके ठाउँमे पर्किअस फेस्तस बडो हाकिम बनिगओ। फेलिक्स यहूदीनके खुसी करन ताहीं, पावलके जेलमे डारके गओ।

प्रेरित 26:10

और मए यरूशलेम सहरमे अइसियए बिरोध करो। मए मुखिया यहूदी पुजारीसे हुकुम पाएके प्रभु येशूमे बिश्वास करन बारे बहुतए पबित्र जनके जेलमे थुनबाओ। और उनके मारनको काममे फिर मदत करो।

प्रेरित 26:29

पावल जबाफ दइके कही, “चहुँ थोरी समय या बहुत समय, मए परमेश्वरसे प्राथना करत हओं, कि आज मिर बात सुनन बारे तुम सब मेरी कता ख्रीष्टियन हुइजाओ।”

प्रेरित 28:30

अपनए भाणामे लओभओ बहे डेरामे पावल दुई सालतक बैठो। पावल अपनएके भेँटन आन बारेनके सबके स्वागत करत रहए।

प्रेरित 5:18

और चुनेभए चेलनके पकणके जेलमे थुन दइं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

1 कोरिन्थी 4:11

हम आजको दिनतक भुँखे प्यासे और फटे-पुराने लत्ता पैँधे हएं, और पिटाइ खात हएं और हमरे ठिन घर फिर नाए हए।

1 कोरिन्थी 7:5

तुम एकदुस्रेसे अलग मत् रहाओ, पर कुछ समय तक सल्लाहा करके प्राथना करन अलग बैठेसे फिर लोगा और बैयर कता तुम दुबारा एक साथ रहाओ; ताकी शैतान अनैतिक जीबन जीइनके ताहीं तुमरी परीक्षा नाए करए। काहेकी नत तुम अपनी इच्छन्के अधिनमे नाए करपाबैगे।

2 कोरिन्थी 11:27

बहुत मेहेनत करो और दुख सहो, और मए कैयौं रात नाए सोओ, भुँखेमे और प्यासेमे, बारम्बार भोखमरीमे, ठण्डी और नंगतामे पणो।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

फिलिप्पी 1:13

हियाँतककी रोमको महाराजाको दरबारके सबए सिपाही और सबए आदमीनमे जा प्रकट हुइगओ हए, कि मए जेलमे हओं, काहेकी मए ख्रीष्टको एक सेवक हओं।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

1 तिमोथी 4:10

हम जा जीबन पानके ताहीं संघर्ष करत हएं और कडी मेहेनत करत हएं काहेकी हम जिन्दा परमेश्वरमे आसरा करत हएं जो सब आदमीनको मुक्तिदाता हए, और खास करके उनको मुक्तिदाता हए, जो बामे बिश्वास करत हएं।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।

हिब्रू 11:36

कितने आदमीनके गिल्ला सहान पणो, कोर्रा खान पणो और कितने आदमीनके बँधके कैदी होन पणो।

हिब्रू 13:17

अपने अगुवनकी बात मानओ, उनको काम तुमर जीबनके रेखदेख करनो और उनके सेवाके बारेमे उनके हिसाब बुझानके होत हए। तुम बिनको आज्ञा पालन करओ ताकी बे अपन काम खुसीसे करएं, दुख मानके नाए। अगर तुम उनके दुखी बनाबैगे कहेसे जासे तुमके कुछु फाइदा नाए होबैगो।

हिब्रू 13:23

तुम जा जानलेओ, कि हमर भइया तिमोथी जेलसे छुटीगओ हए और अगर बो जल्दीए आइगओ तओ मए बोके सँग तुमके भेँट करबामंगो।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।