1 तिमोथी 6:4 - राना थारु नयाँ नियम

⁴ तओ बो बहुत घमण्डी हए और बो कुछ फिर नाए बुझत हए। बल्कि बे शब्दके अर्थके बारेमे दुस्रे-दुस्रे आदमीनके सँग बिबाद और लडाइ करन चाँहत हएं। और जे बातसे गुस्सा, लडाइ और बदनामकी बात और खराब शंखा पैदा होत हएं।

परमेस्वर को सच्चो वचन

⁴ तौ बौ घमंडी है और कछु नाय जानथै, उल्टा बाकै बखेड़ा करन की और बातन के ऊपर तर्क लगान कि बिमारी है, जो डाह, और लड़ाई, और बुराई कि बातैं, और बुरे-बुरे सक,

1 तिमोथी 6:4 Σταυροειδείς Αναφορές

प्रेरित 15:2

अइसो मेलको शिक्षा सुनके पावल और बारनाबास उनके सँग बहुत तर्क करीं। जहेमारे हुनाके भइया पावल, बारनाबास और औ जनैके जा प्रश्नको फैसलाके ताहीं चुनेभए चेला और मण्डलीको अगुवा ठिन यरूशलेम सहरमे पठानके निर्णय करीं। बे, यरूशलेम सहरमे रहान बारे चुनेभए चेला और मण्डलीके औ अगुवनके सँग बात करके बोके बारेमे फैसला करन आदेश पाइं।

प्रेरित 18:15

पर जा त तुमर शब्द, नाम और नियम कानुनके बारेमे इकल्लो होनके कारणसे तुम अपनए जाको न्याय करओ। मए जा बातको न्याय करन नाए चाँहत हओं।”

प्रेरित 8:9

सिमोन नाउँ भओ एक जनै आदमी हुवाँ रहए। बो अग्गुवएसे सामरिया सहरमे जादुगरी करके हुनाके जाति-जातिके आदमीनके अचम्मो करेपणे रहएं, और अपनएके कोइ बडो आदमी मानत रहए।

रोमियों 12:16

एक-दुसरेन्को उत्नुए ध्यान देओ जित्ना तुम अपनएके ध्यान करत हओ, घमण्ड मत् करओ, पर नम्र बारेनके सँगत करओ और अपनी नजरमे जनैया मतहोबओ।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

रोमियों 14:1

बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

रोमियों 2:8

पर जो आदमी केवल अपनएके इकल्लो प्रेम करत हए, और सत्यके नाए मानत हए, बल्कि दुष्ट काम करन चाँहत हए, उनके उपर परमेश्वरको अपनो क्रोध और दिक्क अखनाबैगो।

1 कोरिन्थी 11:16

पर अगर कोइ सोँचत हए, कि जो मए कहिरहो हओं बो गलत हए। तओ जा जानए, कि जाके अलाबा हमरे ठिन और परमेश्वरके मण्डलीनके ठिन अइसो रिति-रिबाज नाए हए।

1 कोरिन्थी 11:18

काहेकी सुरुवातमे मए जा सुनो, कि जब तुम आराधनाके ताहीं मण्डलीमे इकट्ठा होत हओ, तओ तुममे फुट होत हए और मोके भरोसा हए, कि जामे कुछ सच्चाई हए।

1 कोरिन्थी 3:18

अगर तुम मैसे कोइ फिर जा सोँचत हए, कि बो आदमी जा संसारके आदमीनको बिचारके अनुसार समझदार हए, तओ तुमके जा संसारके आदमी उनको बिचारमे अपनएके मुरख बनानके होबैगो, ताकी तुम सचमे परमेश्वरके बिचारमे ज्ञानवान हुइ पाबओ।

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

2 कोरिन्थी 11:20

काहेकी अगर कोइ आदमी तुमके कमैया बनातहए, या तुमर सँग भओ सब चीजके लैजात हए, या तुमरसे फाइदा उठात हए, या धाक लगात हए, या तुमर मुँहुँमे थप्पड लगात हए कहेसे फिर तुम सहात हओ।

गलातियों 5:15

पर अगर तुम लगातार एक-दुस्रेसे लणत रहात हओ, और एक-दुस्रेके परेसान करतए रहात हओ कहेसे होसियार रहओ, तुम एकदुस्रेके बर्बाद मत् करओ।

गलातियों 5:26

हम एक-दुस्रेके सँग घमण्ड करन बारे, गुस्सा करन बारे और ईर्ष्या करन बारो काम नाए करन पणतहए।

गलातियों 6:3

अगर कोइ सोँचत हए, कि बो अगुवा हए, पर अगर बो सचमे अगुवा नाए हुइहए कहेसे बो अपनएके धोखा दइ रहो हए।

