Marco 16:1 - Tachi Ak'õre Pedea

¹ Mimianak'apɨ́ ewari jõk'ari María Magdalenapa, Santiago nae Mariapa mãɨnepa Salomepa k'era atasidama Jesú k'ak'ua p'ɨrɨdai k'orea.

Marco 16:1 Σταυροειδείς Αναφορές

Marco 14:3

Mãɨ ewaride Jesú Betania p'uurude chi Simón aidapa k'ɨdade bada tede basima. Nek'opataɨde suak'abari bɨde wẽra ichimá chesima. Mãɨ wẽrapa pot'eya alabastro mawara ooda enemeesima. Pot'eya nardo k'era chi ichiawa, chi neepɨa bɨt'a ipiru basima. Mãɨne wẽrapa chi pot'eya obɨɨrɨ beet'aak'ari, maapae k'era Jesú poro ɨ̃rɨ weasima.

Marco 14:8

Nãɨ wẽrapa ara ichi p'ue oosima. Tãaraawẽa bɨde mɨ piuk'ari t'ɨbaridaipɨ. Ichia mɨ mãɨ k'orea k'erapa p'ɨrɨsima.

Marco 15:40

Mãɨne chi eda waapẽarã wẽrarãpa t'ɨmɨɨpa ak'ɨ p'anasidama. Ãchi t'ãena María Magdalena, Salomé mãɨnepa chi abaɨ María basima. Mãɨ María, Santiago chi k'ũtã́ apataɨ mãɨnepa José nae pasima.

Marco 15:42

Norema mimianak'apɨ́ ewari pasima. Mãɨ ewari k'orea judiorã ne oo p'anasidama. K'iupodode,

Marco 15:47

María Magdalenapa mãɨnepa José nae Mariapa Jesú k'ak'ua mãma bɨutat'a unu p'anasidama.

Marco 16:2

Tomione tap'ededa, ɨmata ochiarude, Jesú t'ɨbaridaadamá wãsidama.

Marco 16:8

Mãɨne p'era p'anɨpa k'ak'ua wɨwɨrrɨadak'ari, chi wẽrarã Jesú k'ak'ua t'ɨbaridaadamãɨpa mĩruwãsidama. Ne wap'ea p'anɨ pẽra mi ãpia pida abaɨa jaradaé pasima.

Luca 23:54

Mimianak'apɨ́ ewari ará papodo pẽra judiorãpa mãɨ ewari k'orea ne ãarea jõma oo p'ananai p'anasidama.

Luca 23:56

Mãmãɨpa jĩitea wãnak'ari ãchia k'era oosidama chi k'ak'ua p'ɨrɨdai k'orea. Norema ɨ̃apaasidama Moisepa bɨdade jara bɨ jĩra.

Luca 24:1

Tomione tap'ededa wẽrarã Jesú t'ɨbaridaadamá wãsidama. Ãchia k'ak'ua p'ɨrɨpataɨ k'era oodada ateewãsidama. [Ãchi ome waapẽarã wẽrarã sida wãsidama.]

Juan 19:25

Jesú k'urusude jira bɨk'á Jesú nae, chi nae ũpẽawẽra, Cleop'á k'ima María mãɨnepa María Magdalena p'anasidama.

Juan 19:31

Judiorã Egitodepa wãnana k'ɨ̃risiapataɨ ewari norema pada pẽra ne oo p'anasidama. Mãɨ arapaapataɨ ewari mimianak'apɨ́ ewari pẽra, judiorãpa ẽpẽerã k'urusude barijira bɨdai k'ɨ̃rianawẽa p'anasidama. Mãɨpuru Pilatoa idisidama chi k'urusude barijira be jĩru bɨap'et'apimẽrá isapea piudak'ari ãchi k'ak'ua mãmapema edá jirapidamẽrá.