Luca 8:47 - Tachi Ak'õre Pedea

⁴⁷ Wẽrapa ooda p'ue mẽraiwẽ k'awada pẽra wap'eapa ore nɨbeek'ari Jesú jĩruk'á wãk'ari sĩraporode k'obeesima. Maapae ãareaɨrã k'ĩrari jarasima sãmaasã́ Jesú t'õmarik'ari mãɨnepa ara mãɨne jɨpa beesit'a.

Luca 8:47 Σταυροειδείς Αναφορές

Mateo 28:8

Ara mãɨne wẽrarã Jesú k'ak'ua t'ɨbaridaadamãɨpa p'ira wãsidama. Wap'ea p'ananak'ari maamina sõ arapá wãsidama. Jesú ome p'ɨrrɨa p'ananarã́ jarade wãutade Jesú chek'ari ãchiá pia pedeasima. Maapae wẽrarã ichimá chedak'ari ichi jĩru oredak'ari, ichi minachia k'ɨ̃riasidama.

Marco 5:33

Mãɨya bɨde wẽra ne wap'eapa ore nɨbasima Jesudepa jɨpa beeda k'awa bɨ pẽra. Maapae Jesumá chek'ari ichi k'ĩrari bedabari k'obeek'ari jarasima: —Mɨa piarã pɨ t'õmarisima.

Luca 8:46

Maamina Jesupa jarasima: —Abaɨ pida mɨ t'õmarisima. Mɨa k'awa bɨma mɨ jua chaareadepa ichi jɨpa beesit'a.

Luca 8:48

Mãɨne Jesupa jarasima: —K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse.

Hecho 16:29

Maapae chi jɨ̃a nɨbɨpataɨ te ot'eaparipa ĩpira enemeepik'ari Pablo mãɨnepa Sila p'anɨmá isapea eda wãsima. Ne wap'eapa k'ak'ua ore nɨbɨpa ãchi k'ĩrari bedabari k'obeesima.

1 Corintio 2:3

Mãɨne mɨ ɨbɨwẽa bɨ k'ɨ̃risiasima. Mãɨnepa p'ue pia jarateawẽa k'ɨ̃risia bada pẽra wap'eapa k'ak'ua ãarea ore nɨbapachima.

2 Corintio 7:15

Titopa k'ɨ̃risia baparima mãrapa ichia jarada jĩra oosidama mãɨnepa wap'ea p'anɨnepa ichi pia bɨade asidama. Mãɨpuru mãra minachia k'ɨ̃ria bɨma.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Hebreo 12:28

Tachi Ak'õre juadepema jõk'apɨɨmá p'ananai pẽra ichiá pia bɨade adai p'anɨma. Minachia wap'ea p'anɨnepa ichiá pia pedeadai p'anɨma ichia k'ɨ̃ria bɨ jĩra,