1 कोरिन्थी 6:13 - राना थारु नयाँ नियम

¹³ तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।

परमेस्वर को सच्चो वचन

¹³ “खानु पेट के ताहीं, और पेट खानु के ताहीं है,” हाँ; लेकिन परमेस्वर जाकै और बाकै दोनों कै खतम करैगो, लेकिन सरीर व्यभिचार के ताहीं नाय, बल्किन प्रभु के ताहीं है; और प्रभु सरीर के ताहीं है।

1 कोरिन्थी 6:13 Σταυροειδείς Αναφορές

मत्ती 15:17

का तुमके पता नैयाँ, जो मुँहुँसे भितर घुसत हए बो पेटमे चलोजात हए, और बाहिर निकर जातहए?

मत्ती 15:20

जेहीँ बात हएं जो आदमीनके अशुद्ध करत हएं। पर हात नाए धोएके खानेसे आदमीके अशुद्ध नाए करत हए।”

मर्कूस 7:19

काहेकी बो खानु बोको हृदयमे नाए, पर पेट भितर घुसत हए और बाहिर निकर जातहए।” अइसियए, बा सब खानु शुद्ध हए कहिके बताए दइ।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

यूहन्ना 6:49

तुमर पुर्खा जंगली इलाकामे मन्न खाइँ तहुँफिर बे मरीगए।

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

रोमियों 6:12

जहेमारे पापमय इच्छन्के अपने जीबनमे राज्य करन मतदेओ, ताकी अपनी पापमय इच्छन्के अनुसार काम नाए करसकओ।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

1 कोरिन्थी 6:15

तुम जरुर जानत हओ, कि तुमर शरीर ख्रीष्टको अंग हए। तओ का आदमी ख्रीष्टको एक अंग लैके, जाके वेश्यके सँग जोडन चाहो? नाए! बिरकुल नाए!

1 कोरिन्थी 6:19

तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

इफिसियों 5:23

काहेकी लोगा बैयरकी शिर हए, जैसेकी ख्रीष्ट मण्डलीको शिर हए; और ख्रीष्ट अपनए मण्डलीको उद्धारकर्ता हए, जोकी बाको अपनी शरीर हए।