1 कोरिन्थी 11:19 - राना थारु नयाँ नियम

¹⁹ का तुमके लगत हए, कि बिभाजनके माध्यमसे दुस्रेनके पता चल जाबैगो, कि तुम मैसे कोइके ठिन परमेश्वरको उपस्थिति हए? नाए, बिरकुल नाए हए।

परमेस्वर को सच्चो वचन

¹⁹ काहैकि जौ बात सच्ची है कि तुमरे बीच मैं बटबारो होनो जरूरी है कि बे, जो परमेस्वर मैं खरे निकरे हैं, उजीतो मैं आए जामैं।

1 कोरिन्थी 11:19 Σταυροειδείς Αναφορές

मत्ती 18:7

धिक्कार हए जा दुनियाके! काहेकी जा दुनियामे त आदमीनके पापमे फसान बारी बातहएं। अइसे बात आइयए जात हएं, पर धिक्कार हए बो आदमीके जौन अपनएके पापमे फसात हए।

लूका 17:1

येशू अपन चेलनसे कही, “पाप करनके लगान बारो परीक्षा त नेहात्तओ आतहए। पर धिक्कार, बो आदमीके, जौन आदमीके कारणसे पाप करन लगान बारो परीक्षा आत हए!

लूका 2:35

बे अपनो बिचार प्रकट करंगे और तरबार कता बडो दु:खसे तुमर अपनो ह्रदय फिर छिदैगो।”

प्रेरित 15:5

पर बारनाबास और पावलकी बात सुनके प्रभुमे बिश्वास करेभए कुछ फरिसीनको समुह अइसे कहीं, “गैर-यहूदीसे आन बारे चेलनके, यहूदी रिति अनुसार खतना करन पणेहए और उनके मोशाको दओ भओ नियम कानुन पुरा पालन करन पणहए।”

प्रेरित 20:30

हियाँतककी तुमर अपने बिश्वासी समुह मैसे भणकान बारी बात मस्कन बारे आदमी आमंगे। और बे चेलनके अपने पिच्छु लैजामंगे।

प्रेरित 24:14

पर जा मए तुमर अग्गु स्वीकार करत हओं, कि मए ख्रीष्टके डगरमे नेँगके मिर पुर्खाको परमेश्वरको आराधना करत हओं, जौनके यहूदी अगुवा झुठो कहातहएं। पर मए नियम कानुनमे भओ बात और अगमबक्तनको किताबमे लिखेभए सब बातमे बिश्वास करत हओं।

प्रेरित 24:5

काहेकी हम जा आदमीके इतएउतए दुख देत नेँगत, संसार भरके सारा यहूदीनके बीचमे हुलदङ्गा मचात और नासरत गाउँको धार्मिक सम्प्रदायको मुख्य अगुवाके रुपमे पाए हएं।

प्रेरित 26:5

लम्बो समयसे उनके पता भइ बात हए, कि हमर धर्मको सबनसे कट्टर दल अन्तर्गत मए एक फरिसी हुइके छोटुवएसे जीबन बिताओ हओं। बे चाहंगे कहेसे जा बातको गवाही दए सकत हएं।

प्रेरित 28:22

पर तिर बिचार का हए, बहे हम तोसे सुनन चाँहत हएं। काहेकी हम जानत हएं, कि हरेक ठाउँमे जा ख्रीष्टियन समुहके बिरोधमे आदमी बात करत हएं।”

प्रेरित 5:17

प्रधान यहूदी पुजारी और बिनके सँग होन बारे सब, जो सदुकीनको समुह पन्थीके रहएं, चुनेभए चेलनसे गुस्सा होन लागे। तभीमारे बे उनके बिरुद्धमे काम करनको निर्णय लइं।

1 कोरिन्थी 11:20

जब तुम हमरे प्रभु ख्रीष्टको मृत्युके याद करनके ताहीं एक ठिहामे इकट्ठा हुइके खात हओ, जा प्रभुभोज नाए हए; जा तुमर अपनो स्वार्थ व्यक्तिगत भोजन हए।

2 कोरिन्थी 12:20

काहेकी मोके डर हए, कहुँ अइसो नाए होए, कि मए आएके जैसो चाँहत हओं, उइसो तुमके नाए पामओं। और मोके फिर जैसो तुम नाए चाँहत हओ उइसीयए पाबओ। मोके डर हए, कि तुममे लडाइ, डाह, क्रोध, स्वार्थ, बिजरो, चुग्ली, घमण्ड और गोलमाल हुइ सकत हए।

गलातियों 5:20

बे मूर्तिपुजा पुजत हएं, जादु-टोना करत हएं, अपने सँगीसे घृणा करत हएं, एक-दुस्रेसे लडाइ करत हएं, बे बेहीं चीजके पान इच्छा करत हएं जो दुस्रे आदमीनके ठिन हए। बे जल्दी गुस्साए जात हएं, अपने डगर निकारनके ताहीं दुस्रे आदमीनके तरे गिरात हएं, बे उइसे आदमीनके अस्वीकार करदेत हएं जोसे बे असहमत हएं, और सिर्फ उइसे आदमीनके सँग लगत हएं जोसे बे सहमत हएं।

तीतुस 3:10

अगर कोइ अइसो आदमी हए, जो बिश्वासीनके बीच फुट पैदा करत हए, तओ बोसे गम्भीरतासे बात कर, और बोसे अइसो ब्यबहार करन छोडनके कहो। अगर बो छोडनसे नाए मानैगो, तओ बोके फिरसे चेतावनी दे। जाके पिच्छु, अगर बो फिरसे नाए छोडन मानैगो कहेसे तोके अइसे आदमीके छोडदेन चाहो।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।