2 कोरिन्थी 11:3 - राना थारु नयाँ नियम

³ पर जैसे शैतान साँपके रुपमे अपनी चलाँकीसे पहिले बैयर हव्वाके छली, उइसीयए ख्रीष्ट घेनको तुमर निष्कपट और बाको सेवासे तुमर बिचार भ्रममे पणहएं कि कहिके मोके डर लागो हए।

परमेस्वर को सच्चो वचन

³ मोकै डर है कि तुमरे दिमाक भ्रस्ट हुई जांगे और तुम मसीह के ताहीं अपनी पूरी पवित्रता कै छोड़ देगे, बसिये जैसे हव्वा कै साँप को चालाँक झूठ धोका दई रहै।

2 कोरिन्थी 11:3 Σταυροειδείς Αναφορές

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

रोमियों 12:8

जोके उत्सहा देनको बरदान मिलो हए तओ बो उत्सहा देनमे लगोरहाए; कोइके दान देनको बरदान मिलो हए कहेसे खुल्ला मनसे दान देबए, जोके अगुवापनको बरदान मिलो हए कहेसे अगुवाई करनमे गम्भीरतासे लागोरहाए। और जोके दया दिखानको बरदान मिलो हए कहेसे खुसीसे करनमे लागो रहाबए।

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

2 कोरिन्थी 11:20

काहेकी अगर कोइ आदमी तुमके कमैया बनातहए, या तुमर सँग भओ सब चीजके लैजात हए, या तुमरसे फाइदा उठात हए, या धाक लगात हए, या तुमर मुँहुँमे थप्पड लगात हए कहेसे फिर तुम सहात हओ।

2 कोरिन्थी 11:29

जब कोइ कमजोर होतहए कहेसे मए फिर कमजोर महसुस करत हओं। जब कोइ पापमे पड्जात हए तओ मए बहुत परेसान होत हओं।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

गलातियों 1:6

मए दुखी हओं, कि परमेश्वर तुमके ख्रीष्टको अनुग्रहसे अपने आदमी होनके ताहीं बुलाइ बासे तुम इतनो जल्दी घुमिगए, और एक अलग शिक्षा जोसे कुछ आदमी “अच्छो समाचार” कहात हएं, और तुम बोके बिश्वास करनके या स्वीकार करनके सुरु करदए हओ।

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

गलातियों 3:1

हे गलातिया परदेसके बिश्वासीउ, कोइ जरुर तुमके भणकाए दइ हए। मए तुमके अच्छेसे सम्झाओ हओं कि येशू ख्रीष्टके क्रूसमे टाँगनको कारण का रहए।

गलातियों 4:11

मोके चिन्ता हए, कि तुम जो काम करत हओ, बोसे मए तुमर बीचमे करो सेवाकाइ व्यर्थ हुइहए।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

इफिसियों 4:22

तुमर गुरु तुमके बो तरिकाके छोडनकी शिक्षा दइं, जोके अनुसार तुम ब्यबहार करत रहओ। तुम्री खराब इच्छा तुमके धोखा दइ और तुमर जीबनके बर्बाद करदइ।

इफिसियों 6:24

परमेश्वर बे सबके अनुग्रह दिखाबए जो हमर प्रभु येशू ख्रीष्टसे प्रेम करत हएं। बो प्रेम, जो कभी खतम नाए होतहए।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

कलस्सी 2:4

जा मए जहेमारे कहात हओं, कि कोइ आदमी तुमके अपनो झुठो शिक्षामे नाए फसाए पाबए।

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।

1 थेसलोनिकी 3:5

तभीमारे जब मए जा जाने बिना रहो, कि तुम कैसे हओ, तओ परीक्षा करन बारो शैतान तुमर परीक्षा त नाए करी होए, और अइसो हुइहए कहेसे हमर मेहेनत बेकार हुइ जाबैगो कहिके मिर मनमे डर रहए। और अइसे नाए होए कहिके मए तिमोथीके तुमर बिश्वासको हाल जाननके ताहीं तुमर ठिन पठाओ हओं।

