P'ilipense 4:12 - Tachi Ak'õre Pedea

¹² Nenea bɨde mãɨnepa ne minachia uru bɨde, sãmaasã́ bai k'awa bɨma. Mɨa k'awasima parituade sãmaasã́ ne k'ɨ̃risiawẽa bait'a, ne jãwaa bɨde mãɨnepa jarra bɨde; ne minachia uru bɨde mãɨnepa newẽa bɨde.

P'ilipense 4:12 Σταυροειδείς Αναφορές

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 11:9

Mɨ mãramá baside nejõma uru badawẽmina mãrá idié pasima. Mãɨpari mɨa wẽa bada ũpẽarã Macedonianepema chedaadarãpa ãarea teasidama. Mɨa mi ãpia pida mãrá idié pasima mãɨnepa idiwẽa baipɨ.

2 Corintio 11:7

Mɨa chi pedea pia Tachi Ak'õre k'orea mãrá pari jarateada pẽra mɨ mãra k'ĩrari ãpia jĩra beesima Tachi Ak'õre ome pia p'ananamẽrá. ¿Mãɨyara nemietá oosik'ãra?

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

Mateo 13:52

Mãɨne Jesupa jarasima: —Pajãne Bɨpa ichidirã ichi juade ua bɨ k'orea Moisepa bɨda jarateaparipa k'awasira te chipari jĩra bɨma. Ichia yaa uru bɨdepema nepia chiwidi mãɨnepa chi chõarãenapema ak'ɨpiparima.