1 कोरिन्थी 1:5 - राना थारु नयाँ नियम

⁵ काहेकी हर बातमे तुम बहुत आशिष पाएहओ, काहेकी तुम ख्रीष्ट सँग एकजुटमे हओ। बो जा हए, कि बा तुमके अप्नो बचन मस्कनके और बुझनके सब किसिमको खास क्षमता दइ हए।

परमेस्वर को सच्चो वचन

⁵ कि बामै हुईकै तुम सबै बातन मैं मतलब सबै बचन और सबै ग्यान मैं सेठ करे गै।

1 कोरिन्थी 1:5 Σταυροειδείς Αναφορές

प्रेरित 2:4

तओ बे सब पबित्र आत्मासे भरीगए, और जौन बरदान पबित्र आत्मा बिनके दइ, बो अनुसार बे फरक-फरक भाषा मस्कन लागे।

रोमियों 11:12

अगर उनको अपराध संसारके आदमीनको अनाज्ञाकरिता गैर-यहूदीनके ताहीं बडो आशिर्बादको कारण बनत हए, कहेसे बे पुरा रुपमे सामिल होन झन कित्नी अर्थपूर्ण बात हुइहए!

रोमियों 15:14

हे मेरे बिश्वासी ददाभइया, मए अपनए फिर तुमर बारेमे नेहात्तओ जानत हओं, कि तुम अपनए भलाइसे भरे और तुम पुरा रुपसे जानत हओ, कि तुमके का करन चाहो और एकदुस्रेनके सिखाए सकत हओ।

रोमियों 15:4

जित्नो बात पबित्र-शास्त्रमे पहिलीयएसे लिखेहएं, बे हम्रीए शिक्षाके ताहीं लिखेगए हएं, ताकी हम पबित्र-शास्त्रसे पान बारो धिरज और हौसलासे हमरमे आसरा होबए।

1 कोरिन्थी 12:10

आत्मा, एक आदमीके चमत्कारको काम करनके शक्ति देतहए; दुस्रेके परमेश्वरको सन्देश मस्कनको बरदान; और कोइ दुस्रे जनैके पबित्र आत्मा ठिनसे आओ भओ और शैतानके ठिनसे आओ भओ बरदानके बारेमे फरक छुट्टयानको क्षमता देत हए। कोइ एक आदमीके फरक-फरक भाषनमे बात करनको बरदान देतहए जौन भाषाके बारेमे बे कभु अध्यान नाए करी हएं; बहे पबित्र आत्मा कोइ दुस्रे जनैनके फरक-फरक भाषामे बोलो भओ भाषक मतलब बतानको क्षमता देत हए। जौन भाषाके बारेमे बे कभु अध्यान नाए करी हएं।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

1 कोरिन्थी 13:8

बो समय आबैगो जब आदमी परमेश्वरको सन्देशके फरक-फरक भाषामे परचार नाए करंगे, और परमेश्वरके बारेमे गहिरो ज्ञानको जरुरत नाए होइगो, पर प्रेम हमेसाके ताहीं बनो रहाबैगो।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

1 कोरिन्थी 8:11

जहे रितिसे तुमर ज्ञानके कारण जौन बिश्वासीको बिश्वास कमजोर हए बो ख्रीष्टमे बिश्वास करन बन्द करदेबैगो, जोके ताहीं ख्रीष्ट येशू अपनो प्राण दइ।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

2 कोरिन्थी 6:10

हमके बहुत दुख होएसे फिर रोज खुसी हएं। हम गरीब होएसे फिर बहुतनके आत्मिक धनी बनात हएं। कुछु नाए होएसे फिर हमर ठिन सब कुछ हए।

2 कोरिन्थी 8:7

पर जैसी सब बातमे तुम बढके गए हओ, अर्थात् बिश्वासमे, परचार करन या शिक्षा देनमे, ज्ञानमे, सबए जोसमे और हमर घेनको तुमर प्रेममे, उइसीयए गरीब बिश्वासीनके दान देनो जा काममे फिर बढतए जाओ।

2 कोरिन्थी 9:11

तुम सबए तरिकासे आशिषित होबैगे, और जहेमारे तुम रोजए खुल्ला मनसे देन सक्षम हओ। जब हम आवश्यकतामे पणेभए आदमीनके तुमर खुल्ला मनसे दओ भओ दान देमंगे, तओ बे परमेश्वरके धन्यबाद देमंगे।

इफिसियों 1:17

मए प्राथना करत हओं कि परमेश्वर, हमर प्रभु येशू ख्रीष्टको महिमामय दौवा, तुमके आत्मिक ज्ञान और समझ देबैगो और बोके औ जद्धा रुपसे चिन्हन्मे मदत करैगो, कि परमेश्वरके चिन्हन्को का अर्थ हए।

इफिसियों 2:7

परमेश्वर अइसो जाकेमारे करी ताकी आन बारो दिनन्मे बा संसारके आदमीनके दिखाए पाबए कि बाको अनुग्रह कित्नो महान हए। जो कुछ बा हमर ताहीं करीहए हमके जा अनुग्रह दिखाओगओ हए जो येशू ख्रीष्टके सँग एकतामे हएं।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

इफिसियों 6:19

और मेरे ताहीं फिर प्राथना करके परमेश्वरसे कहियओ, कि बा मोके मस्कनके ताहीं सही शब्द देबए ताकी मए बिना डरको अच्छो समाचारके बारेमे जो सब आदमीनके ताहीं हए, बोको रहस्य परचार करपामओं।

फिलिप्पी 1:9

और मए जा प्राथना करत हओं, कि ज्ञान और बिबेकसँग तुम एक-दुस्रे प्रति तुमर प्रेम बढतए जाए।

कलस्सी 2:3

बहे हए, जो परमेश्वरको बुद्धि और ज्ञान जानत हए, जो लुकाओ भओ सम्पति जैसो हए।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

याकूब 3:13

तुम मैसे बुद्धिमान और समझदार कौन हए? अगर तुम हओ कहेसे, तुम अपनो असल चालचलनसे और बुद्धिसे आन बारो नम्रताको काम करके दिखान पणो।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।