फिलिप्पी 1:15

कुछ आदमी त डाह और दुस्रेके सँग लडाइ करके ख्रीष्टके बारेमे अच्छो समाचारके परचार करत रहएं। और कोइ आदमी ख्रीष्टके बारेमे अच्छो समाचारको परचार करनके अच्छो मनसे मेरी मदत करत रहएं।

फिलिप्पी 2:14

बिना दिक्काएके और बिना बिबादसे सब काम करओ।

फिलिप्पी 2:3

स्वार्थ और घमण्डके ताहीं कुछ मत् करओ, पर नम्र हुइके एक-दुस्रेके अपनेसे जद्धा जरुरी समझओ।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

2 थेसलोनिकी 2:4

बो दुष्ट आदमी परमेश्वरको बिरोध करैगो और दुस्रे सब चीजके जौनके आदमी आराधना करत हएं, और परमेश्वरके रुपमे बुलात हएं। और बो अपनएके जे सबसे बडो मानैगो। हियाँतककी दुष्ट आदमी परमेश्वरको मन्दिरमे बैठैगो। और बो, आदमीके ठिन अपनएके परमेश्वर हओं कहिके कएहए।

1 तिमोथी 1:7

और बे नियम कानुन सिखान बारो आदमी कता त होन चाँहत हएं पर सचमे बे जा नाए सम्झत हएं, कि बे झुठे गुरु का सिखानके कोसिस कर रहे हएं, और इतनो पक्को आत्मबिश्वासके सँग का मसक रहे हएं।

1 तिमोथी 3:6

बो बिश्वासमे मजबुत होन पणो, अगर बिश्वासमे मजबुत नाए हुइहए, तओ हुइ सकत हए, कि बो घमण्डी हुइजाए और फिर बोके बहे सजाय मिलैगो जो शैतानके मिलो रहए।

2 तिमोथी 2:14

जे बातके अपने बिश्वासीनके घरी-घरी सिखा, जो मए तोके बताओ हओं। और परमेश्वरके एक साक्षीके रुपमे धरतए तोके उनके चेतावनी देन चाहो, कि बे शब्दके अर्थके बारेमे बिबाद नाए करएं। जे प्रकारके बिबाद कोइके मदत नाए करत हए। बल्कि जा बेहीं आदमीनको बिश्वासके नुक्सान पुगात हए, जो जाके सुन्तहएं।

2 तिमोथी 2:23

पर नाए जानन बारो मुरख बातसे दुर रहो; काहेकी तए जानत हए, कि जे बातसे लडाइ होत हएं।

2 तिमोथी 3:4

औरेन्के धोखा देन बारे, मनपरी करतए घमण्डसे फुलन बारे, अभिमानी और परमेश्वरको आराधना करन बारे नाए बल्कि मोज-मजाके प्रेम करन बारे होमंगे।

तीतुस 3:9

पर मुरखसे बाद-बिबाद, और पुर्खनको लम्बी सुची, बिरोध और लडाइ जो मोशाको नियम कानुनके बारेमे होएं बिनसे दुर रहो; काहेकी बे बेकार और फाइदा देन बारे नाए हएं।

याकूब 1:19

हे मेरे बिश्वासी ददाभइयओ, जा बात जानलेओ: हर एक आदमी सुननके ताहीं जल्दी और मस्कनमे होसियार और गुस्सानमे कम होन पणत हए।

2 पतरस 2:12

पर जे झुठे गुरु जंगली जानबर कता हएं। जे जानबर कैसे सोँचत हए करके नाए जानत हएं, और बे केबल पकणके मारन उदेश्यसे इकल्लो बने होत हएं। जे आदमी, जो बिनको दिमाकमे आत हए बहे करत हएं, और बे नाए बुझीभइ बातको फिर अपमान करत हएं। बे नेहात्तओ नष्ट होमंगे।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

यहूदा 1:10

पर परमेश्वरको आराधना नाए करन बारे आदमी नाए बुझी भइ बातके बुराइ करके खराब शब्द प्रयोग करत हएं, और जब बे जंगली जानबर कता ब्यबहार करत हएं और बिना सोँचेसम्झे उनके पता भइ बात करत हएं, तओ परमेश्वर बिनके दण्ड देबैगो।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।

प्रकाश 3:17

तए कहात हए, ‘मए धनी हओं और मिर सँग बहुत धनसम्पति हए। मोके चाहन बारी सब चीज मेरे सँग हए।’ पर सच्चो जा हए, कि तए अन्धरा कता हए, तए खासमे कैसो हए कहान बारी बात तोके पता नाए हए। तोके दयाको जरुरत हए, काहेकी तए गरीब हए, जाको मतलब तोके बिश्वासको जरुरत हए। तए फिर बहे आदमी कता हए जोके सँग लत्ता नाए होत हए।