1 पतरस 3:5 - राना थारु नयाँ नियम

⁵ काहेकी अइसियए ब्यबहार बहुत अग्गुके बैयर आदमीनमे रहए, जौनको जीबन पबित्र रहए और जो परमेश्वरमे आसरा करत रहएं। बे बैयर सुन्दर भइं, काहेकी बे अपनो लोगाके अधिनमे बैठीं।

परमेस्वर को सच्चो वचन

⁵ और पुराने समय मैं पवित्र बईंय्यरैं भी, जो परमेस्वर मैं आसा रखत रहैं, अपने आपकै ऐसिये करकै समारतीं और अपने-अपने लोगा के अधीन रहत रहैं।

1 पतरस 3:5 Σταυροειδείς Αναφορές

लूका 2:37

तओ बिधुवा रहिके बो चौरासी बर्ष पुग्गइ हए। बो यरूशलेमको मन्दिरके कभु नाए छोडत रहए, पर उपवास और प्राथनाके सँग रात दिन आराधना करत रहए।

प्रेरित 1:14

जे सब और हुवाँ औ बैयर रहएं जौन येशूके मदत करी रहएं, और येशूकी अइया मरियम और बाके भइया सँग, मनमे एकए उदेश्यके साथ एकजुट हुइके प्राथना करत रहएं।

प्रेरित 9:36

योप्पा गाउँमे तबिता नाउँकी एक बिश्वासी लौंणीया रहए। ग्रीक भाषामे बोको नाउँ डोरकास हए, जौनको अर्थ हरिणी हए। बो हर समय औरेन्को भलाइ करत रहए और गरीबनके मदत करत रहए।

इफिसियों 5:33

पर जा तुममे फिर लागु होत हए, कि तुम मैसे हर आदमी अपने बैयरसे अपनए कता प्रेम करए, और बैयर फिर अपने लोगाको आदर करएं।”

1 तिमोथी 2:10

पर जाके अलाबा, उनके दुस्रे आदमीनके ताहीं अच्छे काम करके अपनएके सुथ्री बनानके घेन लगन पणत हए। काहेकी परमेश्वरको भक्ति करन बारी बैयरके ताहीं जहे अच्छो हए।

1 तिमोथी 2:15

पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

1 तिमोथी 5:5

जौन बिधुवनके ठिन उनको जरुरी पुरा करनके ताहीं और उनको रेखदेख करनके ताहीं कोइ नाए हए, बे परमेश्वरमे इकल्लो अपन आसरा करत हए। और रातदिन बे बिन्ती और प्राथना करके परमेश्वरसे अपने ताहीं मदत मागत हएं।

हिब्रू 11:11

बिश्वाससे अब्राहामकी बैयर सारा फिर अपनो उमर ढलको समयमे गर्भधारण करनके शक्ति पाइ। काहेकी परमेश्वर अपनो प्रतिज्ञा पुरा करत हए कहिके अब्राहाम बिश्वास करी रहए।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।