1 कोरिन्थी 4:6 - राना थारु नयाँ नियम

⁶ हे मेरे बिश्वासी ददाभइयओ, मए अपोल्लोसके और अपनएके एक उदाहरण रुपमे इस्तमाल करो हओं। जा बतानके ताहीं, कि मए का कर रहो हओं। तुमके हमसे सिखन चाहो, कि पबित्र-शास्त्रमे जो लिखो हए, बोसे अग्गु मतजाओ। अब तुम घमण्डसे हम मैसे एक-दुस्रेके बिरोधमे नाए रहाइगे।

परमेस्वर को सच्चो वचन

⁶ भईय्यौ और बहेनियौ, मैं जे बातन मैं तुमरे ताहीं अपनी और अपुल्लोस की बात-चीत कहानी के जैसी करो हौं, तभईये कि तुम हमसे जौ सीखौ, “कि सास्त्र मैं जो लिखो है बासे अग्गु मत बढ़ौ,” और एक के घाँईं से और दुसरे के बिरोध मैं घमंड मत करियो।

1 कोरिन्थी 4:6 Σταυροειδείς Αναφορές

प्रेरित 18:24

हुनए अलेक्जेन्ड्रिया सहरमे जन्मो भओ अपोल्लोस नाउँ भओ एक जनै यहूदी एफिसस सहरमे आओ। बो बहुत अच्छेसे मस्कन जानन बारो आदमी रहए और बोके पबित्र-शास्त्रको बहुत ज्ञान रहए।

प्रेरित 19:1

जब अपोल्लोस कोरिन्थ सहरमे रहए तओ पावल एशिया परदेशको इलाकाके बीचसे होत एफिसस सहरमे आएपुगो। हुवाँ पावल, प्रभु उपर बिश्वास करन बारे कुछ चेलनके भेँटी।

रोमियों 12:3

मोके दओगओ अनुग्रहसे तुम मैसे सबके मए बिन्ती करत हओं, जौनके अपनएके जैसो सम्झन्के हए बोसे जद्धा बडो मतसमझओ; पर परमेश्वर तुमके जित्का बिश्वास दइहए बहे कता अपनएके सम्झओ।

1 कोरिन्थी 1:12

मिर कहानको मतलब जा हए, कि तुम मैसे कोइ त अपनएके “मए पावलको चेला हओं,” कोइ “मए अपोल्लोसको चेला हओं,” कोइ “मए केफासको चेला हओं” और कोइ “मए ख्रीष्टको चेला हओं” कहात हओ।

1 कोरिन्थी 1:19

काहेकी पबित्र-शास्त्रमे परमेश्वर कही हए, “मए जा साबित करंगो कि जौन, आदमीनको बिचारनके जा संसारके आदमी बुद्धिमान सम्झत हएं, बास्ताबमे बे बिचार मुरख हएं मए जा साबित करंगो, कि बास्ताबमे बे बिरकुल फिर बुद्धिमान नाए हएं।”

1 कोरिन्थी 1:31

काहेकी ख्रीष्ट हमर सब कुछ हए, उइसीयए करओ जैसे पबित्र-शास्त्र कहात हए, “घमण्ड करन बारे आदमी बहेमे इकल्लो घमण्ड करएं, जो प्रभु करीहए।”

1 कोरिन्थी 13:4

जो आदमी दुस्रेनसे प्रेम करत हएं, बे धर्य पुर्बक और दयाके साथ काम करत हए, उनके गुस्सा नाए लागतहए, और बे घमण्ड नाए करत हएं और उनके गर्व नाए होतहए।

1 कोरिन्थी 3:19

काहेकी बो बात जो जा संसारके आदमी समझत हएं, कि ज्ञानवान हएं। पर जा ज्ञान परमेश्वरके अग्गु मुरखता हए, जा उइसीयए हए जैसे पबित्र-शास्त्र कहात हए, “कुछ आदमी सोँचत हएं, कि बे ज्ञानवान हएं, पर परमेश्वर उनको अपनो चतुर योजनन्के इस्तमाल उनके हरानके ताहीं करत हए।”

