Marco 6:41 - Tachi Ak'õre Pedea

⁴¹ Jesupa p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Beta ume p'anɨ sida teasima jedadamẽrá.

Marco 6:41 Σταυροειδείς Αναφορές

Mateo 14:19

Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá.

Mateo 15:36

Mãɨ p'ana siete bada mãɨnepa beta ichi juade atak'ari Tachi Ak'õrea sõpia bɨade asima. Mãɨyak'ari beta mãɨnepa p'ana t'oet'aak'ari ichi ome p'ɨrrɨapataɨrã́ teasima jedadamẽrá. Maapae jedasidama.

Mateo 26:26

Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ichi ome p'ɨrrɨapataɨrã́ tearude jarasima: —Jitat'ɨ. K'ot'ɨ. Nãɨ mɨ k'ak'uapɨ.

Marco 14:22

Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ãchiá tearude nãɨya jarasima: —Jitat'ɨ. Nãɨ mɨ k'ak'uapɨ.

Marco 6:40

Ara mãɨne chi eda waapẽarã cicienea mãɨnepa cicicuentá ãchi k'ak'awá posoa suak'abari p'aneesidama.

Marco 6:42

Maapae ãareaɨrã nek'odak'ari jãwaasidama.

Marco 7:34

Maapae pajãnea ak'ɨk'ari ɨbɨa ɨ̃apaak'ari arameo pedeade jarasima: «¡Ep'atá!» Mãɨ pedea jara k'ɨ̃ria bɨma «Ewase».

Marco 8:19

Mɨa chi p'ana joesoma bɨdepa ẽpẽerã joesoma mil p'anɨa nek'opiside ¿jabara k'ak'o jõmasã́ mãrapa chi pichoada jɨrɨp'esidama? Ãchia p'anoosidama: —Doce.

Luca 24:30

Nek'outade Jesupa p'ana atak'ari Tachi Ak'õrea pia jarasima. T'oet'aak'ari ãchiá teasima.

Luca 9:16

Jesupa p'ana joesoma p'anɨ mãɨnepa beta ume p'anɨ ichi juade jitak'ari pajãnea ak'ɨk'ari Tachi Ak'õrea sõpia bɨade asima. Maapae t'oet'aak'ari ichi ome p'ɨrrɨapataɨrã́ jarasima jedadamẽrá.

Juan 11:41

Mãɨya bɨde ẽpẽerãpa mawara ãyá bɨsidama. Maapae Jesupa ɨt'aa ak'ɨk'ari jarasima: —Ak'õre, mɨa pɨá pia jaraipɨ mɨa idida ũrina pẽra.

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Juan 6:11

Jesupa p'ana juade jitak'ari Tachi Ak'õrea sõpia bɨade asima. Maapae ichi ome p'ɨrrɨapataɨrã́ jarasima ẽpẽerã́ jedadamẽrá. Betadeepida ara mãɨya oosima ãareaɨrãpa ãchia k'ɨ̃riautat'a k'odamẽrá.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.

Hecho 27:35

Mãɨya jarak'ari Pablopa p'ana juade atak'ari ãareaɨrã k'ĩrari Tachi Ak'õrea sõpia bɨade asima. Maapae p'ana t'oet'aak'oak'ari k'osima.

Romano 14:6

Chi mimianak'apɨ́ ewari ak'ɨ bɨpa Tachi Chipari pae mãɨya oo bɨma. Chi nejõma k'oparipa mãɨya k'oparima Tachi Chipari wap'ea bɨ pẽra. Mãɨ k'orea nek'orude ichia Tachi Ak'õrea sõpia bɨade aparima. Mãɨnepa chi nejõma k'ok'apɨɨpa mãɨya k'ok'ama Tachi Chipari wap'ea bɨ pẽra. Mãɨ k'orea nek'orude ichia pida Tachi Ak'õrea sõpia bɨade aparima.

1 Corintio 10:31

Maamina mɨa jararuma: mãra nek'o p'anɨne, neto p'anɨne wa ne oo p'anɨne jõma oot'ɨ ẽpẽrarãpa Tachi Ak'õre k'orea pia jaradamẽrá.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.