1 तिमोथी 1:11 - राना थारु नयाँ नियम

¹¹ जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

परमेस्वर को सच्चो वचन

¹¹ जहे परमधन्य परमेस्वर की महिमा के बौ सुसमाचार के हिसाब से है, जो मोकै घोसित करन के ताहीं सौंपो गौ है।

1 तिमोथी 1:11 Σταυροειδείς Αναφορές

लूका 2:14

“स्वर्गमे परमेश्वरको महिमा, और पृथ्वीमे बे आदमीनसे जौनसे बा प्रसन्न हए, बिनके शान्ति!”

रोमियों 2:16

जा बहे दिन होबैगो जब परमेश्वर अच्छो समाचार, जोको मए परचार करत हओं, बहेके अनुसार येशू ख्रीष्ट आदमीनको गुप्त बातकी न्याय करैगो।

1 कोरिन्थी 9:17

मए जा अच्छो समाचार परचार करंगो कहेसे मोके इनाम मिलैगो। पर अगर जामे मिर कोइ इच्छा नाए हए, लेकिन अगर परमेश्वर मोके जा जिम्मेदारी दइ हए, तओ मए इनामको का आसरा कर सकत हओं? मए कोइ फिर इनामको आसरा नाए कर सकत हओं।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

गलातियों 2:7

पर बे सब अगुवा बुझीगए, कि परमेश्वर जैसे पत्रुसके यहूदी आदमीनके अच्छो समाचार परचार करनके ताहीं छानी रहए, उइसी करके बो हमरे खतना करेभए गैर-यहूदी आदमीनके फिर अच्छो समाचार परचार करनके छानी हए।

इफिसियों 1:12

हम यहूदी, पहिले आदमी हएं, जौन ख्रीष्टमे आसरा करे, और हम जहेमारे चुनेगए रहएं ताकी हम परमेश्वरकी महिमाके स्तुति दइ पामएं।

इफिसियों 1:6

जा अनुग्रह, बयान करन नाए सिकन बारो हए जहेमारे हम बाकी महिमामय अनुग्रहके ताहीं परमेश्वरके स्तुति करत हएं जो बा हमके सेँतएमे दइ हए। काहेकी बाको लौंणाके सँग हमर सम्बन्ध हए।

इफिसियों 2:7

परमेश्वर अइसो जाकेमारे करी ताकी आन बारो दिनन्मे बा संसारके आदमीनके दिखाए पाबए कि बाको अनुग्रह कित्नो महान हए। जो कुछ बा हमर ताहीं करीहए हमके जा अनुग्रह दिखाओगओ हए जो येशू ख्रीष्टके सँग एकतामे हएं।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

कलस्सी 1:25

परमेश्वर मोके नियुक्त करी, ताकी तुमके बाको सन्देश पुरा रुपमे सम्झाए पामओं। तभीमारे मए मण्डलीको सेवक बनिगओ।

1 थेसलोनिकी 2:4

परमेश्वर हमके योग्य समझके अच्छो समाचार सौंपी हए। जहेमारे हम आदमीनके नाए, बल्कि हमर हृदय जानन बारो, परमेश्वरके खुसी करनके ताहीं शिक्षा देत हएं।

1 तिमोथी 2:7

जहेमारे परमेश्वर मोके अच्छो समाचारको परचारक और एक चुनो भओ चेला होनके चुनी। बा मोके गैर-यहूदीनके बिश्वासको सच्चो सन्देश सिखानके ताहीं चुनी। मए नाए ठग रहो हओं; मए सच्चो बात कहात हओं।

1 तिमोथी 6:15

और परमेश्वर जो इकल्लो राजा हए, जो प्रसंसाको लायक हए, राजनको सबसे महान राजा और प्रभुनको प्रभु हए, बहे ख्रीष्ट येशूके ठिक समयमे प्रकट करैगो।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

2 तिमोथी 1:11

जा अच्छो समाचारके ताहीं, परमेश्वर मोके एक परचार करन बारोके रुपमे, और येशूसे चुनो भओ चेलाके रुपमे और गुरुके रुपमे फिर मोके चुनी हए।

2 तिमोथी 1:14

येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

2 तिमोथी 2:2

तए मोके बहुत आदमीनके अग्गु ख्रीष्टके बारेमे सन्देशके सिखात सुनो हए। जहेमारे मए चाँहत हओं, कि तए फिर अन्य बिश्वासीनके सन्देश सिखाए, जोके उपर तए भरोसा करत हए, और बे दुस्रेनके फिर जा सन्देश सिखानके योग्यके होमंगे।

तीतुस 1:3

अब बिरकुल ठिक समयमे, परमेश्वर जा अच्छो समाचारके हमरे अग्गु प्रकट करी, और हम जाको परचार सबके बीचमे करत हएं। परमेश्वर हमर मुक्तिदाता जा आज्ञा दइके, मोके जिम्मेदारी दइ, कि मए बाके ताहीं जा काम करओं।