1 यूहन्ना 4:14 - राना थारु नयाँ नियम

¹⁴ हम लौंणाके देखे हएं और जहेको गवाही देत हएं, कि दौवा परमेश्वर अपनो लौंणाके संसारके आदमीनके ताहीं मुक्तिदाताके रुपमे पठाइ हए।

परमेस्वर को सच्चो वचन

¹⁴ और हम देखे हैं और दुसरेन कै गभाई देथैं कि दऊवा अपने लौड़ा कै दुनिया को उद्धारकर्ता बनन के ताहीं भेजी रहै।

1 यूहन्ना 4:14 Σταυροειδείς Αναφορές

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

यूहन्ना 12:47

अगर कोइ मिर बात सुनके बोको पालन नाए करत हए कहेसे मए बोके दोषी नाए ठहिरामंगो। काहेकी मए संसारके आदमीनके दोषी ठहिरानके ताहीं नाए, बल्कि संसारके बचानके ताहीं आओ।

यूहन्ना 3:11

नेहात्तओ, मए तोसे कहात हओं, हम जो जानत हएं बहे कहात हएं, और हम देखत हएं बहेको गवाही देत हएं। पर हम जो कहात हएं, तुम बोके उपर बिश्वास नाए करत हओ।

यूहन्ना 3:32

जो कुछ बे देखीं, और सुनिहएं, बहेको गवाही बे देत हएं, तहुँफिर बहुत कम आदमी बाको गवाही ग्रहण करीं।

यूहन्ना 3:34

काहेकी जौनके परमेश्वर पठाइ हए, बा परमेश्वरको बात बत्कात हए: काहेकी परमेश्वर, पुरा रुपसे पबित्र आत्मा देतहए।

यूहन्ना 4:42

और बे बैयरसे कहीं, “अब हम तेरे कहानसे बिश्वास नाए करे हएं। काहेकी हम अपनए सुनेहएं, और हम जानत हएं, कि नेहात्तओ संसारको मुक्तिदाता जेहीँ हएं।”

यूहन्ना 5:39

तुम पबित्र-शास्त्र पढत हओ, काहेकी तुम जा सोँचत हओ, कि बोमे तुमके कभी फिर नाश नाए होन बारो जीबन मिलैगो। और जा बहे पबित्र-शास्त्र हए, जो मिर बारेमे गवाही देत हए।

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

1 यूहन्ना 4:10

सच्चो प्रेम जा हए, कि हम परमेश्वरसे प्रेम नाए करे बल्कि परमेश्वर हमके प्रेम करीहए, और हमर पाप क्षमा करनके ताहीं अपन लौंणाके बलिदान होनके पठाइ।

1 यूहन्ना 5:9

जब हम आदमीनको गवाही मानलेत हएं, तओ परमेश्वरको गवाही त बोसे और जद्धा मजबुत हए; और बो गवाही बो लौंणाके बारेमे गवाही हए,