P'ilipense 2:5 - Tachi Ak'õre Pedea

⁵ Jesucristopa k'ɨ̃risia bada jĩra k'ɨ̃risiat'ɨ:

P'ilipense 2:5 Σταυροειδείς Αναφορές

Mateo 11:29

Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Luca 22:27

Ẽpẽrarãmá ¿k'ai chi atepe bɨ: chik'o k'opataɨde suak'abari bɨ nek'oyá mãɨyawẽpɨra chi chik'o jedaparí? ¿Chi chik'o k'opataɨde suak'abari bɨ chi atepe bɨwẽk'ãra? Mãɨt'u, mɨ chi atepe bɨmina nãma mãra t'ãena machi pae pari mimiaparí jĩra bɨma.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Romano 14:15

Mãɨpuru pɨa k'o bɨdepa pɨ ũpẽa ichi sõpiawẽa beepiipɨra, pɨa ichi k'ɨ̃riawẽma. Pɨa k'o bɨdepa pɨ ũpẽa sõk'achiapirãse Cristo ichi k'orea piuda pẽra.

Romano 15:3

Piarã Cristo pida ara ichia k'ɨ̃ria bɨt'a ooé pasima, mãɨpari Tachi Ak'õre pedeade bɨ bɨ jĩra mãɨyasima. Nãɨya bɨ bɨma: «Tachi Ak'õre, ãchia pɨ k'orea k'achia pedeasidaɨde mɨ k'orea pida k'achia pedeasidama».

Romano 15:5

Mɨa k'ɨ̃ria bɨma ara mãɨ tachi sõpiapiparí mãɨnepa choapiparí Tachi Ak'õrepa mãra k'aripa bait'a, abarik'a k'ɨ̃risiadamẽrá Jesucristopa k'ɨ̃ria bɨ jĩra.

1 Corintio 10:33

Ara mãɨ jĩra mɨa oo bɨdepa jõmãɨrã́ pia k'ɨ̃risiapi k'ɨ̃ria bɨma. Mɨt'a pia bai k'oreapuru jɨrɨk'ama, mãɨpari ẽpẽrarã chok'ará pia p'ananamẽrá jɨrɨparima. Mãɨya mɨa oo bɨdepa ãchia Cristode ĩjãanaipɨ Tachi Ak'õrepa k'aripamẽrá.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

1 Pedro 2:21

Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.

1 Pedro 4:1

Cristo nãɨ k'ak'uade minachia mĩana pẽra mãra pida abarik'a k'ɨ̃risia uru p'anat'ɨ. Chi ẽpẽra ichi k'ak'uade minachia mĩa badapa nemietá itu bɨsima.