1 कोरिन्थी 15:56 - राना थारु नयाँ नियम

⁵⁶ मानब जातिको पापके कारण मरन होबैगो। और मानब जातिको पापको शक्ति मोशाको नियम कानुन होबैगो।

परमेस्वर को सच्चो वचन

⁵⁶ मौत को डंक पाप है; और पाप को सामर्थ्य नियम है।

1 कोरिन्थी 15:56 Σταυροειδείς Αναφορές

यूहन्ना 8:21

येशू फिर यहूदी अगुवनसे कही, “मए हियाँसे चलो जामंगो, और तुम मोके ढुणैगे, और लगातार पाप करनके कारणसे तुम मरजाबैगे काहेकी मए जान बारो ठाउँमे तुम नाए आए पएहओ।”

यूहन्ना 8:24

जहेमारे मए तुमसे कहात हओं, कि ‘तुम लगातार पाप करनसे तुम मरजाबैगे,’ काहेकी अगर तुम ‘मए जो हओं बहे हओं’ कहिके बिश्वास नाए करैगे तओ तुम मरजाबैगे, और तुमर पाप क्षमा नाए करोजाबैगो।”

रोमियों 4:15

नियम कानुन पुरा रुपमे नाए मानन बारेनके उपर परमेश्वरको क्रोध आतहए और जहाँ नियम कानुन नैयाँ हुवाँ नियम कानुनको कोइ उलंघन फिर नाए होत हए।

रोमियों 5:15

पर आदमको पाप बो बरदान कता नाए हए जो परमेश्वर हमके अपने अनुग्रहसे देतहए। काहेकी एक आदमीको पाप बहुत आदमीनके ताहीं मृत्यु लैके आओ। पर परमेश्वरको अनुग्रह और धार्मिकताको बरदान जो बा हमके दइ हए, बोको मोल बहुत हए और बहुत आदमी जाके अनुभब करी हएं। और येशू ख्रीष्ट एक आदमीके रुपमे अपनो अनुग्रहसे जो करी, बा जाके सम्भब करी।

रोमियों 5:17

एक आदमीको अपराधके कारण सब आदमीमे मृत्यु आओ, तओ जो आदमी अनुग्रह और धार्मिकताको बरदान बहुत जद्धा पातहएं, बे एक आदमीके अर्थात् येशू ख्रीष्टके द्वारा नेहात्तओ कभी फिर नाश नाए होन बारो जीबन पामंगे और येशू ख्रीष्टके सँग राज्य करंगे काहेकी बे बामे बिश्वास करत हएं।

रोमियों 5:20

मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

हिब्रू 9:27

हर आदमीनके एक चोटी मरनए पणैगो। और मरके पिच्छु परमेश्वर हर आदमीनको न्याय करैगो।