1 यूहन्ना 5:6 - राना थारु नयाँ नियम

⁶ बा येशू ख्रीष्ट हए, जौनके परमेश्वरके द्वारा जा संसारमे पठाओ गओ हए, और पानीसे बप्तिस्मा दओगओ रहए, और पिच्छु जब बा मरो, तओ बाको खुन बहो। बा बप्तिस्मा लेन इकल्लो नाए, पर अपनो खुन बहाएके क्रूसमे मरो। पबित्र आत्मा गवाही देतहए, कि येशू ख्रीष्ट परमेश्वरसे आओ हए, और पबित्र आत्मा सदिमान सच्चो मस्कत हए।

परमेस्वर को सच्चो वचन

⁶ ईसु मसीह बौ है जो अपने बपतिस्मा के पानी और अपनी मौत के खून के संग आओ रहै। बौ नाय सिरफ पानी के संग, बल्किन पानी और खून दोनों के संग आओ रहै। और आत्मा खुद गभाई देथै कि जौ सत्य है, काहैकि आत्मा सच्ची है।

1 यूहन्ना 5:6 Σταυροειδείς Αναφορές

मत्ती 26:28

काहेकी जा नयाँ करारको बलिदानको खुन हए, जा बहुतके ताहीं पापनको क्षमाके ताहीं बहोहए।

मत्ती 3:16

और येशू बप्तिस्मा लैके तुरन्त पानीसे निकरके आतए खीना येशू स्वर्ग उघरो देखी, और परमेश्वरको आत्मा कबुतरके रुपमे अपन उपर उतरत देखी।

मर्कूस 14:24

और बा बिनसे कही, “जा दाखको रसा मिर बलिदानको खुन हए। मिर खुन बहुत आदमीनके घेनसे बलिदानके रुपमे अख्नाओ जाबैगो। जा, बो नयाँ करारके साबित करैगो, जो परमेश्वर अपन आदमीनके ताहीं बहान डटो हए।

लूका 22:20

अइसियए खाएके येशू कटोरा लइ और कही, “जा कटोरा तुमर ताहीं बहाओ गओ मिर बलिदानको खुनमे स्थापित करोभओ नयाँ करार हए।

यूहन्ना 14:17

बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 15:26

“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।

यूहन्ना 16:13

जब बा परमेश्वरके बारेमे सच्चाई प्रकट करन बारो आत्मा आबैगो। तओ आत्मा तुमके, परमेश्वरके बारेमे जो फिर सत्य हए कहिके जाननको कारण बनैगो, काहेकी सल्लाहकार अपनी अधिकारसे नाए मस्कत हए। बल्कि सल्लाहकार परमेश्वरके घेनको बात सुनैगो और बहे बताबैगो, और आन बारी बात तुमके बताबैगो।

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

यूहन्ना 4:10

येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

यूहन्ना 6:55

काहेकी मिर शरीर नेहात्तओ खान बारी चीज हए, और मिर बलिदानको खुन नेहात्तओ पिन बारी चीज हए।

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

रोमियों 3:25

परमेश्वर, ख्रीष्ट येशूके हमर ताहीं पाप क्षमाको बलिदान स्वरुप दइके ख्रीष्टको खुन हमर ताहीं बहाओ गओ हए कहिके बिश्वास करन बारे आदमीनको पाप मिटाए दइ हए। परमेश्वर पापको सजाय ख्रीष्टमे दइके अपनएके न्यायी दिखाइ। परमेश्वर ख्रीष्ट आनसे पहिले अपनो गुस्सा थामके आदमीके पापको सजाय नाए दइ।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

कलस्सी 1:4

काहेकी हम सुनेहएं, कि ख्रीष्ट येशूके उपर तुमर बिश्वास हए, और सब पबित्र आदमीसे प्रेम करत हओ।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

तीतुस 3:5

परमेश्वर हमके हमर पापके दण्डसे बचाइ, और जा हमर अपनो धार्मिक कामके कारण नाए, जो हम करे रहएं, बल्कि बा हमर उपर दया दिखाइ, और बा पबित्र आत्मा दइके हमके बचाए लइ। जौन हमरे पापनके धोइ और हमके एक नयाँ जीबन और ब्यबहार करनके एक नयाँ तरिका दइ।

हिब्रू 10:29

अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

हिब्रू 12:24

तुम परमेश्वर और आदमीनके बीचमे नयाँ करार बाँधदेन बारो मध्‍यस्‍थकर्ता येशू ख्रीष्ट ठिन आए हओ, और छिँटो भओ खुनमे आए हओ, जौन हाबिलको खुन कता न्यायके ताहीं चिल्लानके सट्टामे माफीके बारेमे कहात हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

हिब्रू 9:7

पर वर्षमे एक चोटी इकल्लो प्रधान यहूदी पुजारी महापबित्र ठाउँमे जात रहएं। जब बे भितर जात रहएं, तओ बे अपने सँग जानबरको खुन लैके जात रहएं। बे बो खुन अपने पाप क्षमाके ताहीं, और आदमीनको अन्जानमे करोभओ पापके ताहीं परमेश्वरके बलि चढात रहएं।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

1 यूहन्ना 4:10

सच्चो प्रेम जा हए, कि हम परमेश्वरसे प्रेम नाए करे बल्कि परमेश्वर हमके प्रेम करीहए, और हमर पाप क्षमा करनके ताहीं अपन लौंणाके बलिदान होनके पठाइ।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

प्रकाश 7:14

और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”