Romano 11:16 - Tachi Ak'õre Pedea

¹⁶ Trigo naa chauutade p'ana ook'oadak'ari mãɨ p'ananepema Tachi Ak'õrea aba teadaipɨra chi waapẽarã p'ana sida Tachi Ak'õrenepɨ. Mãɨnepa pak'uru k'arra pia bɨpɨra, chi pak'uru jua sida pia p'anɨma.

Romano 11:16 Σταυροειδείς Αναφορές

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Romano 11:17

Chi eda waapẽarã judiorã Tachi Ak'õre awara p'aneesidama olivo pak'uru jua t'ɨat'upataɨ jĩra. Mãra judiorãwẽ Tachi Ak'õre newẽa p'anasidama olivo pak'uru chi ichi tuaba mẽa warida jĩra. Maamina mãra Tachi Ak'õrene ẽpẽrarã p'aneesidama, pak'uru jua chi t'ɨat'udade ara mãɨ juade wãa nɨbɨda jĩra. Mãɨya naapae Tachi Ak'õrepa mãra sida k'aripa bɨma judiorã k'aripa bada jĩra.

Apocalipsi 14:4

Mãɨrã ẽpẽerã waidi wẽra oodak'a pasima. Tachi Ak'õremá mãɨrã ãpia pida nemietá newẽa p'anasima. Ãchia chi Oveja Chak'e ichi wãrumá ichi ome wãpatama. Tachi Ak'õrepa ãchi nãɨ ĩjũanepema k'aripasima, ichi pae mãɨnepa chi Oveja Chak'e pae p'ananamẽrá mãɨ chi ne uuda naa chauda ichiá teapata jĩra.

1 Corintio 7:14

Mãɨ Jesude ĩjãawẽa bɨ ɨmɨk'ĩra Tachi Ak'õre pae beesima, ichi k'imapa ĩjãa bɨ pẽra. Ara mãɨ jĩra chi Jesude ĩjãawẽa bɨ wẽra Tachi Ak'õre pae beesima ichi k'imapa ĩjãa bɨ pẽra. Mãɨyawẽpara mãra warrarã Tachi Ak'õre pae p'ananaiwẽ pasima. Chi ak'õre mãɨnepa chi nae Tachi Ak'õre pae p'anɨ pẽra ãchi sida Tachi Ak'õre pae p'anɨma.

Romano 8:23

Mãɨnepa tachia pida p'ua bɨdepa isapea chepii nɨ p'anɨma, Tachi Ak'õrepa tachi k'ak'ua pia bɨmẽrá. Ichi warrarã atarude mãɨya ooipɨ. Ichi Jaore tachiá naa teasima ichi warrarã piarã k'awadamẽrá.