Tito 1:8 - Tachi Ak'õre Pedea

⁸ Mãɨpari ichi tede cheutarã́ ãarea pia pedeai bɨma, nejõma nepia oo k'ɨ̃ria bai bɨma, k'ɨ̃risia piadepa bai bɨma, jĩp'a bai bɨma, Tachi Ak'õre pae bai bɨma, mãɨnepa ichia ichi k'ak'ua jĩp'a uru bai bɨma.

Tito 1:8 Σταυροειδείς Αναφορές

Luca 2:25

Mãɨ ewaride ẽpẽra Simeón apataɨ Jerusalene basima. Mãɨ Simeón jĩp'a basima mãɨnepa Tachi Ak'õrepa jara bɨ jĩra pia oopachima. Ichia nɨ basima Tachi Ak'õrepa Israel p'uuru sõpiapii ewarit'a. Tachi Ak'õre Jaore ichi ome basima.

Hecho 24:25

Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».

1 Tesalonicense 2:10

Mãrapa k'awa p'anɨma, Tachi Ak'õre pida k'awa bɨma tai mãra chi Cristode ĩjãapataɨrã t'ãena pia, jĩp'a mãɨnepa nepɨra pará bɨade adawẽa nipasidama.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

1 Timoteo 4:12

Pɨ k'ũtã́ bɨmina abaɨa itu k'aepe bɨ jĩra k'ɨ̃risiapirãse. Mãɨpari pɨa pedearudepa, ne oo bɨdepa, awaraɨrã piarã k'ɨ̃ria bɨdepa, k'ĩra jĩp'a bɨdepa mãɨnepa Cristode ĩjãa bɨdepa ũpẽarã́ unupise sãmaasã́ p'ananai p'anɨt'a.

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

2 Timoteo 3:3

Waapẽarã k'ɨ̃rianak'á p'ananaipɨ, k'ĩra chupuriadak'á p'ananaipɨ, waapẽarã ẽk'arra ãpɨte pedea k'achia jara p'ananaipɨ, nemietá oodai k'orea p'ue itu bɨdak'á p'ananaipɨ, ãnimara jĩra k'ĩruu p'ananaipɨ, mãɨnepa nejõma pia be itu bɨdaipɨ.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.