1 कोरिन्थी 9:23 - राना थारु नयाँ नियम

²³ और मए सब कुछ ख्रीष्टके बारेमे अच्छो समाचारके परचार करनके ताहीं करत हओं, ताकी मोके अच्छो समाचारमे प्रतिज्ञा करेगए आशिषको हिस्सा दओजाए सकए।

परमेस्वर को सच्चो वचन

²³ और मैं सब कछु सुसमाचार के ताहीं करथौं, कि मैं औरन के ताहीं भागीदार हुई जामौं।

1 कोरिन्थी 9:23 Σταυροειδείς Αναφορές

मर्कूस 8:35

काहेकी जौन अपन प्राण बचानके इच्छा करत हए, बो बाके खोबैगो। पर मिर और अच्छो समाचारके ताहीं अपन प्राण गुमान बारो, बो बचाओ जाबैगो।

रोमियों 11:17

इस्राएलके आदमी एक अच्छे जैतूनके पेणके हँगा कता हएं और पुर्खा अब्राहाम, इसहाक और याकूब बे पेणके जर कता हएं। अगर कोइ हँगा काटेगए और तुम एक जंगली जैतून हुइके फिर असल जैतूनमे कलमी भए हओ कहेसे जंगली जैतूनको हँगा असल जैतूनको रुखामे कलमी हुइके बो रुखासे फाइदा पाओकता, तुम यहूदी आदमीनसे फाइदा पातहओ।

1 कोरिन्थी 9:12

काहेकी तुम अन्य आदमीनके आर्थिक मदत करे जौन तुमर बीच परचार करी, नेहात्तओ बारनाबास और मए जाको औ फिर जद्धा लायक हएं। काहेकी हम तुमर ताहीं चुनेभए चेला रहएं। हबएतक, हम मैसे कोइ फिर जा बातमे जोर नाए दओ, कि तुम हमके बे चीजके देओ जो हमके तुमसे चाहो रहए। पर जा छोडके, हम कुछ फिर सहनके ताहीं तयार रहएं, ताकी हम ख्रीष्टके बारेमे अच्छो समाचारमे बिश्वास करनसे कोइके फिर बाधा नाए डारएं।

1 कोरिन्थी 9:22

जब मए बे आदमीनके सँग होत हओं जौनको बिश्वास कमजोर हए, तओ उनके बरोबर ब्यबहार करत हओं। ताकी मए उनके ख्रीष्टके पिच्छु चलनमे मदत करपामओं। मए सब आदमीनके ताहीं सब कुछ बनो हओं, कि कोइन-कोइ रितिसे, कोइ कुछ आदमीके उद्धार करबाए पामओं।

1 कोरिन्थी 9:24

उइसीयए हमके बे सब कुछ करन चाहो जोमे हम परमेश्वरके खुसी कर सकत हएं। ताकी हम बो इनाम पाए सकएं, जो परमेश्वर भबिष्यमे देबैगो।

2 कोरिन्थी 2:4

काहेकी तुमके दुखी बनानके नाए, बल्कि तुमर घेन भओ मिर प्रशस्त प्रेम तुम जानओ। काहेकी ह्रदयके बहुत पिडा और बेदनामे बहुत आँसु बहातए मए जा चिट्ठी तुमके लिखो रहओं।

गलातियों 2:5

उनके अधीनमे होनके हम अस्वीकार करदए। जहेमारे कि तुम अच्छो समाचारको सच्चाईमे लगातार बने रहाबओ।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 तिमोथी 2:6

जो किसानदार मेहेनत करत हए, बो आदमी बालीको हिस्सा पानके हकदार हए।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।