1 तिमोथी 1:3

हे तिमोथी, जैसे तए जानत हए, कि एफिसस सहरमे कुछ अइसे आदमी हएं जो गलत सन्देश देत हएं। बे झुठो कहानी और पुर्खनको लम्बी सुची सिखानमे ध्यान देनके बन्द करएं। जब मए एफिसस सहर छोडके माकेडोनिया परदेशमे जानके ताहीं तयार रहओं। तओ मए तोके एफिसस सहरएमे रहानके ताहीं कहो रहओं और बे आदमीके जा बतानके ताहीं कहो, कि बे झुठी सन्देश देनके बन्द करएं। जब बे अइसियए बात सिखात हएं तओ आदमी उनके बारेमे बिबाद करत हएं। जाको परिणाम जा हए, कि बे झुठे गुरु बो कामके नाए कर रहे हएं, जो परमेश्वर उनके दइ रहए, जौनसे बे सिरफ परमेश्वरमे भरोसा करके कर सकत हएं।

1 तिमोथी 2:14

दुस्रो कारण हए, आदम और जहे बैयर हव्वा रहए जौनके साँप धोखा दइ, नाएकी आदमके। और अइसियए हव्वा परमेश्वरको नियमके तोडी।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

तीतुस 1:10

मए अइसो जाकेमारे कहात हओं, काहेकी बहुतसे आदमी ख्रीष्टको सच्चो शिक्षाके बिरुद्ध बिरोध करंगे, अर्थात् बे, जो फाल्तु बात सिखात हएं, और जो दुस्रेनके धोखा देत हएं। जा खास करके कुछ यहूदी समुहनके बारेमे हए, जो बिश्वासी बनिगए हएं। जे आदमी बेहीं समुहसे सम्बन्धित हएं, जो चाँहत हएं, कि सब ख्रीष्टियनके यहूदी नियमके पालन करन चाहो, खास करके खतनाको नियमके।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

2 पतरस 3:17

जहेमारे प्रिय हो, तुमके पहिलीए पता हए, कि जे बात होमंगे। जहेमारे होसियार रहाओ ताकी नियम कानुन नाए मानन बारे आदमी तुमके झुट बोलके नाए बहकामएं। अगर तुम बिनको देखासेखी करे कहेसे, तुम सच्चो बातमे बिश्वास करनके बन्द करदेबैगे।

2 पतरस 3:3

सबसे जरुरी बात, तुमके जानन हए कि अन्तिम दिनमे ख्रीष्ट दुबारा लौटके आनसे पहिले कुछ आदमी तुमके गिल्ला करंगे, काहेकी तुम बिश्वास करत हओ, कि ख्रीष्ट लौटके आबैगो। बे अपनो बानीके कारणसे गलत काम करंगे, जौन बिनके खुसी बनातहए।

1 यूहन्ना 2:18

हे बलकाओ, ख्रीष्टके लौटके आनके ताहीं जा अन्तिम समय हए। और जैसे तुम सुने हओ, कि ख्रीष्टके बिरोधी आन बारे हएं, बाके अनुसार अभौफिर बहुतसे ख्रीष्टके बिरोधी आइगए हएं; जासे हम जानत हएं, कि जा अन्तिम समय हए।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।

प्रकाश 12:15

तओ अजिंगर बो बैयर घेन अपनो मुँहुँसे नदिया कता पानी निकारी, ताकी बहिया बोके बहाए लैजाए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

प्रकाश 20:2

और बो बहे बडो अजिंगरके पक्णी जो बहे रहए जौनके बहुत समय अग्गु एक साँपके रुपमे देखा पणो रहए, जौनके शैतान फिर कहोजात हए। बो बोके सँकारसे बाँधी और गहिरो कुण्डामे फेँकदइ। तओपिच्छु बो बोके बन्द करदइ और ढोकामे मोहर लगाए दइ ताकी एक हजार बर्ष पुरा होनतक बोके ठिन जाति-जातिके आदमीनके धोखा देन बारो कोइ तरिका नाए होबए। जब बो पुरा होबैगो, तओ बोके फिरसे कैदसे कुछ समयके ताहीं इकल्लो छुटाओ जाबैगो।