Marco 10:30 - Tachi Ak'õre Pedea

³⁰ ichia ameena k'aepẽra nãɨ ewaride cien ataipɨ: te, ũpẽarã, ũpẽawẽra, nae, warrarã mãɨnepa ĩjũa. Ẽpẽrarãpa ichi piawẽa oodai k'orea ẽp'ẽnaipɨ maamina chi k'aadepema ewaride Tachi Ak'õre ome ewaricha chok'ae baipɨ.

Marco 10:30 Σταυροειδείς Αναφορές

Mateo 12:32

Abaɨ pida mɨ, chi Ẽpẽra Warra k'achia pedeaipɨra Tachi Ak'õrepa mãɨ k'ɨ̃risia atuaipɨ. Maamina abaɨ pida Tachi Ak'õre Jaore k'achia pedeaipɨra, Tachi Ak'õrepa mãɨ k'ɨ̃risia atuaiwẽma. Nãɨ ewaride mãɨyawẽpɨra mãɨ ewari parude mãɨ k'achia pedea bada k'orea k'ɨ̃risia atuawẽa baipɨ.

Mateo 13:8

Maamina chi eda waapẽarã net'a tau ĩjũa piade baek'oasidama. Waapẽarã minachia chausidama, mãɨ awara atepe chausidama, mãɨ awara mãɨ atepe pará chausidama.

Mateo 6:33

Mãɨpuru k'ɨ̃riat'ɨ Tachi Ak'õrepa machi ichi juade ua bai ichidirã ome. Jĩrak'aua p'anat'ɨ ichia oopi bɨ oodai k'orea. Mãɨya mãra ne newẽa p'anɨ ichia ãarea teaipɨ.

Juan 10:23

Tachi Ak'õre te ãpɨtea p'ɨrrɨapataɨde Jesú p'ɨrrɨa basima. Mãɨ p'ɨrrɨapataɨ Salomoneane apachidama.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Hecho 16:25

Teamasi estarik'a parude Pablopa mãɨnepa Silapa Tachi Ak'õrea ɨt'aa chiidi p'anasidama mãɨnepa ichiá k'ari p'anasidama. Mãɨ waapẽarã jɨ̃a nɨbɨdarãpa ũri p'anasidama.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

1 Timoteo 6:6

Piarã tachia ne minachia uru p'anɨma jĩp'a ninanepa. Maamina, aba ara tachia nãɨ ĩjũane uru p'anɨnepa arapá p'anɨpɨra, mãɨya baipɨ.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

Santiago 5:11

Tachimá, chi minachia mĩa p'anɨne choa berã minachia pia p'anɨma. Mãrapa ũripatama Job ichi tãaraa minachia mĩana jõma choasit'a. Mãɨ ãarea tãaraa nepɨrade bak'ari k'awa p'anɨma Tachi Chiparipa ichi pia bɨsit'a. Ichia k'ĩra chupuria bɨma mãɨnepa k'ɨ̃rianepa k'aripai bɨma.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

Apocalipsi 2:9

»Mãrapa oo p'anɨt'a mɨa k'awa bɨma. Mãra mĩa p'anɨt'a mãɨnepa nenea k'edet'a k'awa bɨma. Mãɨya p'anɨmina Tachi Ak'õrenepa ɨbɨa p'anɨma. Mɨa k'awa bɨma chi ara ãchi judiorãane apataɨrãpa mãra k'orea k'achia pedeapatat'a. Ãchi Tachi Ak'õrené ẽpẽerãane apatamina tioredé ẽpẽerãpɨ.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.