1 कोरिन्थी 7:22 - राना थारु नयाँ नियम

²² काहेकी जो कोइ कमैया हए, बो प्रभुमे बुलाओ गओ हए। बो एक स्वतन्त्र आदमी कता हए, काहेकी प्रभु येशू बोके बोको पापके शक्तिसे मुक्त करीहए और उइसीयए जो स्वतन्त्रके ताहीं बुलाओ गओ हए, बो ख्रीष्टके गुलाम बनत हए।

परमेस्वर को सच्चो वचन

²² जो दास के हाल मैं बुलाओ गौ है, बौ प्रभु को आजाद करो भौ है, और बैसिये जो आजाद के हाल मैं बुलाओ गौ है, बौ मसीह को दास है।

1 कोरिन्थी 7:22 Σταυροειδείς Αναφορές

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

1 कोरिन्थी 7:21

अगर तुम कमैयाके ताहीं बुलाए गए हओ तओ तुमके जा बातमे चिन्ता नाए करन चाहो; पर अगर तुमर मालिक अपन इच्छासे तुमके, तुम स्वतन्त्र हुइके जाए सकत हओ कहिके कएहए कहेसे तुम स्वतन्त्र हुइके जाए सकत हओ।

1 कोरिन्थी 9:19

जाको मतलब जा हए, कि मए आदमीनको आज्ञापालन करनके ताहीं मजबुर नाए हओं। सिर्फ जहेमारे, कि बे मोके तलप देत हएं। तहुँफिर मए हर कोइको नोकर बनिगओ हओं ताकी मए जद्धासे-जद्धा आदमीनके ख्रीष्टमे बिश्वास करनके ताहीं लाओं।

1 कोरिन्थी 9:21

उइसीयए, जब गैर-यहूदीनके सँग काम करत हओं, तओ मए एक गैर-यहूदी कता रहात हओं। ताकी उनके जीत पामओं। लेकिन मोके पता हए, कि मए परमेश्वरको नियम कानुनके बिना रहे करत रहओं। काहेकी मए ख्रीष्टको नियम कानुनके पालन करत हओं।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

फिलेमोन 1:16

पर फिलेमोन सिरफ तिर दास नाए होबैगो, बल्कि बो एक दाससे जद्धा हए। अब बो तिर प्रिय बिश्वासी भइया हए, मए बोसे बहुत प्रेम करत हओं, पर तोए ओनेसिमसके दुनौ रुपमे बहुत जद्धा प्रेम करनके चाहो, अर्थात् अपनो दासके रुपमे, और ख्रीष्टमे एक भइयाके रुपमे।

1 पतरस 2:16

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।