Tito 1:9 - Tachi Ak'õre Pedea

⁹ Chi piarã pedea ichiá jarateadada minachia ĩjãa bai bɨma. Mãɨya ichia piarã pedea jĩp'a jaratea bɨdepa ẽpẽrarã p'ue k'aripaipɨ pia ĩjãanamẽrá, mãɨnepa chi piarã pedea piawẽa bɨade apataɨrã́ p'ue k'awapiipɨ ãchia piawẽa k'ɨ̃risia p'anɨ.

Tito 1:9 Σταυροειδείς Αναφορές

Hecho 18:28

Ichia jaratea bɨde judiorãpa seaade autacha ãareaɨrã k'ĩrari pia k'awapipachima ãchia Jesú k'orea piawẽa k'ɨ̃risia p'anɨt'a. Tachi Ak'õre pedeadepa minachia k'awapipachima Jesú piarã Tachi Ak'õrepa Tachi K'aripaparí teai jaradat'a.

1 Corintio 14:24

Maamina jõmãɨrã Tachi Ak'õre pari pedeadaipɨra, mãɨne Jesude ĩjãawẽa bɨ wa Tachi Ak'õre pedea ũri k'ɨ̃ria bɨ eda wãsira mãrapa jara p'anɨ ũri bɨdepa ichi nemietá ooparí k'awaipɨ mãɨnepa Tachi Ak'õre k'ĩrari nepɨra pará bɨ k'awaipɨ.

1 Tesalonicense 5:21

Jõma mãɨ jĩrak'aua ũrit'ɨ, maapae aba chi piadepuru ĩjãat'ɨ.

2 Tesalonicense 2:15

Mãɨpuru ũpẽarã, chaarea p'anat'ɨ. Taipa jarateadada mãɨnepa k'art'ade bɨdada k'ɨ̃risia atuarãt'ɨ.

1 Timoteo 1:10

chi k'ima awaraɨ ome k'ãipataɨrã k'orea, chi ara ãchi abarik'aɨrã ome k'ĩra p'era oopataɨ k'orea, chi ẽpẽrarã jitadak'ari netopataɨrã k'orea, chi seajarapataɨrã k'orea, chi nepɨra ak'ɨparí k'ĩrari seajarapataɨrã k'orea mãɨnepa chi piarã pedea jara bɨt'a oodak'aɨrã k'orea.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

1 Timoteo 4:9

Mãɨ pedea piarãpɨ. Jõmãɨrãpa mãɨ ĩjãanai p'anɨma.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

2 Timoteo 1:13

Mɨa jĩp'a jaratea bada jĩra jaratea base. Jesucristode ĩjãa bɨdepa, waapẽarã k'ɨ̃rianepa nipase.

2 Timoteo 2:2

Mɨa ẽpẽrarã chok'ará k'ĩrari jaratea badat'a pɨa ũrisima. Ara mãɨ jaratea bada pɨa pida waapẽarã ũpẽarã juade bɨese. Waapẽarãpa ãchidepuru ĩjãanai p'anɨma mãɨnepa p'ue pia jarateadai p'anɨma waapẽarã́ jarateadamẽrá.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

2 Timoteo 3:14

Maamina pɨá jarateadada k'awada chi piarãt'a k'ɨ̃risia bɨ pẽra mãɨne nipase. Pɨa k'awa bɨma pɨá jarateadaadapa jĩp'a jarateasidaɨt'a.

2 Timoteo 4:3

Ewari parude ẽpẽrarãpa chi piarã pedea ũri k'ɨ̃rianawẽa p'ananaipɨ. Mãɨpari ãchia k'ɨ̃ria p'anɨnea wãnaipɨ. Mãɨpuru jarateapataɨrã chok'ará jɨrɨdaipɨ ãchia ũri k'ɨ̃ria p'anɨt'a jarateadamẽrá.

Tito 1:11

Ãchia jarateaiwẽa bɨ jaratea p'anɨnepa techa ẽpẽrarã́ piawẽa k'ɨ̃risiapipatama. Aba errearadeepuru jarateapatama. Mãɨrã́ jarateapirãse.

Tito 2:1

Maamina pɨa chi piarã pedea jĩp'a jaratea bai bɨma.

Juda 1:3

Ũpẽarã, mɨa nãɨ k'art'ade Tachi Ak'õrepa tachi k'aripada k'orea bɨ k'ɨ̃ria basima. Maamina ara nãɨena bɨruma mãra jĩrak'aua p'ananamẽrá. Ara machia ĩjãa p'anɨ k'orea wawá choa p'anat'ɨ. Tachi Ak'õrepa chi piarãpẽa pedea ichi ẽpẽrarã́ barimama teasima. Mãɨ ewariaba pida k'ĩra awara teaiwẽma.

Apocalipsi 2:25

Mãɨyawẽapuru choa p'anat'ɨ mɨne ĩjãa p'anɨnepa aba mɨ cherudea.

Apocalipsi 3:11

Mɨ tãaraawẽa bɨde cheipɨ. Mãɨpuru choa p'anat'ɨ mɨne ĩjãa p'anɨnepa. Mãɨya abaɨ pida mãra porode jũra jɨ̃parí ẽemariiwẽma.

Apocalipsi 3:3

Chi piarãpẽa pedea mãrapa ũrinana k'ɨ̃risia p'anat'ɨ. Mãɨne pia ĩjãat'ɨ. Nemietá itu bɨdak'ari Tachi Ak'õremá chet'ɨ. Mãra taujĩra p'ananaepɨra mɨ cheipɨ mãra ɨtɨai k'orea chi nechɨaparí atua nɨbɨde chepari jĩra.