Luca 13:31 - Tachi Ak'õre Pedea

³¹ Mãɨ ewaride waapẽarã p'ariseorã orrobaridak'ari Jesua jarasidama: —Nãmapema isapea wãse. Herodepa pɨ pea k'ɨ̃ria bɨma.

Luca 13:31 Σταυροειδείς Αναφορές

Mateo 14:1

Mãɨ ewaride Herode Galilea tuadepema chi chaarea bɨ pasima. Mãɨ Herodepa Jesupa ooda k'orea ũrisima.

Mateo 14:3

Herodepa mãɨya jarasima Juan peapida pẽra. Mãɨ nãɨya basima: Herodepa ara ichi ũpẽa P'elipe k'ima Herodía apataɨ atasima. Maamina Juanpa ichiá jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma». Mãɨ k'orea Herodepa Juan jitapik'ari eda jɨ̃a nɨbɨpataɨ tede k'ãnenapa jɨ̃ nɨbɨpisima.

Mateo 14:6

Herode t'õna ewari ará pa bɨde Herodía k'au jõmãɨrã k'ĩrari paerasima. Herode mãɨ k'orea miak'ãe sõ arapá bada pẽra,

Luca 23:7

Mãmapema k'awaside Jesú Herodemá peesima ichi nepɨra ak'ɨmẽrá. Herode Galileade chi minachia k'awa bɨ pasima maamina mãɨ ewaride Jerusalén p'uurude basima.

Luca 3:1

Tiberio chi Romanepema atepe poro chaarea bɨ quince ãyo pa bɨde, Poncio Pilato Judea tuade chi minachia k'awa bɨ pasima. Herode Galilea tuade chi minachia k'awa bɨ pasima. Chi ũpẽa P'elipe Traconite tuade mãɨnepa Iturea tuade chi minachia k'awa bɨ pasima. Lisania Abilene tuade chi minachia k'awa bɨ pasima.

Luca 9:7

Herode Galilea tuadepema chi chaarea bɨ pasima. Mãɨ Herodepa ãarea Jesupa oo bɨt'a ũrisima. Ichia k'awa k'ɨ̃risiawẽa basima waapẽarãpa nãɨya jara p'anɨ pẽra: —Juan chi Porochoaparí chok'ae p'irabarisima.