Luca 20:23 - Tachi Ak'õre Pedea

²³ Maamina Jesupa k'awa basima ichi nepɨrade baemẽrá mãɨya p'anɨt'a. Mãɨpuru jarasima: —¿Mãrapa k'ãre k'orea mɨ piawẽa pedeapii k'ɨ̃ria p'anɨma?

Luca 20:23 Σταυροειδείς Αναφορές

Mateo 16:1

Mãɨya bak'ari waapẽarã p'ariseorã mãɨnepa saduceorã Jesumá orrobarisidama, ichi Tachi Ak'õrenepa che bɨ k'awadayá. Mãɨ k'orea ichiá idisidama ẽpẽrarãpa ne p'ue oodak'apɨ́ oomẽrá.

Mateo 22:18

Jesupa k'awa bada pẽra mãɨrãpa k'ɨ̃risia mietá uru p'anɨt'a, mãɨpuru mãɨya jarasima: —Mãra ẽpẽerã pia jĩra berã, ¿k'ãre k'orea mɨá pedea piawẽa pedeapidayá jãɨya p'anɨma?

Luca 20:20

Maapae p'aarerã chi mãɨrã chaarearãpa ẽpẽra jĩp'a be jĩra peesidama Jesú pia ak'ɨdamẽrá. Mãɨrãpa Jesú piawẽa pedearu ũrisidara ara mãɨ jitadak'ari ãchi tuadepema poro chaarea juade teadai k'ɨ̃risia p'anasidama.

Luca 20:22

Mãɨya bɨpɨra taiyá jarase, Romanepema pae erreara jɨrɨp'epataɨ ¿tachi judiorãpa p'aadai pia bɨk'ãra wa mãɨyawẽ?

Luca 20:24

Mɨá erreara tau aba ak'ɨpit'ɨ. ¿K'ai k'ĩra nãɨne bɨ bɨma? ¿K'ai t'ɨ̃ eda bɨ bɨma? Ãchia p'anoosidama: —Romanepema chi atepe poro chaarea bɨdé.

Luca 5:22

Maamina Jesupa ãchia k'ɨ̃risia p'anɨ k'awada pẽra nãɨya idisima: —¿K'ãre k'orea mãra sõne jãɨya k'ɨ̃risia p'anɨma?

Luca 6:8

Maamina ãchia k'ɨ̃risia p'anɨt'a Jesupa k'awa bada pẽra chi ẽpẽra jua sorek'ea bɨa nãɨya jarasima: —P'irabarik'ari ãareaɨrã taade bai nɨbeese. Ara mãɨne chi ẽpẽra p'irabarik'ari maapae bai nɨbeesima.

Hecho 13:10

—¡Tiore warra, pɨa ne ãarea jĩp'a bɨt'a k'ɨ̃riak'ama! ¡Nemietá ooyá bɨma mãɨnepa chi sea bɨma! ¿K'ãre k'orea ara pɨchia Tachi Chipari pedea seaade a bɨma?

1 Corintio 10:9

Cristopa k'ãre ooit'a k'awadai k'orea, tachia nemietá oodaiwẽa p'anɨma waapẽarã ãchidiidepemarãpa oodada jĩra. Mãɨ k'orea ara ãchidiidepema taamapa k'aak'oak'ari piusidama.

1 Corintio 3:19

Tachi Ak'õremá, chi nãɨ ĩjũanepema k'ɨ̃risiat'a piawẽa bɨma. Tachi Ak'õre pedeade nãɨya bɨ bɨma: «Tachi Ak'õrepa chi nãɨ ĩjũane ne k'awa berã ara ãchi k'ɨ̃risiadepa k'awapiparima ne k'awa p'anɨwẽt'a».

Ep'esio 4:14

Mãɨyara waa warra chak'e jĩra p'ananaiwẽma. Warra chak'epa paritua pedeauta ĩjãaparima. Mãɨ awara ẽpẽrarã sea k'awa berãpa jaratea p'anɨnepa seade ĩjãapipatama nãupa japa ãyá ateeru jĩra. Maamina tachi mãɨ japa jĩra p'ananaiwẽma.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.