2 कोरिन्थी 5:14 - राना थारु नयाँ नियम

¹⁴ ख्रीष्टको प्रेम हमके मजबुर बनातहए, काहेकी हमके जा निश्चय हए, कि सबए आदमीनके ताहीं एक जनै मरोके कारणसे सबए आदमी मरे।

परमेस्वर को सच्चो वचन

¹⁴ मसीह को प्यार हमकै जौ परखन ताहीं मजबूर कर देथै; जहे ताहीं कि हम जौ समझथैं कि जब एक जनी सबन ताहीं मरो तौ सब जनी मर गै।

2 कोरिन्थी 5:14 Σταυροειδείς Αναφορές

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

लूका 15:24

काहेकी जा मिर लौंणा मरो कता रहए, पर फिर जिन्दा भओ हए, हरानो रहए अब मिलिगओ हए।’ तओ बे आनन्द मनानलागे।”

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

लूका 24:29

पर बे बाके अइसे कहिके रोकीं, “हमर सँग बैठओ, काहेकी संझा होन लागो हए, और दिन फिर डुबिगओ हए।” तओ येशू बिनके सँग बैठनके ताहीं घर भितर घुसो।

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

यूहन्ना 11:25

येशू मार्थासे कही, “मए बा हओं, जो मरे भए आदमीनके जीबन लौटात हओं। जो कोइ मोएमे बिश्वास करत हए बो मरके फिरसे जिन्दा हुइ जाबैगे।

यूहन्ना 5:25

नेहात्तओ मए तुमसे कहात हओं, बो बेरा आएरहो हए, और बो बेरा हबए हए, जब मरे भए परमेश्वरको लौंणाको अबाज सुनंगे, और जो सुनन बारे हएं बे हमेसाके ताहीं बचेजामंगे।

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

रोमियों 2:2

और हम जानत हएं, कि परमेश्वर अपने न्यायमे, अइसे हर कोइ आदमीके दण्ड देबैगो जो अइसे काम करत हए।

रोमियों 5:15

पर आदमको पाप बो बरदान कता नाए हए जो परमेश्वर हमके अपने अनुग्रहसे देतहए। काहेकी एक आदमीको पाप बहुत आदमीनके ताहीं मृत्यु लैके आओ। पर परमेश्वरको अनुग्रह और धार्मिकताको बरदान जो बा हमके दइ हए, बोको मोल बहुत हए और बहुत आदमी जाके अनुभब करी हएं। और येशू ख्रीष्ट एक आदमीके रुपमे अपनो अनुग्रहसे जो करी, बा जाके सम्भब करी।

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

रोमियों 6:6

काहेकी हम जानत हएं, कि हमर पुरानो पापमय स्वभाब, ख्रीष्ट येशूके सँग क्रूसमे चढाओगओ, ताकी हमर शरीरमे पापमए स्वभाब नाश हुइजाबए और अब अइसो हम पापको कमैया नाए होमएं।

1 कोरिन्थी 16:22

अगर कोइ प्रभुसे प्रेम नाए करत हए कहेसे बो सरापित हए। हे हमर प्रभु, आबओ!

1 कोरिन्थी 2:14

पर परमेश्वरको आत्मा नाए होन बारे आदमी, पबित्र आत्माको शिक्षाके ग्रहण नाए करत हए, काहेकी बे आदमीनके नजरमे मुरखके बात हएं, और एक आदमी अपनो आत्मिक जाँच तब्ही कर सकत हए, जब बोमे परमेश्वरको आत्मा रहात हए।

2 कोरिन्थी 3:7

जब मोशाको नियम कानुन पत्थरको पेटिनमे लिखो भओ रहए, बहे बेला परमेश्वरको महिमामय ज्योति दिखाइ पणो। इस्राएल देशके आदमी बहुत समय तक मोशाको अनुहार देख नाए पाइं, काहेकी जा चमकन डटो रहए। जबकी जा चमक लम्बो समय तक नाए रहो। बहेमारे अगर मोशाको नियम कानुनमे आधारित सेवा मृत्यु लात हए, जोमे उइसो महिमा रहए कहेसे,

2 कोरिन्थी 3:9

काहेकी दोषी ठहिरान बारो नियम कानुन महिमामय रहए कहेसे, आदमीनके परमेश्वरके अग्गु धर्मी ठहिरान बारो नयाँ करार औ जद्धा महिमामय होबैगो।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

इफिसियों 6:24

परमेश्वर बे सबके अनुग्रह दिखाबए जो हमर प्रभु येशू ख्रीष्टसे प्रेम करत हएं। बो प्रेम, जो कभी खतम नाए होतहए।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

कलस्सी 3:3

काहेकी तुम अपने पापी स्वाभावके ताहीं मरिगए हओ, और तुमर जीबन ख्रीष्टके सँग परमेश्वरमे लुको हए।

1 तिमोथी 2:6

ख्रीष्ट पाप और मृत्युकी शक्तिसे मोल तिरके छुटानके ताहीं अपनएके बलिदान करदइ। बाको मृत्युके द्वारा परमेश्वर सही समयमे सबुत दइ, कि बा चाँहत हए, कि सब आदमी बचाए जामएं।

1 तिमोथी 5:6

बे बिधुवा जो अपने सारा समय सुख-सुबिधामे बितात हएं, बे एक मरे भए आदमीके हानी हएं। बे शारीरिक रुपसे जिन्दा हएं, पर आत्मिक रुपसे मरे भए हएं।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

हिब्रू 2:9

पर सच्चाई जा हए, कि कुछ समयके ताहीं, येशू स्वर्गदूतसे कुछ छोटो करोगओ। परमेश्वरको अनुग्रहसे येशू संसारके सब आदमीनके ताहीं कष्ट भोगी और मरो। जहेमारे परमेश्वर येशूके महिमा और आदर दइ।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

1 पतरस 1:8

तुम येशूके कभु नाएदेखे हओ, तहुँफिर तुम बाके प्रेम करत हओ। तुम बाके हबए नाए देखैगे। पर तुम बामे बिश्वास करत हओ, बहेमारे तुम बहुत खुसी हओ। तुम कित्नो खुसी हओ कहिके बर्णन करनके सब्द नाए हएं।

1 यूहन्ना 5:19

हम जानत हएं, हम परमेश्वरके सन्तान हएं, और सारा संसार बो शैतानके कब्जामे पणो हए।