1 कोरिन्थी 3:21

जहेमारे एक खास आदमी अगुवाके आज्ञापालन करनके बारेमे घमण्ड करन बन्द करओ, काहेकी परमेश्वर तुमके सब कुछ तुमरी भलाइके ताहीं दइ हए।

1 कोरिन्थी 5:2

तुमके जाके बारेमे दुखए-दुखसे भरजानके रहए और बो आदमी जो बो करी, बोके मण्डलीसे निकार देन रहए, लेकिन जाको बदला तुम घमण्ड महसुस करत हओ।

1 कोरिन्थी 5:6

घमण्ड करन बन्द करओ; का तुम नाए जानत हओ, कि थोडी खमिर पुरो मणो भओ चुनके फुलाए देतहए। उइसीयए, अगर एक आदमीके पाप करनके अनुमति दओ जातहए, तओ जल्दीए सब बहे काम करनके ताहीं लोभ करत हएं।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

1 कोरिन्थी 9:23

और मए सब कुछ ख्रीष्टके बारेमे अच्छो समाचारके परचार करनके ताहीं करत हओं, ताकी मोके अच्छो समाचारमे प्रतिज्ञा करेगए आशिषको हिस्सा दओजाए सकए।

2 कोरिन्थी 10:12

अपनी तारिफ अपनए करन बारे कोइ-कोइ आदमी सँग हम अपनएके एकए दर्जामे धरन नाए चाँहत हएं, और अपनएके बिनके सँग जाँचन हम सहास नाए करत हएं। पर बे अपनए-अपनएके एक-दुस्रे सँग नापके देखत पेती और जाँचत पेती बे मुरख बन्जात हएं।

2 कोरिन्थी 10:15

हम सिमा नाँघके दुस्रेनको मेहेनतमे गर्ब नाए करत हएं, पर हमर आसरा जा हए, कि तुमर बिश्वास बढतए जात पेती तुमर बीचमे हमर काम और जद्धा बढतए जाबैगो।

2 कोरिन्थी 10:7

तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।

2 कोरिन्थी 11:4

कोइ आएके, तुम हमर द्वारा परचार करोभओ येशू बाहेक और दुस्रो येशूके परचार करे कहेसे, वा तुम पाए भए आत्मा बाहेक और दुस्रो आत्मा ग्रहण करे कहेसे, वा तुम उत्सहापूर्वक पाए भए अच्छो समाचार बाहेक और दुस्रो कोइ अच्छो समाचार ग्रहण करे कहेसे, तुम बो शिक्षा ग्रहण करके गल्ती करैगे।

2 कोरिन्थी 12:19

का तुम जा सोँच रहेहओ, कि यित्तो समय तक तुमर अग्गु हम अपनुवए सफाइ दइ रहे हएं? प्रिय हो, हम परमेश्वरको उपस्थितिमे रोजए सच्चो रुपसे ख्रीष्टद्वारा परचार करत हएं और जे सब तुमके बिश्वासमे मजबुत बनानके ताहीं हए।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

2 कोरिन्थी 12:6

अगर मए गर्ब करन इच्छा करंगो कहेस फिर मए मुरख नाए बनंगो, काहेकी मए सच्चो बात मसक रहो हओं। पर आदमी मोएमे देखो भओ और मोसे सुनो भओसे जद्धा कोइ मोके नाए मानए कहिके मए जा घमण्ड करनसे बचत हओं।

2 कोरिन्थी 4:15

काहेकी हम जो सहे हएं, जे सब दुख तुम्रिए ताहीं भए हएं। ताकी जैसे बहुतसे-बहुत आदमी पता पामएं, कि परमेश्वरको अनुग्रह कित्नो महान हए, उइसीयए परमेश्वरको महिमाके ताहीं बहुत आदमी बाके धन्यबाद दइ पामएं।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

1 थेसलोनिकी 1:5

काहेकी हमर येशू ख्रीष्टके बारेमे सच्चो अच्छो समाचार तुमर ठिन केबल बोलिमे नाए आओ, पर पबित्र आत्माके शक्तिसे पुरा रुपमे पक्का हुइके आओ हए। तुमके पता भओ हए, कि जब हम तुमर सँग रहएं तओ हमर जीबन कैसो रहए।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।