Romano 2:11 - Tachi Ak'õre Pedea

¹¹ Tachi Ak'õrepa ẽpẽrarã ãarea abarik'a nepɨra ak'ɨipɨ.

Romano 2:11 Σταυροειδείς Αναφορές

Hecho 10:34

Mãɨne Pedropa jarasima: —Naapae mɨa k'awa bɨma chi Tachi Ak'õrepa abaɨ chi waapẽarã k'aepẽra atepe k'ɨ̃riak'at'a.

Gálata 2:6

Chi atepe k'awa p'anɨane apataɨ ũpẽarãpa k'ɨ̃risia awara jaradaé pasima mɨa jarateamẽrá. Mãɨpari k'awasidama Tachi Ak'õrepa mɨ peesit'a, chi pedea pia Cristo k'orea judiorãwẽmá jarateamẽrá Pedro judiorãmá peeda jĩra. (Ãchi chi atepe k'awa p'anɨane apatamina mɨa mãɨ minachia k'ɨ̃risiak'ama, Tachi Ak'õrepa tachi k'ĩra awara unuk'a pẽra).

Colosense 3:25

Maamina chi piawẽa oo bɨ Tachi Ak'õrepa ɨtɨaipɨ. Ichia jõmãɨrã abarik'a ɨtɨaparima.

Ep'esio 6:9

Ara mãɨya mãra chi chiparirã pida, chi mãra pae pari mimiapataɨrã pia oot'ɨ. Ãchi ɨtɨadayade arãt'ɨ. K'ɨ̃risiat'ɨ chi ãchi pajãnepema Chiparit'a ichiaba ara mãra Chiparipɨ. Ichia jõmãɨrã abarik'a ak'ɨparima.

Mateo 22:16

Mãɨ k'orea p'ariseorãpa ãchi ome p'ɨrrɨapataɨrã mãɨnepa Herode lawari p'anɨrã Jesumá peesidama. Mãɨrãpa Jesua jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽrarã ãarea abarik'a unupariideepuru. Mãɨpari Tachi Ak'õre o k'orea piarã jarateaparima.

Luca 20:21

Jesua nãɨya idisidama: —Jarateaparí, taipa k'awa p'anɨma pɨa piarã jarateaparit'a. Pɨa ẽpẽrarã ãarea abarik'a unuparima, mãɨnepa Tachi Ak'õre o k'orea ãareaɨrã́ piarã jarateaparima.

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

Romano 9:14

¿Mãɨnepema sãmaasã́ k'ɨ̃risia p'anɨma? ¿Tachi Ak'õrepa jĩp'a ook'a k'ɨ̃risia p'anɨk'ãra? ¡Mãɨyawẽma!