1 पतरस 3:17 - राना थारु नयाँ नियम

¹⁷ अगर हमर अच्छो कामके कारण हम दुख उठात हएं और जा हमर ताहीं परमेश्वरको इच्छा हए कहेसे जा ठिक हए। बो हमर खराब कामके कारणसे दुख पानसे अच्छो हए।

परमेस्वर को सच्चो वचन

¹⁷ बुराई के ताहीं दुख भोगन के बजाय अगर परमेस्वर की इच्छा होबै तौ भलाई के ताहीं दुख भोगनो अच्छो है।

1 पतरस 3:17 Σταυροειδείς Αναφορές

मत्ती 26:39

और येशू थुरदुर जाएके मुँहुँके बल गिरके परमेश्वरसे अइसे प्राथना करी, “हे मिर दौवा, हुइ सकत हए तओ, जा कटोरा मोसे हटाए देओ। तहुँफिर जैसे मए चाँहत हओं उइसे नाए पर जैसी तुम चाँहत हओ उइसीयए होबए।”

मत्ती 26:42

फिर दुस्रो चोटी येशू परमेश्वरसे प्राथना करन गओ और अइसे कही, “हे मिर दौवा, मोए जा नाए पिएसे नाए हुइहए कहेसे तुमरी इच्छा पुरा होबए।”

प्रेरित 18:21

पावल अइसे कहिके बिनसे बिदा भओ, “अगर परमेश्वरको इच्छा भओ कहेसे मए फिर तुमर ठिना आमंगो।” तओ फिर बो एफिसस सहरसे समुन्दरके डगर हुइके गओ।

प्रेरित 21:14

पावलके नाए रोकपाएके हम “प्रभुको इच्छा पुरा होबए” करके हम चुप लागे।

1 पतरस 1:6

तुमके जे सबए बातके बारेमे खुसी होन पणैगो, तहुँफिर अभए थोरी समयके ताहीं तुमके बिभिन्न किसिमको कष्ट सहान पणैगो।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

1 पतरस 2:20

पर अगर तुम गलत काम करके पिटाइ खात हओ कहेसे, तुमर सजायमे धैर्य होनको कोइ प्रसंसाको कारण नाए हए। पर अगर तुम अच्छो कामके ताहीं दुख भोगत हओ कहेसे, और तुम धैर्य हुइहओ कहेसे, तओ परमेश्वर खुसी होबैगो।

1 पतरस 3:14

पर अगर तुम अच्छो काम करोके कारणसे कोइ दुख उठान पणो हए कहेसे, परमेश्वर तुमके आशिष देबैगो। अगमबक्ता, यशैयासे लिखो भओ कता करओ: “तुमके धमकी देन बारे आदमीनसे मतडराओ और आदमी का करंगे कहिके बातमे चिन्ता मत् करओ।”

1 पतरस 4:15

पर तुम मैसे कोइ फिर हत्यारा, चोर, खराबी करन बारे, दुस्रेन्के बातमे हात डरन बारे कता दुख मतउठाओ।

1 पतरस 4:19

जहेमारे परमेश्वरको इच्छा अनुसार जब कोइ दुख भोगत हए, और जीबन देन बारो परमेश्वरमे भरोसा करे रहात हए। तओ बोके ताहीं परमेश्वर हरदम अपन प्रतिज्ञा करोभओ बात पुरा करत हए। तभीमारे तुम अच्छो काम करतए रहाओ।