Marco 8:21 - Tachi Ak'õre Pedea

²¹ Maapae Jesupa ãchiá idisima: —¿K'ãre k'orea mãrapa waidi ũrinawẽa p'anɨma?

Marco 8:21 Σταυροειδείς Αναφορές

Marco 6:52

ãchi sõ chaarea p'anana pẽra mãɨnepa chi Jesupa p'ana ãpia bɨdepa ẽpẽerã chok'ará nek'opida k'orea k'awadawẽa p'anasidama.

Marco 8:12

Jesú ɨbɨa ɨ̃apaak'ari jarasima: —Mãra idiapaepemarã ẽpẽerãpa ¿k'ãre k'orea ẽpẽerãpa ne p'ue oodak'apɨ́ unu k'ɨ̃ria p'anɨma, mɨ Tachi Ak'õrenepa cherut'a k'awadayá? Mɨa piarã jararuma: mɨa ẽpẽerãpa ne p'ue oodak'apɨ́ ooiwẽma.

Marco 8:17

Jesupa mãɨ k'awaside jarasima: —¿K'ãre k'orea p'ana newẽane a p'anɨma? ¿Mɨa ooda mãrapa unusidamina wapida k'awadawẽk'ãra? ¿Wapida atua p'anɨk'ãra mɨ k'ait'a?

Marco 8:22

Betsaida p'uurude chesidaɨde waapẽarãpa ẽpẽra tau p'ãrio bɨ Jesumá ateewãnak'ari chichupuria idisidama t'õmarik'ari ya jɨpamẽrá.

Marco 9:19

Jesupa jarasima: —¡Ẽpẽerã ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Juan 14:9

Mãɨpuru Jesupa jarasima: —P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma?

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

1 Corintio 6:5

Mɨa mãɨ jara bɨma mãra p'eradamẽrá. ¿Mãra t'ãena k'ɨ̃risia k'awa bɨ aba pida newẽk'ãra ũpẽarã nepɨrade p'anɨrã́ pia pedeapii k'orea?